الموضوع: تيل وطنابير سى اليزيه

55 الف كيلو بسى اليزيه صيانه دوريه فى التوكيل بستثناء التيل والطنابير اللى غيرتهم برا التوكيل
اولا بخصوص التيل اللى جبته نوعه اسمه valeo اسبانى اصلى من انضف انواع اللى جربتها فى حياتى والله بجد تيل محترم لا بيصفر ولا بيهبب والتحكم اكتر من رائع التيل جبته ب 190 ودا رقم التيل 598464 بيركب على موديلات كتيره بيجو وستروين الاشهر بيجو 307 1400 سى سى
ثانيا بخصوص الطنابير valeo بردو اسبانى اصلى لسه تحت التجربه وانا متفائل جدا سعرها ب 520 ورقمه 186695 وصديقى جبهملى من التوفيقيه

اخيرا انا بطمن كل اللى عندهم العربيه او بيفكروا يجبهوا من مشكله قطع الغيار العربيه قطع غيارها متوفرة مش شرط يكون باسم موديل عربيتك لان موديلات كتيره بيركب فيها نفس قطع الغيار بالنسبه للاسعار العربيه قطع غيارها ارخص من عربيات كتيرة زى القرش مثلا ودى معايا بردو العربيه قطع غيارها غالى وغير متوفر ... ومعلومه اخيره شركه depo نزلت فوانيس عاديه ومعدله ليد للسى اليزيه وال301

تحياتى للجميع

التيل انا جبته من عند غزال مش شارع دمشق والراجل دا محترم جدا والحاجه اصلى يعنى اصلى بما يرضى الله وهو الوحيد اللى لقيته بيبع تيل فاليو وريمسا الاصلى ب 190 جنيه الباقى بيبع الريمسا ب 225 والفاليو ب 250
الطنابير واحد صحبى جبهالى من التوفيقيه هو شغال فى الزقازيقى هناك معرفش جبهم من اى محل