اشترينا عربيه هيونداي الينترا ... ارائكم ؟؟؟

**prof2013** · 06-12-2014 09:48 PM

السلام عليكم
من يومين اشترينا عربيه هيونداي الينترا موديل 1995 مرفوعه 8 سنوات مواصفات خليجي جايه من السعوديه يعني وماشيه 72 الف كيلو بس
اشتريناها ب 37 الف جنيه مصري فهل كده كويس ولا اتضحك علينا فيها ؟
اصل ناس بتقولنا دي ما تسواش 20 الف جنيه
مع العلم العربيه فابريكه بره وجوه وجات مشوار من اسكندريه لبني سويف ما شاء الله بدون اعطال في الطريق يعني مشيت اكتر من 250 كيلو مره واحده بدون مشاكل الحمد لله
بس الناس بتقول ان الفترة اللي اتركنت فيها اكيد الحاجات اللي جواها صدأت وكانت محتاجه مراجعه من الميكانيكي
انتو ايه رأيكم في الكلام ده ؟

**ARKOON** · 06-12-2014 10:30 PM

مش اشتريت خلاص سيبك من الناس واستمتع بالعربية .
بس اكيد لازم تشيك على العربية عشان الركنة دي غلط 8 سنوات اكيد هتلاقي حاجات لازم تتغير شيك عليها وعلى البركة وربنا يباركلك في العربية : )

**ENG.MaRk** · 06-12-2014 10:43 PM

بص انت لازم تشيك عليها و تظبطها لأن 8 سنين كتير أوي حتي لو العربية مش ماشية كتير عموما سيبك من كلام الناس و استمتع بيها ... انت اللي هتركبها و تسوقها مش الناس !!!

**prof2013** · 07-12-2014 01:50 PM

شكرا لمروركم
بس انا عايز اعرف لو نفترض جدلا ان العربيه تمام مش فيها شيء هل 37 الف جنيه سعر مناسب ليها ؟
ودي مواصفات العربيه ...
هيونداي الينترا خليجي مواصفات اوربي مرفوعه 8 سنوات اول يد من الزيرو باسم المالك دواخل الفابريكه بالكامل زي ما خرجت من المصنع وصالون الفابريكه وتكيف شغال تلاجه وباور ممتاز واربعه زجاج كهرباء وسنتر وانزار ومريات كهرباء وشنطه كهرباء والموتور والعافشه بحالة 100% وتم عمل الصيانه الدوريه وتغير جميع الزيوت والسيور والفلاتر والسياره علي الطريق قوه ونعومه وثبات
الموديل : 1995
عدد الكيلومترات : 72000 ك
السي سي : 1600
الصور ...............

**monamize4** · 07-12-2014 03:27 PM

زى الفل ياباشا ,, ربنا يباركلك فيها
سعرها تمام و اللى يقولك دى ماتساواش 20 الف ,, قله خد ال20 و هاتلى واحدة بالحالة دى

**prof2013** · 07-12-2014 05:52 PM

العربيه بتاعه الوالد والناس بيقولولي انا الكلام ده فحبيت اتأكد لاني انا اللي منقيهاله من على دوبيزل فخفت لاكون دبست الراجل ههههههههه وانا معنديش خبره اوي بالعربيات

**hugan** · 07-12-2014 08:40 PM

الف مبروك
بس المهم تتاكد من توافر قطع غيارها

**prof2013** · 09-12-2014 04:58 PM

تم الكشف على العربيه بالكامل ووجد مشاكل بسيطه كعطل في عدادات السرعه والبنزين وتم اصلاحهما الحمد لله ووجد مشكله بسيطه في التكييف جاري اصلاحها اما الموتور وباقي الاشياء بحاله ممتازة والحمد لله