الموضوع: اكسيل ولا ماروتى

المشاركة الأصلية كتبت بواسطة ahmedvero

بصي حضرتك انا كان معايا اكسيل وهقولك الحاجات اللي كانت بتقابلني
كنت بسافر بالعربيه عادي جدا والحمد لله عمري ما خبطتها ولا اشتكيت من ثباتها
العربيه هتقرفك حبتين لو مركبه حد معاكي يكون وزنه بسم الله ما شاء الله او تارساها علي اخرها هتلاقيها بتحك في المطبات بس ممكن تتغلبي علي كده وتاخدي المطب بعرض العربيه
قطع غيارها كانت قرفاني بصراحه لانها كانت اول عربيه ليا وربنا يسامح اللي باعهالي كانت حالتها مهكعه فاهم حاجه حاله العربيه اللي هتجيبها
سوقتها حلوه مش وحشه زي العربيات القديمه وهتعرفي تبيعيها بسعر كويس لما تيجي تجددي ان شاء الله
بس اهم حاجه تكون حالتها حلوه

بالنسبه للاحجام انا ا بناتى حجم العصفوره
طيب والمطبات حضرتك هتاثر على العربيه او تعوم منى او حاجه وانا على فكره بمشى ماشيه النمله لانى ساكنه فى ارياف والهى ما يوريك الحيوانات والاطفال الى متعرفش بتطلع منين
معلش طولت عليك

المشاركة الأصلية كتبت بواسطة omar mahmoud

رأيي الاكسيل

شكرا ليك
مستنيه اراء تانيه كمان

المشاركة الأصلية كتبت بواسطة j a g u a r

كعربيه قصاد عربيه الاكسيل تفصل اتنين تلاته من الماروتى شكلا وموضوعا

الميزه فى الماروتى عن الاكسيل هاتبقى موديل حديث واستهلاك بنزين اقل والباقى كله فى صالح الاكسيل والاهم الاهم الحاله للأكسيل

طيب ده فعلا هيخلى التحكم صعب فى العربيه بما انها كبيره ولا فعلا مش فارق

بسم الله الرحمن الرحيم

أختنا الفاضله

أدام الله سعده و توفيقه عليك ثم أما بعد

قبل البدأ فى أى شروحات أود أن أسأل حضرتك قليل من اﻷسئله حتى ﻻ يحيد رأى عن الهدف و ﻻ يخطىء جانب الصواب

1 - هل حضرتك تعقدين المقارنه بين سيارتين مستعملتين؟ أم بين سياره جديده(ماروتى) و اﻷخرى مستعمله(إكسيل)؟

2 - هل توجد نوايا لتغيير السياره بعد فتره قريبه أم بعيده ؟

3 - هل الطرق التى تستخدمين فيها السياره مزدحمه أم لا؟

فى إنتظار إجابات حضرتك

هداك الله ﻷرشد أمرك

السلام عليكم و رحمة الله و بركاته