الموضوع: حسبنا الله ونعم الوكيل فى مرور المنصورة؟ ارجو المساعدة

المشاركة الأصلية كتبت بواسطة eslam atia

انا زيك شغال علي اجرة بس في بورسعيد
عندنا بقي منتهي الظلم والاجرام من المرور
اه احنا معندناش عداد ، بس لما تروح تجدد الرخصة تلاقي بلاااااااااااااااااااااوي معملتهاش
تحميل من خارج الموقف 300 حد ادني 1500 حد أقصي وطبعا حسب مزاج البية وطبعا بيكون مستخبي وقت ما بيكتب رقمك
حزام امان 300
تليفون 300
مع ان المفروض الحزام والتليفون علي رخصتك انت وليس العربية ولكن
حسبي الله ونعم الوكيل
انا كنت شغال الصبح الساعة 7,30 وفجأة لقيت تاكسي وقف قدام الظابط ونزل يشتمة ويتحسبن فية
الراجل مشغل سواق علية ولما راح يجدد عارف اتلاقي مخالفات قد ايه
26000 الف جنية في سنة واحده
دا لو شغال بظهرة (مرشدير) مش هيعملهم
طبعا مش هتصدق
بس دي الحقيقة والله
ومش هصدقك ليه دول كلاب سلطة وكلاب فلوس

النمر عندكم وصلت لكام ؟؟
140 الف ج

وموضوع الملاكي اللي شغال اجرة دا اكبر حرام
هو حرام ولكن حلال فى الحكومة

في فرق في كل حاجة
دي رخصة ليها تأمينات وضرايب وتجدد سنويا ولازم هتدفع مخالفات وتصاريح سفر
اما الملاكي ملوش اي حاجه من اللي فاتت
وحسبي الله ونعم الوكيل في كل شخص معاه ملاكي ومشغله اجرة

بس ايه الحل
نروح لمين؟
اذا كان وكيل النيابة بيصدق على مخالفة الظابط المحتال الظالم
ومفيش حد بيسمع للطرف الاهم وهو المتضرر اللى معمول فى حقه المخالفه
اللهم أبيد فساد المرور و الداخليه يارب
دلوقتى يطلعلى ناس تقولى انت اخوان وهيفضلوا مغميين عنيهم
حسبنا الله ونعم الوكيل

مش عارف اقولك ايه ربنا يكون في عونك انا كنت في الإسكندرية من يومين عند جامعه الاسكندريه لقيت ونش مرور وقف ونزل منه ظابط وماكنش بوقف حد غير التاكسي والميكروبصات بس وماكنش في حد بيعدي غير لما بياخد مخالفه ورغم اني بتخنق من سواقين الميكروبصات بس دا أكل عيشهم حرام اللي بيحصل فيهم

المشاركة الأصلية كتبت بواسطة rompo10

مش عارف اقولك ايه ربنا يكون في عونك انا كنت في الإسكندرية من يومين عند جامعه الاسكندريه لقيت ونش مرور وقف ونزل منه ظابط وماكنش بوقف حد غير التاكسي والميكروبصات بس وماكنش في حد بيعدي غير لما بياخد مخالفه ورغم اني بتخنق من سواقين الميكروبصات بس دا أكل عيشهم حرام اللي بيحصل فيهم

الله يكرمك ويحفظك
وربنا يكفيك شعور الظلم
حسبنا الله ونعم الوكيل

المشاركة الأصلية كتبت بواسطة wael6

حاضر هشغله


ولكن


الفكره كلها ان محدش معترف بيه الزبون قبل السائق
لانه ببساطه
مفيش فيه ساعة انتظار
ولا واقعى الكيلو ب20 قرش
ليه ميكونش عداد واقعى فاصل بين السائق والزبون
انما طبعا المحافظة والمرور عاوزين الصدام بين الزبون والسائق
وكمان اصطياد السائق فى المخالفات اللى هى من اختلاق المرور فى الاصل

فى مصر
الاهم حصد ثمن المخالفه
لا منع حدوثها
للاسف الشديد

وشكرا

مقلتلكش حاسب بيه بس برضه متكونش سفتح فى الاجره ... بس تشغله عشان يتلككلك على حاجه تانيه !
كلامك منطقى ان الحساب لازم ياخد باله من حاجات كتير و ده معمول فى التاكسى الابيض فى القاهره ... بس تصدق انهم ساعات بيتملعنو و يولك العداد مش شغال او عايز يتقاول من الاول فدول بعمل معاهم مشكله بصراحه

ربنا معاك

المشاركة الأصلية كتبت بواسطة mohamed_selim

مقلتلكش حاسب بيه بس برضه متكونش سفتح فى الاجره ...
سفاح
ربنا وحده عالم انا مش بشترط على حد اجره اصلا
وكمان فهمت كويس جدا من تعاملات الناس ان محدش اصلا بيدفع حاجه هو مش عاوز يدفعها

بس تشغله عشان يتلككلك على حاجه تانيه !
ههههههههههههه للاسف وربنا يستر

كلامك منطقى ان الحساب لازم ياخد باله من حاجات كتير و ده معمول فى التاكسى الابيض فى القاهره ... بس تصدق انهم ساعات بيتملعنو و يولك العداد مش شغال او عايز يتقاول من الاول فدول بعمل معاهم مشكله بصراحه

ربنا معاك

الله يخليك ويحفظك
ربنا يصبرنا على اكل عيشنا ويوسعها علينا جميعا يارب

الى جانب ان عداد المنصورة 20 قرش للكيلو
انه مفيش فيه ساعة انتظار
وكان العربيه مبتقفش خالص لا فى اشارة ولا فى زحمه وعادة بقا اقل مشوار بياخد نص ساعه
ليه اللف والدوران منعمل عداد حقيقي واقعى ويكون الفيصل بين الراكب والسائق