الموضوع: عندك عربية قديمة وناوي تبيعها ... طب الحق بيعها قبل يناير 2015

للاسف كلام حضرتك مش صح ، الاتفاقيه شغاله من 2010 وحتى عام 2019 بتخفيض 10% كل عام ، وتم التطبيق الا انه تم الغاء التطبيق العام الماضى وهناك محاولات للالغاء هذا العام ..وهذا التخفيض يصل لسيادتك 2 % فقط ...ومعنى هذا انه على الرغم من تطبيق الاتفاقيه من عام 2010 حتى الان . الا اننى اتحدى سيادتك ان يكون قد تم تخفيض سعر اى سيارة بمصر..وذلك لعوامل كثيرة ...وشكرا

الناس الفتايييين لسه بيشربوا ميه ساقعة


لن تؤجل الاتفاقية مرة اخرى
لمصر امكانية التاجيل مرة واحدة وواحدة فقط لاغير
وقد استخدمتها اول 2014 ارحمونا من الفتييييييي بقا

لسه فيه ناس بتقاوح

على الرغم من ان كل التوكيلات قاعدة تعمل تخفيضات علشان تسرب المخزون اللي عندها قبل الاسعار الجديدة (المخفضة)

اللي لو هو مخفضهاش غيره هيلبسه في الحيطة ويخفضها غصب عنه

وابرز مثال واحنا لسه موصلناش للتخفيضات الرسمية هتلاقي العربيات الخليجي بتتباع ارخص من العربيات اللي عند التوكيل وكمان فيها اوبشنات اكثر ودا يدل على ان التوكيل مستهبل في تسعير العربية وحاطط هامش ربح بالعبيييط مش بالمعقول زي بقية مخاليق ربنا

ودي ولا جيه من اوروبا ولا حاجة فما بالك بالعربيات اللي جايه من اوروبا هتلاقي مثلا العربية عند التوكيل بكذا هيقوم واحد رايح عامل نفس المشوار اللي بيعمله اللي بيجيب الخليجي بس من اوروبا ويجيب العربيات لحسابه _ بعيد عن التوكيل طبعا _ وطبعا هيبعها بسعر اقل من التوكيل اللي برضه هيحط هامش ربح بالعبيط حتى بعد التخفيض المنتظر

((((((المستقبل في مصر للاوروبي)))))
بحلول 2019
كل العربيات الي هتدخل مصر هيكون عليها جمارك
ماعدا الاوروبي
ولاحظ انتشار البيجو والستروين والرينو
مع انخفاض اسعار قطع غيارهم عن الاول
وستخفض اكثر مع مزيد من الانتشار
الذي هو حتمي ولا مفر منه
لانخفاض اسعار العربيات نفسها
بتطبيق الاتفاقية سنة ورا سنة

وستصبح مقولة اصل ملهاش سعر اعادة بيع كويس
من الزمن الماضي
لانها كانت بتتقال لان العربيات دي كانت غالية
وسعر قطع غيارها غالية
والان يحدث العكس

وبخصوص التخفيضات
اليكم شهادة شاهد من اهلها لا يعرفني ولا يعرفكم
يا ريت محدش يقاوح تاني
لاحسن شكلكم بقى وحش اوي

اليوم من اهرام السيارات الجمعة 5- ديسمبر 2014
صفحة 14




اشوفكم يناير 2015
ان شاء الله

هو الناس مبتعرفش تقرا جرايد وعايشين معانا في مصر ولا ايه ولا يمكن يكونوا من جاردن سيتي؟! يمكن!!!!




[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

اولا
رئيس مصلحة الجمارك

قال مجدى عبد العزيز سيف النصر رئيس مصلحة الجمارك أن الرسوم الجمركية للسيارات فى مصر من أعلى ثلاث دول فى العالم ، موضحاً أن مصر انضمت إلى العديد من الاتفاقيات الدولية التى قامت بخفض الجمارك أو الغاءها من بعض الدول
واضاف عبد العزيز فى حواره ببرنامج “بصراحه” على قناة التحرير ، أن مصر خفضت بعض الجمارك عن اللجان مع تعدد الاتفاقيات التى وقعتها مصر ،مؤكداً أن السيارات ستصل مصر فى عام 2019 بدون جمارك .
وأشار رئيس مصلحة الجمارك أن الإيرادات الاساسية لمصلحة الجمارك هى حصيلة الرسوم من المنافذ ، مؤكداً أن حركة التجارة مع مصر مؤشرها جيد جدا وتسير فى اتجاه ايجابى مؤخرا .

المصدر

الحوار التلفزيوني في برنامج بصراحة (قناة التحرير)

رابط اللقاء في برنامج بصراحة (قناة التحرير)

ثانيا
مدير عام المكتب الفنى لرئيس مصلحة الجمارك


قال أحمد حسنين، مدير عام المكتب الفنى لرئيس مصلحة الجمارك إنه سيتم استئناف تطبيق الشراكة المصرية الأوروبية على السيارات فى عام 2015 بعد أن تم إيقافها عام 2014 لمدة عام بناء على الطلب المصرى للجنة المشاركة.
وأشار حسنين إلى أن الاتفاقية أعطت الحق للدولة التى تواجه مشكلات فى صناعتها المحلية أن تطلب التأجيل أو التخفيض للمنتجات وبالتالى تم تعليق الجدول الزمنى للاتفاقية لمدة عام.
وأضاف مدير عام المكتب الفنى أن الشريحة التى ستتطبق فى عام 2015 نسبتها %60 ما يعنى أن السيارات فئة 1600 سى سى وفئتها الجمركية %40 سيبلغ حد إعفائها %24 وستسدد %16 رسوماً جمركية. بينما فى السيارات فئة 2000 سى سى أو ما فوقها والتى تبلغ فئتها %135 ستعفى بنحو %81 وستسدد %54 رسوما.
وقال حسنين «إن كل ما يستورد من دولة الاتحاد الأوروبى سواء شخصياً أو تجارياً يتمتع بالإعفاء الجمركى شريطة استيفائه لقواعد المنشأ يورو 1 أو يورو mid أو مستند الإثبات»

المصدر


طبعا عترجعوا تقولولي الاسعار مش هتنزل
هي مش بتنزل مش لان الاتفاقية مش بتتنفذ
ولكن الاتفاقية بتتنفذ والتخفيض بيحصل
لكن التوكيل الجشع بيعميه وبدل ما يخفض سعر العربية
بيضرب التخفيض في جيبه كل سنة ... وهكذا

اللي هيحصل ان شاء الله زي ما قلت قبل كده وزي ما الراجل بتاع جرنال الاهرام قال
ان في ناس هتستورد العربيات من طرفها بعيد عن التوكيل وتبيعها بسعر اقل
زي ما بيحصل مع العربيات الخليجي وده هيكشف التوكيلات الجشعة امام الناس
وساعتها غصب عنه هيضطر ينزل السعر
وعلى فكرة الراجل بتاع الاهرام ده بيكتب كل اسبوع مش مرة وخلاص
يعني راجل له ثقله في الموضوع علشان كده بيكتب عمود اسبوعي

محدش يرغي تاني لاحسن مرارتي اتفقعت منكم



[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

مفترض ان الاتفاقية تعني ان السيارات اللي بتتصنع في اي دولة اوروبية تاخذ سمة
سيارة ذات منشأ اوروبي بغض النظر العربية اصلها كوري ولا امريكي ولا صيني ... الخ

يعني لو في هيونداي النترا بتتصنع في دولة اوروبية
تبقى سيارة ذات منشا اوروبي
وده اللي الناس مش واخده بالها منه

لان السنة اللي جايه كل التوكيلات اللي في مصر ان شاء الله هتتكشف
والسرقة اللي بتتم في تسعير العربيات هتبقى على المكشوف امام كل الناس

لان زي ما قلت اذا كان هبور بيبيع الالنترا مثلا 150000 هتلاقي مستورد راح جايبها
من اوروبا وعلى الرغم من انها جاية وعليها مصارف شحن وكمان الجمارك (المخفضة)
وهبيبعها رغم كده ارخص منه هبوووووور

نفس الكلام مع الشيفروليه بتتصنع في اوروبا وهيتعمل معاها نفس الموضوع
وباقي التوكيلات نفس الشئ ....الخ

موقع شيفروليه اوروبا

اقرب بلد يعتبر اوروبي وفقا للموقع الرسمي لشيفروليه اوروبا هى تركيا

وممكن تتفقع وتشوف ان احنا بيتضحك علينا في الموديلات مش بس الاسعار

موقع شيفروليه تركيا

الافيو اللي عندنا على سبيل المثال دى بالنسبة ليهم الافيو كلاسيك
ونزلوا ليهم بعد كدة الافيو الجديدة (اللي هى السونيك اللي نزلت عندنا وبعدين وقفوها)
ودي افضل من الافيو طبعا بس الجشع تقول ايه

كمان عندهم كروز هتشباك وكروز ستيشن بالاضافة الى الكروز السيدان

راجع الموضوع ده علشان تعرف تسعير الكروز كمثال

رابط الموضوع