اعراض طرمبة بنزين؟؟

**A.Sattar** · 26-11-2014 06:58 AM

السلام عليكم يا رجالة
العربية فيكترا 2001 مانيوال بقالها معايا تقريبا سنة و من ساعة ما اشتريتها و لما البنزين يقل ويوصل 12 لتر كده مترضاش تدور ولازم احطلها بنزين تاني عشان تدور فهل كده معناه ان طرمبة البنزين تعبانة مع العلم ان وهي باردة بتأخر 3 او 4 ثواني عقبال ما تدور بس وهي سخنة وبطلت حبة ودورت تاني بتدور في ثانية.
السحب معايا معقول مش ضعيف ولا قوي ولسه مغير طقم دبرياج لوك اصلي ومحسيتش بفرق رهيب في السحب (اكيد فيه تحسن شوية )
هل كده اعراض ان الطرمبة تعبانة؟؟ وايه اعراضها تاني؟؟ وهل ممكن اكشف عليها
ثانيا لما بفول علي الاخر بشم ريحة بنزين وانا ماشي من الكبوت
وشكرا مقدما

**aymanshebl** · 26-11-2014 08:31 AM

شيك على دورة البنزين كويس لان ريحة بنزين من الكبوت خطر جدا

**احمد فهمى** · 26-11-2014 08:33 AM

طرمبة بنزين محتاجه تغيير وحاول متسبش البنزين يوصل للأخر ﻷن ده هو اللى بيبوظ الطرمبه

**A.Sattar** · 26-11-2014 11:07 AM

المشاركة الأصلية كتبت بواسطة aymanshebl

شيك على دورة البنزين كويس لان ريحة بنزين من الكبوت خطر جدا

الريحة دي مش بتظهر غير لما افول علي الاخر انما لو مونت لحد 50 او 55 مش بيكون فيه ريحة خالص!!

**فادى محمد** · 26-11-2014 12:33 PM

+++ الطرمبه ممكن نقيس ضغطها بباروميتر .ضغطها جديده 3.8 بار .. لغايه 3 بار معقول , اقل من كده ..غير علطول .. اعراض ضعف الطرمبه تاخر الدواره الصبح وضعف السحب علي السرعات واحيانا تنتيشه علي الغيار التاني او التالت اثناء السير جوه البلد..
استيراد ب150ج ومش مضمونه ..جديده مضروبه وغاليه.. اصليه برقم خرافي . تقريبا 480ج !! بوش طبعا..
هات طرمبه الفيات الاونو الاوروبي . ايطالي تجميع تركي . نفس الشكل والمقاس بالظبط هتشيل وتحط . جديده طبعا وبتطلع 4 بار .. سعرها مش غالي .وماتنساش تنظف مصفه الطرمبه نفسها وتغير فلتر البنزين

+++بالنسبه لريحه البنزين.. فول العربيه للاخر وبص من الخلف ( تحت التانك) لو لاحظت نقط بنزين بتنزل يبقي الريحه جايه من هنا ( خراطيم الراجع) غيرهم او ماتبقاش تفول للاخر وخلاص.
لو مالقيتش نقط بنزين يبقي الريحه جايه من استيك الطرمبه .لما تغيرها خلي الميكانيكي يركبه كويس .
انما جوه الكبوت صعب يبقي في تسريب بنزين او ريحه!! الهوا حوالين العربيه ممكن يشيل الريحه وتشمها وماتبقاش عارف مصدرها . بس ان شاء الله زي ماقولتلك .

**فادى محمد** · 26-11-2014 04:31 PM

لو حد فاهم شغله كويس اكيد هتلاقيه عنده .انا عامل واحد لي . فكرته بسيطه جدا . عداد باروميتر ونبل ووصله خرطوم ولاكور.

**فادى محمد** · 27-11-2014 12:33 AM

الشكر لله.
انا بقيس من مكان دخول البنزين للمانفولد ( تحت الرشاش) هتلاقي خرطومين تخان.. واحد يدخل بنزين وده اللي هنفكه والتاني راجع مالناش دعوه به..
لما تفكه الصاموله بتاعته هتكون عامل في وصله جهاز القياس بتاعك طرف مشنشر بنفس المقاس علشان يركبوا علي بعض .