ارجو المساعده في تجديد عفشه فيكترا بي

**medosalah** · 15-05-2013 12:16 AM

كنت بحس بخبط بسيط تحت رجلي الشمال خاصه في الشوارع المكسره. بس كنت بنفضله احد ما زاد اوي . المهم روحت لعفشجي عندنا فك العجله الشمال قدام لقيت بيض المقص والدراعات ( البارات) سايب مش ماسك نفسه .قاله هكبسهملك وهيقعدوا معاك كمان 6 شهور والتكلفه 250 بالمصنعيه والتركيب, المهم بصراحه قولت اغيرهم احسن , فكنت عايز مشورتكم اجيبهم جديد او استيرا ومنين وبكام, وكمان عايز اعلرف ايه كمان ممكن يتغير في العفشه علشان احددها بامره لا الطنابر بتصفر ولقيتها متاكله شويه(اخرطها ولا اغير)
وانا ان شاء الله ناوي انزل احرفيين بكره علشان اجيب طقم جنوط استيراد ومريات كهرباء ضم , اجيبهم من اي واحد؟ وبكام تقريبا , علشان انزل مره واحه في الحرفيين اخلص كل حاجه ويا ريت ترشحولي عفشجي وكهربائي كويس في الحرفيين, اااسف علي الاطاله

**tananybasha** · 15-05-2013 01:43 AM

للأسف اللى اعرفه فى الجيزه

**medosalah** · 15-05-2013 04:58 PM

المشاركة الأصلية كتبت بواسطة mrastra

بص العاييدى فى الحرفيين هو اكبر تاجر استيراد وعندة غير المحل مخزن بسم الله ما شاء الله تحس انك فى المانيا وانت هناك
لكن تعاملهم سىء يعنى كلمة ونص وعندهم اللى ماسك الشغل اسمة مليجى بصراحة تيييييييييييت

اما الباقى بقى فمثﻻ الفولى حاجتة نضيفة اوى ومرتبة بس اقل من العاييدى

وانا لو منك هاجيب جنبين كاملين سوستة ومساعد وبطاحة وطنبورة كاملة اعتقد هايعملو 500 جنية

شكرا جزيلا لرد حضرتك, بس انا مشكله العفشه الاساسيه عندي هي بيض المقصات والبارات
فهم يعملوا كام تقريبا, وكمان اجيب مرايات كهربا وجنوط منين

**mrastra** · 15-05-2013 11:02 PM

مشكلتك بيضة المقص
مهى متبرشمة فى جسم المقص
يبقى لازم تجيب المقص كامل وانا لسة شارية من عند المذكور اعلاة بـ 150 جنية للواحد
انما بقية المكونات معرفش سعرها بصراحة

**hagagatc** · 17-05-2013 02:26 PM

لو حتجيب جديد بيض مقص يبقي حتعمل عمره للمقص حيفور البرشام وحيركب بيض المقص بمسمار وصاموله ولازم عند واحد خراط انا كنت جايبهم من فتره بحوالي 180 جنيه الاتنين ولازم يشيكلك برضه علي الجلب لو الجلب بيظه هي كمان يفضل تجيب مقصين كاملين بحالتهم