دايو لانوس 2000 ام سبرانزا ش516 موديل 2008 عايزة نصيحتكم

**Habooob** · 03-07-2014 04:26 PM

السلام عليكم و رحمة الله و بركاته
انا اختكم من الاقاليم يعنى محافظة الشرقية يعنى المطبات
انا معايا مبلغ 40000 بالعافيه محدش يقر يا ناس يا .. كفايه قر
انا عايزة اجيب عربية حلوة من ناحية انها تبقى هاديه و فيها تكييف شغال و حلو بيسقع و عفشتها حلوة و صالونها حلو و تبقى حلوة فى المطبات مش بتاكل مطبات و طبعا قطع غيارها رخيصه و مش اصرف عليها و كمان لو بعتها مش اخسر فيها
انا لما سالت و شفت اعلانات لقيت ان فى نفس الرنج ده فيه سبرانزا a113 , a516 و دايو لانوس و دايو نوبيرا
و فيه ناس قالتلى كيا سيفيا او كيا شوما
من الاخر اللى هتنصحونى بيه هو اللى هشتريه لانى مليش خبره
يعنى يا ريت تنصحونى خير النصيحة
منتظرة مشاركتكم و نصايحكم
اختكم سها

**Omar2017** · 03-07-2014 04:44 PM

بصي يا استاذة سها لو بدوري على قطع غيار رخيصة يبقى و اعادة بيع كويسة تبقى اللانوس 1 او النوبيرا 1 ولو بدوري على الموديل الاسبيرانزا بس اعادة بيع و قطع غيار و صنيعية هتزعلك جامد اوي
احسنهم ركوبة و اتساع و اوبشنز و متانة و ثبات و موتور و في كل حاجة تقريبا الشوما بس قطع غيار نار و مش هتخسري في اعادة بيعها بس هتاخد وقت شوية يعني اللانوس بتاعتي نزلتلها اعلان على النت ساعتين كانت متباعة الشوما ممكن يومين تلاتة اربعة كدة لكن انا لو مكانك مش هتردد هجيب الشوما

**Ahmed_Ramadan** · 03-07-2014 06:40 PM

هاتي أكنت 2004-2005 و ريحي دماغك خصوصا إنك مش من القاهرة ..... اللانوس مش عالية بالعكس واطية

**J A G U A R** · 03-07-2014 07:01 PM

اللانوس 1 والنوبيرا 1 مناسبين بس لو مطب عالى شويه هايحكو فيه ولو مفيش مشكله من النقطه دى انا ارشحلك لانوس 1

**speranz** · 05-07-2014 03:01 PM

كل الى انتى قولتيه بينطبق علي النوبيرا 2
عالية عن الارض واسعة جدا وعائلية ثابتة جدا على الطريق منتشرة وقطع غيارها رخيصة
والاسبرانزا a516 عربية محترمة جدا وسع وثبات وكمان شكلها احدث وصالونها شيك لو معندكيش عقدة الصيني
والاتنين حجمهم كبير شوية يعني عشان في السواقة تاخدي بالك من النقطة دي
اما الانوس فدي زي ال 128 قطع غيار رخيصة ومنتشرة بس عربية متواضعة شوية مش زي النوبيرا والاسبرانزا