الموضوع: تيل وطنابير الجين 2 , هام جدا جدا

المشاركة الأصلية كتبت بواسطة eng f3lix

تحب اقفلك اكتر؟

سعر التيل الاصلي البوش في التوكيل ب 1400 بالتركيب والضريبة :)

العربية ليها اتيال فرامل كتير اوي سواء البوش الالماني ده او الايطالي ب 350 ونفس الاداء او الماليزي او الصيني او المصري .. والمفاجأة ان نفس تيل الفيات جراند بونتو والباليو والبترا بيركب عادي على الجين2 وفي منه انواع كتير جداً واسعاره رخيصة كمان بتبدأ من 120 مثلا

يعنى حضرتك عاوز تقولى ان التيل المصرى زى الصينى زى الماليزى زى الالمانى زى الايطالى مع اختلاف اسعارهم , طيب ازاى دى بقى ياهندسة ؟ محتاج افهم منك اكتر

المشاركة الأصلية كتبت بواسطة eng f3lix

الطنابير انا معاك ان خامتها وحشة بس مش هتغيرهم كل 3 مرات تغيير تيل زي ماصاحبك قالك .. الفتي لا دين ليه بصراحة .. ولو هو ده اللي هيقفلك من العربية يا سيدي هات طنابير vttr سبور هتعيش معاك كتير وهتحسن اداء الفرامل كمان

طيب عمر الطنابير فى حدود كام كيلو وسعرها كام لو حضرتك عارف والطنابير الاسبور بردة بتعيش قد اية وسعرها فى حدود كام ؟

المشاركة الأصلية كتبت بواسطة eng f3lix

في النهاية استهلاك التيل بيعتمد على طريقة السواقة .. لكن عمره فعلا قليل يعني لو عمل 20-30 الف حلو جداً

دة التيل الصينى ولا الماليزى ولا بتاعها اساسا اللى هو فى التوكيل ؟
ومتشكر لحضرتك على الرد السريع وياريت لو فى حاجات تانية تعرفها ممكن تقفلنى منها تقولهالى علشان شكلى للاسف هشوف ماركة تانية مع ان العربية فيها كل حاجة محتاجها بس صيانتها لو هتصرف اكتر بكتير اوى من اللانسر او الشيفرولية يبقى جود باى يا بروتون s:

اقرأ يا فندم الموضوع ده وبعد كده حدد انا زيك بالضبط محتار فى العربية دى بس انا بقى عشقها جداااا لذلك ممكن اتغاضى عن اى عيب فيها لا يؤثر على ادائها اليومى
http://www.nilemotors.net/Nile/288996-vttr-2-a.html

صديقي المواطن
والله إنت راجل أظنك مش قنوع تيل فرامل يمشيك 20 أو 30 ألف ومستهون بالموضوع وحاسه قليل قسما بالله عندي كان عربية اﻷصلي كان بيقعد فيها 5 آلاف وبصلي ركعتين شكر وكمان العادي كان بيقعد أسبوع وكان فيه نوع مليته الصبح بعد يومين خلصان ومرة حطيت تيل وسافرت 400 كيلو وصلت قبل المكان ب 20 كيلو خلص
ثم مفيش داعي نهائي تركب أصلي غالي عالفاضي تركب التيل أبو 80 جنيه حيمشيك 20 ألف مستريح إشتري 3 أطقم وحطهم في الشنطة وغير براحتك
ثم أنا حديك خلاصة الخلاصة في الطنابير وإزاي تعيش معاك حتى لو مصنوعين من ورق
إبعد عن حاجتين
أولهم إنك تمشي عالطنابير بعد ما التيل يطلع صوت إحتكاك المفروض لما تسمع تحذير صفارة اﻹنتهاء تنزل تغير الطقم في نفس اليوم
ثانيهم
إياك تعمل حاجتين إن العربية تكون سخنه وتخش فيها بركة مياه حتضلع وتلوح الطمبورة
وإياك وهي سخنة وتدخلها المغسلة وحد بخرطوم يرمي مياه عليها وهي سخنة إستناها تبرد ثلث ساعة كده ثم إغسل العربية
وسيبك من ما يقال في أسعار قطع غيار عز العرب الخزعبلية دول ناس همهم إن العربية تفشل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة saddam

صديقي المواطن
والله إنت راجل أظنك مش قنوع تيل فرامل يمشيك 20 أو 30 ألف ومستهون بالموضوع وحاسه قليل قسما بالله عندي كان عربية اﻷصلي كان بيقعد فيها 5 آلاف وبصلي ركعتين شكر وكمان العادي كان بيقعد أسبوع وكان فيه نوع مليته الصبح بعد يومين خلصان ومرة حطيت تيل وسافرت 400 كيلو وصلت قبل المكان ب 20 كيلو خلص
ثم مفيش داعي نهائي تركب أصلي غالي عالفاضي تركب التيل أبو 80 جنيه حيمشيك 20 ألف مستريح إشتري 3 أطقم وحطهم في الشنطة وغير براحتك
ثم أنا حديك خلاصة الخلاصة في الطنابير وإزاي تعيش معاك حتى لو مصنوعين من ورق
إبعد عن حاجتين
أولهم إنك تمشي عالطنابير بعد ما التيل يطلع صوت إحتكاك المفروض لما تسمع تحذير صفارة اﻹنتهاء تنزل تغير الطقم في نفس اليوم
ثانيهم
إياك تعمل حاجتين إن العربية تكون سخنه وتخش فيها بركة مياه حتضلع وتلوح الطمبورة
وإياك وهي سخنة وتدخلها المغسلة وحد بخرطوم يرمي مياه عليها وهي سخنة إستناها تبرد ثلث ساعة كده ثم إغسل العربية
وسيبك من ما يقال في أسعار قطع غيار عز العرب الخزعبلية دول ناس همهم إن العربية تفشل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

متشكر ليك ياباشا على الخلاصة فعلاً قصرت عليا كتير بس هل فى اصوات بتطلع من العربية غريبة نظرا لعدم جودة التقفيل ولا الموضوع مش للدرجة اللى اقصدها ؟

لو انت معتز الصاوي انا محمد عاطف وانا قلتلك تعالى وانا اوريك كل الي انت عايز تفهموا