مشكلة و مش عارف اتصرف ازاي

**askanas** · 15-11-2014 01:44 AM

السلام عليكم

هي مشكلة وانا مش عارف اتصرف ازاي

دلوقتي ركنت العربية علي رصيف عادي
قبل بوابة المدخل بتاع المبني الحكومي و عليه بواب
صحيت الصبح حد خبط عليا يقولي العربية
نزلت لقيت العربية علي البوابة بالظبط و البواب بيزعق و بيقولي متركنش هنا تاني

زعقت فيه قولتلو الدنيا كانت بليل يمكن مشوفتش البااب و خد العربية ومشيت

الكلام ده من شهر تقريبا

المرادي ركنت قبل البوابة و متأكد جدا اني ركنت قبل البوابة مش علي البوابة يعني رصيف عادي

لقيت العربية علي البوابة و محطوط وراها طوبة و قدامها طوبة و مفتوحة و في كاوتش متهوي

قلت يبقا المرة الاولانية عمل نفس الحوار فتح العربية و رقها قدام الباب

طبعا انا مستنيه عشان هو بيجي زي معاد الحكومة من الصبح لي 5 الضهر باين

فا هيجي بكرة

انا سبت العربية زي ما هي

دلوقتي اعمل ايه ؟ محضر ولا اتخانق ولا ايه بالظبط

هو يظهر مش عايز ولا جنب البوابة علي رصيف عادي ولا اي حاجة

ارجو المشورة عشان في 70 الف حااجة في دماغي عايز اعملها "

مصر ترجع الي الوراء ..... الوراء اوي اوي

ا

**georgedada82** · 15-11-2014 02:15 AM

محضر اثبات حالة واتهمه مباشرة كده انه هو اللي عمل كده

**دكتور خالد** · 15-11-2014 05:06 AM

مش فاهم فتح العربية ازاى

**swimmer25** · 15-11-2014 07:41 AM

وهو الركن على الرصيف بقى عادي؟

**م/أحمد عبد الفتاح** · 15-11-2014 08:24 PM

تعمله كمين انت وكام واحد صاحبك والحارس بتاع عمارتك مثلاً وتمسكوه متلبس بتهمة السرقة وراعى انك تسيحله جامد انه بيسرق العربية حتلاقى جيران كتير صحيوا وساعدوك وتجروه من قفاه عالقسم بتهمة السرقة بس محدش يمد ايده عليه علشان لو راح القسم مضروب ومتعور البوليس حيسيبه علشان ميقولش انه اتضرب فى القسم ويجيبلهم مصيبة