الموضوع: مشكلة في شارعنا ومش عارفة اتصرف ازاي

المشاركة الأصلية كتبت بواسطة نور القمر

من حوالي اسبوعين تلاتة في عز ازمة مصر الامنية فتح محل في العمارة اللي جنبنا بياخر فسب صغرة وسيكل بيتش او بيتش باجي للاطفال
اللي المفروض استخدامه يكون على البحر والمناطق المفتوحة مش وسط شوارع سكنية
كذا حد من الجيران عمل مشاكل عشان صوتها مزعج جدا
انا نفسي كنت بقوم مخضوضة في الاول فاكراها دبابات
امبارح شوفت ولد 10 سنين تقريبا خبط عربية جيراننا هم محسوش بالموضوع واعتقد العربية متأثرتش عشان بيجو باكصدام نيكل بس مش متأكدة لاني شايفة من البلكونة
اولادي قالولي هم كمان شافوهم خبطوا عربية تانية
المشكلة مش بس في خبطات العربيات المشكلة لو خبط حد او اطفال في الشارع
انا بقيت اخاف على اولادي وهم نازلين يشتروا حاجة بسببهم
انا مش عارفة اتصرف ازاي
الشرطة لو القسم شغال اصلا ايدك والارض منهم
القوات المسلحة هتهتم بموضوع زي ده يعتبر تافه في خضم الظروف الحالية
طب اعمل ايه
كنا هانشتكي لاصحاب العمارة طلع المحل بتاعهم وهم ناس شلء اصلا منحبش نحتك بيهم

مش عارف اقول لحضرتك ايه...في الظروف اللي احنا فيها اليومين دول مفيش حاجة تتعمل...البقاء للاقوي...حتي يجد جديد و الظروف تتحسن مفيش قدامك غير الصبر

السلام عليكم
مفيش دلوقت غير الصبر وتحافظى على أولادك من الشارع وربنا يستر

خلاص باذن الله هتصل بالنجدة
مهو انا مش هاستنى لما تحصل كارثة عشان اتصرف
من يومين شوفت الرجل بيعلم ولد السواقه عليه ولحقه قبل ما يدخل في عربيتنا على اخر لحظة

المشاركة الأصلية كتبت بواسطة نور القمر

خلاص باذن الله هتصل بالنجدة
مهو انا مش هاستنى لما تحصل كارثة عشان اتصرف
من يومين شوفت الرجل بيعلم ولد السواقه عليه ولحقه قبل ما يدخل في عربيتنا على اخر لحظة

الكلام اللي حضرتك قولتيه بالاضافة انك تخلي بالك من ولادك
ودة موقع وزارة الداخلية ممكن تعملي محضر اونلاين بس بلاش ببطاقتك عشان ميبقاش في مشكلة خليها ببطاقة اخوكي او والدك
ظˆط²ط§ط±ط© ط§ظ„ط¯ط§ط®ظ„ظٹط© - ط´ظƒط§ظˆظ‰ ظˆط¨ظ„ط§ط؛ط§طھ ط§ظ„ظ…ظˆط§ط·ظ†ظٹظ†