حسبنا الله ونعم الوكيل فى مرور المنصورة؟ ارجو المساعدة

**wael6** · 26-11-2014 06:27 PM

السلام عليكم
بطلب من اصحاب الخبره فى سواقة الاجره والخبره مع المرور
وظلم المرور وحقارة المرور بمختلف رتبه
الا من رحم ربي وهذا قليل جدا للاسف

بطلب منهم
يفيديونى ازاى اتعامل معاهم بحرص وخبره مناسبه لتفادى الوقوع معهم فى ظلمات التعسف الغير مبرر وحصد مخالفات دون داعى المهم تحرير المخالفه دون وجود اى مخالفه

مثلا انا من المنصورة
العداد عندنا اصلا مش شغال
والاجره عامة 5 ج اتعملى اجره زياده ودفعت 305 ج والزبون نزل وقال للظابط انا دافع بمزاجى وبرده اتعملت المخالفه ؟
من يومين اتعملى مخالفة عدم تشغيل العداد؟
والموقف كان كالتالى
1- رخصك
2-اتفضل
3-فين العداد
4-قلتله اهو
5-مش شغال ليه
6- قلتله قسما بالله اللى راكب ده ابويا وانا بوصله وكنا بالليل الساعه 11
7- سيب الله مكانه (اكتر حاجه تدل على قبح وجه الشرطه خصوصا المرور)
8- قلتله ونعم بالله واستغفر الله العظيم
9- اركن على جنب وانزل
10 - ركنت وقلتله اتاكد من شخصية ابويا وهتلاقيني مش كداب وابويا نزله وكلمه وبرده هو مصمم عنده هدف يسجل المخالفه وعلى كده غير كده لالالالالالالالالالا
11-ماليش فيه ابقا شغل العداد ومتحاسبش ابوك
12-حسبنا الله ونعم الوكيل هو انا بجيب كام 300 ج فى اليوم عشان ادفع مخالفه مش عندى اصلا

للاسف روحت دفعت 305 ج وحسبنا الله ونعم الوكيل

ملاحظة قوية جدا
كماين القوات الخاصه والتدخل السريع والمباحث كويسه ومحترمه وبتتعامل فى حدود الاشتباه والتحقق من الشخصيه وممكن الرخص لا اكثر
انما كمائن المرور فهم كلاب مخالفات سواء بقا حقيقيه او لا المهم تحصيل وملأ الدفاتر ليس الا
وحسبنا الله ونعم الوكيل

انا بطلب من حضراتكم تساعدونى اتفادى تلاكيك المرور من المخالفات المشهورة فى الاجره زى الامتناع والاجره الزياده وخلافه

اسف جدا للاطاله
ومتابع حضراتكم للاهميه
وشكرا جزيلا

**khaled_yehya** · 26-11-2014 06:30 PM

ربنا يكون فى عونك
حسبنا الله ونعم الوكيل فيهم

**wael6** · 26-11-2014 06:51 PM

المشاركة الأصلية كتبت بواسطة khaled_yehya

ربنا يكون فى عونك
حسبنا الله ونعم الوكيل فيهم

الله يخليك ويحفظك ويكفيك شرهم يارب

انا والله كنت بفكر اسيب الشغلانه خالص بس للاسف مش لاقي غيرها
منهم لله

للاسف اللى بيشتغل فى النور فى البلد دى هو اللى متصاب منهم
واللى شغال فى الظل هو اللى سالك
اكم من عربيات ملاكى شغاله اجره ولا حد بيقولهم انتوا فين ولا عداد ولا معددتش
استغفر الله العظيم

وشكرا جزيلا

**sakr_skoda** · 26-11-2014 07:57 PM

اقلب العربية ترخيص ملاكى وشغلها اجره عادى فى ناس كتير بتعمل كدا البلد دى مينفعش معاه قانون لأن القانون بيطبق فقط على المواطن المسكين **

**wael6** · 26-11-2014 08:22 PM

للاسف كلامكم مظبوط
وانا لله وانا اليه راجعون

**egyption2012** · 26-11-2014 08:51 PM

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ، وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ )

داوم على الاستغفار طوال يومك وأكثر منه عند اقترابك من هذه اللجان
ولكن لا تقع في هذه المخالفات
يعني البس حزام الامان ومتتكلمش في التليفون وهكذا
طبعا مش حقولك اشتغل بالعداد لان الناس متقبلة ذلك
لكن حاول ان تتحايل على هذا الامر بشكل او باخر

ولا تنسى الاستغفار فستجد منه خيرا عظيما ان شاء الله