محتاج عربية فيرانج 90000 اوتوماتك ونفسي تكون هتشباك أهم حاجة عندي الثبات والامان لاني راكب 128 وشوية هوا بينقلني من حارة لحارة على 100 ومش هيخسر شوية أبشونز زي ebd ومالطي لو نفع وفوق 2008
ودورت على لانسر أو كورولا بس ملقتش حاجة قال من 95 -100إلى لو فيها حادث أو عاملة فوق 150 ألف فيه ناس بتقول تمنها قال كده بس مش لاقي بصراحة
وكنت محتار بين تيدا والانترا وكروز وممكن ياريس بس بصراحة مش حبيبها قوي
والكروز أنا عجبني شكلها وحجمها بس خايف من إنها واطية وفيه ناس بتقول صجها خفيف جدا
جربت السندرو الزيرو لكن للأسف منزلتش اوتو وكمان مش بور فا حاسس إن خسارة فيها الفلوس
كمان عايز اشتري عربية مؤقتة يعني كام سنة لحد مربنا يكرم وأقدر اجيب زيرو دي أول عربية ليَّ بعد 128 وعايز حاجة سهلة البيع والصيانة وقطع غيار معقولة! فدست على قلبي وبعدت عن الأروبي والمازدة والهوندا
التيدا أكتر حاجة أنا ميال ليها كماليات حلوة وحجم ملموم من بره وواسعة من جوه بس أنا مركبتهاش ولا أعرف حد ركبها وبرده عايز الأحسن كا overall