الموضوع: سبرانزا اكسنت لانوس

المشاركة الأصلية كتبت بواسطة elctroman

شباب انا عايز اشترى عربيه مستعمله فى حدود 40الف وبفكر فى سبرانزا 516 و اكسنت 2004 ولانوس ون 1999
وانا محتار اشترى ايه وعلشان كده محتاج رايكم فى كل عربيه من حيث :
السعر فى السوق المصري
حالة العربيه لو هشتريها ب 40000
امكانية بيع العربيه بعد كده
سعر قطع الغيار
قوة التحمل للعفشه
ارتفاع العربيه عن الارض
قوة الموتور والكفائه
ثبات العربيه على الارض
صالون العربيه
سهولة الصيانه

3 من اصدقائى عندهم الـ 3 عربيات فأقدر اقول تقييمى و انطباعى عن الـ 3
الـ 516
عفشه قويه تستحمل المطبات و النقر و الحموله (هو بيتعامل معاها انها عربيه نقل مش ملاكى و معظم الأستخدام فشوارع مش ممهده) (بس طبيعى انها هتحتاج تغيير)
العربيه عاليه مش بتحك فالمطبات
موتور قوى و سحب جيد جدا
الثبات جيد
صالون واسع و التكييف جيد جدا
اكسنت (99 مش 2004 و 1500 سى سى)
موتور جيد - صالون معقول - مش عاليه عن الأرض و بتحك فالمطبات - ثبات مقبول - قطع غيار رخيصه و سهل الصيانه و مطلوبه فالسوق اكتر من 1300
اللانوس
قطع غيار رخيصه و منتشره و صيانه سهله - صالون واسع - موتور جيد
# الـ 3 عربيات متقاربين جدا بس فرأى ان الـ 516 افضلهم لانها موديل احدث - صالون اكبر - موتور اقوى - كماليات اكتر