ارجو المساعده في تظبيط عفشه العربيه

**medosalah** · 11-11-2014 04:10 PM

العربيه من كام شهر كانت الركبه اليمين متاخره واحد سنتي متر وده كان عامل عندي حدفه بسيطه يمين وكانت عايزه زرجينه

المهم اني مشيت بيها كده حوالي 1000 كيلو خلال الفتره اللي فاتت لاني كنت مشغول ومش فاضي

بس من فتره حاسس بخبط ودربكه تحت رجلي الشمال في الطرق المتكسره فقط

غيرت تيش الميزان بس الوضع زي ما هو

المهم العفشجي كشف عليها وقالي المساعدين عايزين يتغيروا

اجيب جديد ولا استيراد؟ واجيب من عند العايدي ولا السوري ؟ والسوري ده مكانه فين؟

والطنابير الاماميه بدات تصفر تاني وانا كنت عاملها صنفره او بيسموها اتخرطت مره واحد

اجيب طنابير استيراد برده ولا جديد ونوعها ايه؟

وبالمره بقي كنت عايز اجيب فوانيس شبوره؟ وفوانيس اماميه.؟ واركب زينون وعدسات

اجيب جديد ولا استيراد والاسعار فيحدود كام ؟ اسف علي الطاله

علي فكره العايدي قالي ان الركبتين بالسوست ب 500 والطنابير 200

بس انا بفضل الطنابير تبقي جديده بس مش عارف النوع الكويس

**محمود الشافعى** · 11-11-2014 04:26 PM

أذيك يا دكتور أخبارك ايه
بالنسبة للعفشة انا بتعامل مع واحد كويس جدا بس هوا بعيد شويه
اسمه مدحت الباشا فى منيل شيحه بعد كمين ابو النمرس وهوا ممتاز ويستاهل المشوار
بالنسبه للفوانيس العاديه مش العدسات الاثنين ب 500 جنيه جديد واستيراد برده نفس السعر تقريبا
وفوانيس الشبوره 2 ب 250 جديد

**محمود الشافعى** · 11-11-2014 04:29 PM

وبالنسبة للطنابير مش هعرف افيدك بس لو هتجيب تيل بلاش ريمسا خالص جايبه وعايز ارميه

**medosalah** · 11-11-2014 04:42 PM

المشاركة الأصلية كتبت بواسطة محمود الشافعى

وبالنسبة للطنابير مش هعرف افيدك بس لو هتجيب تيل بلاش ريمسا خالص جايبه وعايز ارميه

استاذ محمود.. شكرا لحضرتك علي سرعه الرد

بس للاسف العفشجي اللي حضرتك قولت عليه مشواره بعيد اوي ..

وفعلا التيل الريمسا بقي كله مضروب

**medosalah** · 11-11-2014 04:45 PM

كمان العفشجي اللي كشف علي العربيه قاللي ان القاعدين الاماميه عايزين يتغيروا

وشداد الماتور جلدته مشرخه جامد

هل اجيب الكلام ده جديد ولا استيراد وفي حدود كام؟

انا عنده رعشه في العربيه في طلعه الاول (العربيه مانيوال 1600)
بتزيد اوي مع التكييف وتحميل العربيه

**Hesham.H** · 12-11-2014 03:20 AM

انا جايب دشمتين امامى من السورى الاسبوع اللى فات ٤٠٠ جنيه الطنبورتين واجهزه الفرامل بالتيل وحساسات الاى بى اس والسره والدشمه الخلفيه حاله ممتازه واللى عنده كله نضيف ... وخلى بالك ان التيل الموجود فى مصر حاليا كله مضروب
المساعدين لو هاتفكهم من نص نضيف قدام عينك هاتهم استيراد ... غير كده يبقى عليك وعلى التوكيل ... أغلى شويه بس أضمن حاجه
الفوانيس الديبو ممتازه وزى ما قال محمود ب ٥٠٠ جنيه ... استيراد حسب الحاله من ٥٠٠ الى ٦٠٠
الفاليو الاصلى موجود منه جديد ب ٥٥٠ جنيه الواحد ... الاتنين ١١٠٠

**medosalah** · 12-11-2014 11:34 PM

المشاركة الأصلية كتبت بواسطة hesham.h

انا جايب دشمتين امامى من السورى الاسبوع اللى فات ٤٠٠ جنيه الطنبورتين واجهزه الفرامل بالتيل وحساسات الاى بى اس والسره والدشمه الخلفيه حاله ممتازه واللى عنده كله نضيف ... وخلى بالك ان التيل الموجود فى مصر حاليا كله مضروب
المساعدين لو هاتفكهم من نص نضيف قدام عينك هاتهم استيراد ... غير كده يبقى عليك وعلى التوكيل ... أغلى شويه بس أضمن حاجه
الفوانيس الديبو ممتازه وزى ما قال محمود ب ٥٠٠ جنيه ... استيراد حسب الحاله من ٥٠٠ الى ٦٠٠
الفاليو الاصلى موجود منه جديد ب ٥٥٠ جنيه الواحد ... الاتنين ١١٠٠

استاذ هشام. الف شكر للرد بس هو السوري ده مكانه فين ؟؟؟ وهل الدشمتين شاملين الطنابير ولا لا؟

وهل لازم حكايه اني افكهم من نص؟؟ لان اغلب الدشم بيبقوا فاكنهم علي جنب؟؟ يعني هل حضرتك خليته يفكهم من نص؟؟ ولا غلبك كتير ورفض في الاول

الف شكر مره تانيه بس يا ريت مكان السوري او رقم تليفونه

يعني في شارع المرسيدس ولا ناحيه اولاد بيومي وعبد الشافي ولا ناحيه النواصره وسكارو للتكييف ولا فين؟

**Hesham.H** · 13-11-2014 02:45 AM

المشاركة الأصلية كتبت بواسطة medosalah

استاذ هشام. الف شكر للرد بس هو السوري ده مكانه فين ؟؟؟ وهل الدشمتين شاملين الطنابير ولا لا؟

وهل لازم حكايه اني افكهم من نص؟؟ لان اغلب الدشم بيبقوا فاكنهم علي جنب؟؟ يعني هل حضرتك خليته يفكهم من نص؟؟ ولا غلبك كتير ورفض في الاول

الف شكر مره تانيه بس يا ريت مكان السوري او رقم تليفونه

يعني في شارع المرسيدس ولا ناحيه اولاد بيومي وعبد الشافي ولا ناحيه النواصره وسكارو للتكييف ولا فين؟

فعلا كل الدشم بتبقى مفكوكه وهى طبعا شامله الطنابير .. انا قصدى اللى تفكهم من نص المساعدين مش الطنابير
السورى فى شارع المرسيدس فى الصف بتاع النواصره على ايدك اليمين وانت جاى من عند الجامع ... وهو ده المحل الاول اللى واقف فيه اسمه باسل
المحل التانى قبله ب ١٠ متر بالظبط على الشمال وانت جاى برضو من عند الجامع واللى واقف فيه ابو عبده

**hassan777** · 13-11-2014 03:06 AM

استاذ ميدو ... اولا موضوع تاخير العجله 1 سم مش هو ده اللى عملك المشكله دى .. بتاعه الاصوات اللى بتسمعها فى الجانب الشمال تحت رجلك دى .. و ثانيا .نصيحه لما تغبر اى حاجه من الحا جات اللى العفشجى قالك عليها دى .. هاتها جديده ..و عشان الصوت اللى بيكون تحت رجلك ده .. خلى العفشجى يكشفلك على علبه الدريكسوين .. و بالاخص على البارات الداخليه ... او اى مركز ضبط زوايا ممكن يعملك الكشف ده
مع العلم ان انا عندى مركز زوايا و عفشه .. يعنى ده شغلى :d