الانترا vs تيدا

**Nashaat Rady** · 15-02-2013 08:18 PM

أنا عارف ان المقارنة غريبة شوية بس في ناس طلبت منى أقارن بما ان أنا امتلك السيارتين

أنا حبتديلك طبعاً بالسعر. التيدا سعرها منافس جداً بالنسبة لأسعار السوق المجنونة اليومين دول بتتراوح ما بين ١٢٣ ألف و ١٣٦ ألف هاتشباك و سيدان. أما الإلنترا فاتجننت و بأسمع أسعار مختلفة من كل مكان لكن عامتاً تتراوح بين ١٤٠ ألف و ١٧٥ ألف.

فطع الغيار محصلة بعضها.

الإلنترا طبعا أكبر.

الثبات واحد تقريبا... يعني الإلنترا تتفوق سنة

التسارع برده تقريبا واحد

الخامات الداخلية الإلنترا افضل قليلاً.

كراسي الإلنترا افضل و أريح بكثييييير

عزل التيدا افضل عند غلق النوافذ

العفشة جيدة في الاثنين. التيدا انشف سنة... مع العلم ان السيارتين اللي معايا فيهم جنوت.

الشكل الخارجي للالنترا يتفوق بكثير و الداخلي كمان.

عواما الأمان في التيدا أكثر ... 2airbags, abs, ebd, bas, و صاج سميك نسبياً
الإلنترا 2airbags, abs, فقط
و اقل فئة في التيدا تفس عوامل الأمان
اقل فئة في الإلنترا فيها airbag واحدة فقط بدون abs.

عيب رخم في التيدا المرايا الشمال وضعها قريب جداً من السائق و مش محدبة بس في ناس غيرتها بالمرايا الياباني القديمة
بس برده تزال قريبة من السائق.

السيارتين فيهم EPS أو باور ستيرينج كهربائي و ليس هيدروليكي و ده افضل في المناورة طبعاً

كاوتش التيدا ١٨٥ / ١٥
الإلنترا ١٩٥/ ١٥ و ٢٠٥ / ١٦ بالنسبة للوكيل

ده اللي على بالى دلوقتي. أي أسئلة اخري، أنا في الخدمة.

**Nashaat Rady** · 15-02-2013 08:52 PM

المشاركة الأصلية كتبت بواسطة samyyousef

تحياتي لصاحب الموضوع
أيهما أوسع في كرسي قائد السيارة؟؟
أظن أن عفشة التيدا أنشف بكثير.....هل هذه المعلومة صحيحة؟

الاثنين واحد تقريباً بس كرسي التيدا عالي .. ده عيب بالنسبالي... لكن واحد كبير في السن زي والدي ميزة
عشان سهولة الخروج والدخول للسيارة. و زوجتي كمان بتفضل ده عشان رؤية افضل للطريق..

كرسي الإلنترا بالبلدى انتخة أوي و سبور زي ال bmw الجديد.

عفشة التيدا انشف طبعاً.. لكن مش زي السيراتو مثلاً... تعتبر مريحة برده

نشفان العفشة عامتاً بيدى ثبات أكثر علي الطريق خصوصاً في مطباط الهوي الجميلة اللي فى شوارع مصر

**kliken** · 16-02-2013 03:22 PM

شكرا على مجهودك
بس انا مختلف مع حضرتك شويه فى موضوع الخامات الداخليه
و برضه حضرتك تقصد الالنترا اكبرمن ناحيه ايه

**Nashaat Rady** · 17-02-2013 03:58 AM

المشاركة الأصلية كتبت بواسطة kliken

شكرا على مجهودك
بس انا مختلف مع حضرتك شويه فى موضوع الخامات الداخليه
و برضه حضرتك تقصد الالنترا اكبرمن ناحيه ايه

هو فعلا الفرق لا يذكر من حيث الخامات الداخلية و في بعض الحاجات التيدا تتفوق مثل
طارة الدركسيون.. دركسيون الإلنترا الجلد عمال بيقشر و لسا مش عارف التوكيل حايعمل آه معايا.
الإلنترا اعرض و شنتطها أوسع و حوض الموتور أكبر

**Nashaat Rady** · 17-02-2013 03:51 PM

المشاركة الأصلية كتبت بواسطة mn3em

لو فيها رخامه بس كنت عايز استفسار
كنت عايز أعرف الثبات في التيدا لغاية كام لو ماشي مستقيم يعني ملفات صغيره اوي ؟؟؟
والشنطه بتاع الهاتشباك صغيره اوي ولا ممكن الواحد يتعامل معاها بالشنطه اللي بتركب فوق السقف دي مش عارف اسمها بصراحه
ولما اربعه يركبوا معايا أخبار المطبات ايه بغض النظر عن مطبات مصر يعني مقارنتا" بعربيات تانيه زي الالنترا مثلا

ولا رخامة ولا حاجة، تحت أمرك ..

الثبات ممتاز لحد ١٣٠ أو ١٤٠ حسب الطريق

الشنطة مساحتها معقولة.. بس فيه ميزه في الهاي لاين فقط و هي ان الكنبة الخلفية متحركة زي الكراسي الأمامية بالضبط
يعني ممكن تخلي الشنطة مساحتها أكبر مرة و نص و كمان قابلة للطي كلياً و التخزين يبقى بعرض السيارة بالكامل و ده يديك تقريبا كمان مرة علي المرة و نص اللي فاته.

هي أعلي من الإلنترا و عافشتها انشف.. يعني لا تقلق من المطبات لكن الحفر ده انت وشطارطك

**Nashaat Rady** · 17-02-2013 07:40 PM

المشاركة الأصلية كتبت بواسطة mn3em

140 بس !!!!! بس فيه ناس بتقول مشيت بيها 190 وعادي بس انا بتكلم عن نفسي لغاية 170 مثلا هيبقي قلق يعني ولا تمشي عادي
بس في حالة الكنبه الخلفيه يبقي كده بتتلغي
يعني ايه الحفر انا وشطارتي ؟؟؟
معلش بتقل عليك

العربية فعلا ممكن تجيب لغاية ١٩٠بس بعد ١٤٠ الثبات بيقل تدريجيا..

الكنبة الخلفية بتتحرك علي مجري زي الكراسي الأمامية ولما بتحركها لقدام نصف المشوار بتاعها فقط مساحة شنتطها
بتبقى قد الإلنترا. أنا قاصدي لو محتاج تنقل حاجة كبيرة ممكن تطبق الكنبة و يبقي عندك مساحة تخزين كبيرة فعلا

يعنى حفر شوارع مصر مالهاش كبير:):):