الموضوع: تنظيف الرشاشات

المشاركة الأصلية كتبت بواسطة ahmedkasem

بس حطه على حوالي 40 لتر بنزين واطلع مشوار طويل واحرق على الغيارات على قد ما تقدر
انا شخصيا بعمل كده كل كام شهر واطلع على الطريق الدولي عندنا في اسكندرية من اوله لحد برج العرب وارجع تاني
بس انا معايا اتوماتيك فبعملها علي s - drive بدل الحرق على الغيارات في المانيوال

ممكن اعرف من حضرتك يعني ايه
s - drive
انا بردوه معي اتوماتيك بس مجربتشs - drive
ممكن اعرف ده معناه ايه ووظيفته ايه معلشي سؤالهايف حبيتن بس انا في حاجات كتير معرفهاش مع ان العربيه معي من حوالي سنه

المشاركة الأصلية كتبت بواسطة ahmedkasem

ده زرار موجود في عصاية الفتيس الاتوماتيك لما بتدوس عليه مرة بتلاقي لمبة في التابلوه نورت شكلها عبارة عن دايرة جواها حرف s وكده يعني نظام ال s- drive شغال
ولما بتدوس عليها دوسة تانية اللمبة بتطفي يعني النظام مش شغال

والنظام ده فايدته انه بيأخر نقل الغيارات يعني بيسيب العربية علي الغيار الاولاني لغاية ما ياخد راحته خالص وبعد كده ينقل على التاني ويسيبه ياخد راحته والتالت والرابع هكذا
بالبلدي (بيشبع الغيار)
او زي العربيات المانوال لما تحرق عالغيار وتسيبه لحد ما ال rpm يعلى وتسمع صرخة الموتور وبعد كده تنقل على الغيار اللي بعده
اما بالنسبة لفايدته فهو لما تكون عايز تشد مع عربية جنبك على طريق مفتوح خصوصا لو العربية اللي هتشد معاها مانوال
بس طبعا ماينفعش تمشي بيه على طول عشان بيزود استهلاك البنزين
ومكان الزرار ده بيختلف من عربية للتانية بس انا عندي في الفيكترا 95 موجود زي ما قولتلك علي راس عصاية الفتيس
اتمني اني اكون افدتك واي استفسار في حدود معلوماتي انا تحت امرك

صباح الخير استاذ احمد متشكر جدا لزوقك العالي وردك علي سؤالي
انا فعلا عندي ازرار ده علي عصا الفتيس وبينور لما اضغط عليه بس مجربتش امشي به خالص عشان معرفش ده بتاع ايه
متشكر جدا ردك جميل وبسيط
ممكن اعرف حضرتك بتتعامل مع مين من الميكانيكه او كهربائي العربيع اوبل فيكترا 1997
ولتاني مره بكرر شكري لحضرتك