افكار للسماعات الخلفية

**karkour33** · 24-12-2014 06:53 PM

سلام عليكم يا رجالة نايل موتورز

عندي مشكلة صغيرة في عربيتي ياريت نفكرلها في حل مع بعض
هي فيتارا 2 باب الشكل القديم

سماعتين امامي 10 بتوع العربية في التابلوه و مفيش اصلا مكان لسماعات خلفية و طبعا السماعتين الاماميتين بدأوا يزنوا
و عامل رف سماعات مؤقت بسماعتين اي كلام كانوا عندي اصلا
و الكاسيت pioneer DEH-7450SD

عاوز افكار بقي اركب سماعات ايه بالضبط ؟ او ازود ايه عالعدة و الاقي سماعات 10 محترمة فين ؟ ولا الغيهم احسن ؟ و اكتر حاجة في ال10 كام وات ؟

و الاهم و دي اللي عاملالي ازمة عاوز مكان تاني للسماعات الخلفية بدون تخريم في فرش العربية او في صاج غير حوار الرف دة لانه لاغي الشنطة اللي هي اصلا صغيرة دة غير اني مش قادر اتني الكراسي الخلفية لو هحمل حاجة كبيرة او اركب الكلب لو مسافر

و فكرة الصندوق اللي بيتشال و يتحط فاشلة برضو بالنسبة لي

و عمل سماعات في باب الشنطة برضو مش كويسة لان وشهم هيبقي للكراسي و المسافة قريبة و لو بارزين ووشهم للسقف يبقي مستفدناش حاجة و لغيت الشنطة

ال sound bar فكرته حلوة اوي بس مش عارف ممكن يركب ازاي من غير تخريم و من غير البار العلوي دة غير اني مشوفتوش هنا اصلا و معرفش عيوبه

بحاول الاقي اي حل ياريت اللي عنده افكار عملية يقولها شكرا مقدما و اسف علي الاطالة

**karkour33** · 24-12-2014 08:36 PM

110 مشاهدة في اقل من ساعة و مفيش ولا رد

**a7med ezz 20** · 24-12-2014 10:52 PM

في موضوع اسمه افضل عدة صوت ممكن تجمعها فمصر ، خش هتلاقيه فالسيرش

**karkour33** · 24-12-2014 11:35 PM

المشاركة الأصلية كتبت بواسطة a7med ezz 20

في موضوع اسمه افضل عدة صوت ممكن تجمعها فمصر ، خش هتلاقيه فالسيرش

عارفه موضوع ممتاز بس محتاج برضو فكرة لايجاد مكان اركب فيه سماعات اصلا :d دة اللي صنع العربية معملش حتي مكان في الابواب هم سماعتين صغيرين في التابلوه و شكرا

**dr_7ooda** · 25-12-2014 03:28 PM

طيب ممكن يا باشا نحاول نلاقي حلول بس مفيش زي البوكس متوازي المستطيلات اللي ناقص ضلع بحجم الشنطه كلها تحت مستوي الزجاج الخلفي ويكون الضلع اللي ناقص في البوكس : الضلع المواجه لفتحه الشنطه وتركب عليه من فوق السماعات ويفضل انك تركب عليه 4 بيضاوي احسن

انما لو عايز تركب في الابواب فاحسن حاجه تجيب كمبوننت : وتركب التويتر في فتحة السماعه اللي في التابلوه وتركب الووفر في الباب وطبعا ده هيبقي عن طريق القطع في فرشة الباب وفتح فتحه في صاج الباب ورا فتحة الفرشه ولو الفني بتاعك شاطر مش هيبان اي حاجه وهتبقي شكلها تحفه واداء الكمبوننت كويس جدا

ممكن انك تركب صندوقين صغيرين وتعلقهم مابين السقف والقايم وتعمل البوكس ده بالمواصفات والمقاسات بتاعة مصنع السماعه ودي بتبقي مكتوبه في كتالوج السماعه

بالتوفيق .

**karkour33** · 25-12-2014 05:53 PM

الف شكر انك شرفتني يا دكتور حودة بالرد بس فكرة البوكس متعبة في الشيل و الحط و تقريبا هي نفس فكرة الرف هي طبعا هتبقي احسن في الصوت
اما فكرة القطع و الفتح في صاج البابين مش واردة نهائيا دلوقتي مش هيجيلي قلب اعمل كدة بصراحة
فكرة الصندوقين بين القايم و السقف حلوة اوي و قريبة من فكرة الساوند بار بس هيتعلقوا ازاي ؟؟
ممكن صورة شبيهة توضح الفكرة بعد اذنك؟

**dr_7ooda** · 26-12-2014 09:35 PM

ﻻ يا باشا فكرة البوكس مفيش فيها اي مشكله وادائها هوا الاعلي
والفتح في فرش الباب مفيهوش اي مشكله

بالنسبه للبوكس اهم حاجه فيه انه ميقلش حجمه عن مقاس الكتالوج وممكن تعمله فايبر جلاس وتلزقه بالفايبر في القايم والفايبر طبعا في ميزه انك تقدر تنفذ بيه اي شكل انتا عايزه انما الخشب فهيتمسمر بودن طبعا ملوش حل تاني