الموضوع: تحذير من توكيل نيسان بالدراسة

المشاركة الأصلية كتبت بواسطة mohamedfadel

تحذير: من توكيل نيسان في الدراسة ذهبت لعمل صيانة ال 20 الف للسيارة ارغموني علي تغير السيور و عمل صيانة ال 40 الف و تغير وش تاكيهات الموتور بدون اي داعي و السيارة اساسا كالزيرو و دفعوني مبلغ 2876 جنيه بعد الخصم و عملت تظلم هناك, و رأيت الحاجات اللي هما غيروها سليمة تماما و انهم كانوا يريدون الاستمرار بتغير باقي اشياء في السيارة كا بلي التكييف و و الي اخره و انا رفضت لما رأيت ان الموضوع سرقة و نصب و ارفق لكم المستندات و سيارتي موديل 2010 نيسان صني. أحذرو أحذرو أحذرو و حسبي الله و نعم الوكيل السيارة اساسا عاملة 19200 كيلو حاولت ايقاف عملية الصيانة لم استطع, و المهندسين يتكلموا معي بإستهتار و كنت اريد ضبط بعض الاشياء البسيطة بالسيارة لم ينظروا اليها اساسا, تجربة سيئة للغاية لي
(لا استطيع رفع المستندات للاسف)

أستاذ محمد باشا ، بعد التحية ، الحقيقة أنا بأتعامل مع توكيل نيسان الدراسة (يونايتد جروب) ده من ٢٠٠٧ ، يعني بقالي حوالي ٧ سنوات كاملة ، من نيسان صني ٢٠٠٦ الي قاشقاي ٢٠١٤ عمري ما فوت صيانة لأي من السيارتين .... و الحقيقة إنه يعتبر من أحسن مراكز الصيانة اللي اتعاملت معاها ، انت حضرتك بتحجز و تروح في ميعادك بيخرج معاك المهندس يستلم العربية و تقوله اي ملحوظات و بعدين بيرجع يقعد مع حضرتك تاني في الاستقبال يقولك "إحنا صيانة ..... كبلو ، هانعمل كذا و كذا و كذا و نعمل مراجعة علي السيارة من حيث كذا و كذا و كذا ..... و لو فيه أي حاجة زيادة هانبلغ حضرتك بيها وتشوف لو عايز تعملها و لا ممكن تنتظر" و بعدين بيدي لحضرتك ورقة مطبوعة بما سوف يتم عمله في الصيانة الدورية (زائد أي شكوي لحضرتك من السيارة) بقطع الغيار و المصنعية بأسعارهم و يخليك تمضي انك موافق مرتين (علي ورقتين يعني) و بعدين بتطلع حضرتك الاستراحة و بيكلموك يا علي تليفونك الشخصي او علي تليفون الاستراحة فوق مع الأنسة اللي قاعدة علي الكونتر لو فيه حاجة زيادة لقوها غير المتفق عليه و يقولوا لك هي ايه و سعرها كام و مصنعيتها كام و لو وافقت بيقولك طيب انزل عشان تمضي موافقة جديدة علي الزيادة دي ، ده اللي بيحصل معايا من ٢٠٠٧ في خلال ١٧ مرة (كل عشرة ألاف كيلو) للصني لحد ما بعتها عاملة ١٧٠ الف كيلو ، و ٤ مرات للقاشقاي ( ١٠٠٠ ، ٥٠٠٠ ، ١٠٠٠٠ ، ١٥٠٠٠ ) كم ، أنا طبعا مش باشكك في كلام حضرتك و لا أي حاجة و لا لي مصلحة اني أقول هما كويسين ولا وحشين، هي شهادة لله فقط لا أكثر ، بس أنا مش فاهم هما أجبروك إزاي في ظل النظام اللي قلته لحضرتك ده و حضرتك وافقت ليه؟؟؟؟ و لو وافقت مضايق ليه؟ و لو ماوفقتش دفعت ليه؟ .....