تفاصيل عن إصلاح السيارة و التاميــن

**chato_eg** · 02-11-2008 02:25 PM

لأ طبعا ماليش نظام خاص مع شركو التأمين و لا حاجة... كل الناسبتدفع من معاها و بعدين ياخدو فلوسهم عن طريق شيك من شركة التأمين و عادة الشيك بياخد شهر على ما يطلع....
بصراحة أنا تأمينى خلص و قررت إنى مش هرجع العربية البيت لماما و أختى لحد ما أجدد التأمين عليها و أنا المشواير اللى رحتها بيها كانت
1- حلوان و كان بالليل و على الأوتوستراد ثم محور الشهيد و مدينة نصر
2- مقابلة الوحوش فى الرحاب ( و دى ما تتفوتش طبعا)
3- النهاردة الصبح أخدت القطع اللى تم استبدالها من التوكيل فرع المقطم و معايا عربية نصف نقل لإن كان من ضمن القطع الباب و الشنطة و بعدين طلعت العباسية لشركة التأمين علشان معاينة بعد الاصلاح و تسليم القطع القديمة.....
فكلها مشاوير يا إما العربية مطلوبة فيها يا إما فى أوقات و مناطق و ماشى فى سكك مافيهاش كثافة
أنا بصراحة خايف عليها موت لدرجة رايح بكرة الشغل و ها سيبها واقفة تحت البيت

صراحة أنا أول مرة أسمع عن التأمين تبع التوكيل ده......لو ممكن حد من الوخوش يفيدنا فى المسألة دى و هل فى شركة بتحاسب هى التوكيل على طول من غير ما أنا أقعد أدفع فى فلوس و بعدين أدوخ على ما أعرف أجيب منها حاجة ولا لأ ؟؟؟

**Sharky** · 02-11-2008 02:33 PM

فيه شركتين
1- كونتكت
2- Safty plus

**chato_eg** · 02-11-2008 02:51 PM

المشاركة الأصلية كتبت بواسطة sharky

فيه شركتين
1- كونتكت
2- Safty plus

شكرا يا شاركى بس ممكن أفهم إيهنظام الشركتين دول ؟
هل بيدفعو هما للتوكيل على طول ؟؟
مسألة المحضر لو الحادث هيتكلف أكتر من 5000 جنيه...؟
contact ليها موقع لكن safety plus أوصلها إزاى ؟؟
شكرا

**Sharky** · 02-11-2008 02:55 PM

Safty plus جنب الميكانيكون العرب عالطول و تقريبا تبعهم

المحضر بتعمل فقط فى حالة السرقة أو Total loss

و بيدفعوا للتوكيل لمعظم الماركات و إنت ما بتدفعش حاجة

و على العموم كلمهم و أعرف منهم أفضل بالتفاصيل

**chato_eg** · 02-11-2008 02:59 PM

معلش أنا عارف إنى مزعج
بس هو الميكانيكيون العرب دول فين ؟؟
على طريق السندباد و المطار ؟؟؟؟ و شكرا جدا لردك السريع

**Sharky** · 02-11-2008 03:01 PM

فعلا هما إللى فى طريق السندباد
و دول مركز معتمد من رينو

**chato_eg** · 02-11-2008 03:04 PM

المشاركة الأصلية كتبت بواسطة sharky

فعلا هما إللى فى طريق السندباد
و دول مركز معتمد من رينو

شكرا جدا لاهتمامك

**farahat** · 02-11-2008 03:09 PM

و أدي موقع safety plus ، و هما عبارة عن واجهة إدارية لشركة مصر للتأمين ، يعني التأمين بيكون عند مصر للتأمين و هما بيخلصوا كل حاجة و يجبولك فلوسك لحد عندك من غير ما تعمل أي حاجة مقابل مبلغ زيادة عن نسبة التأمين لو كنت هتأمن لنفسك

http://safetyp.com/default/home/

**chato_eg** · 02-11-2008 03:18 PM

أنا فعلا باشكركم كلكم على اهتمامكم....
هل حد جرب أى من safety plus او contact شخصيا أو على الأقل كان متابع عن قرب ؟
الكلام بتاعهم حلو لكن أنا خايف من إنه كله يكون دعاية خصوصا إن شرط زى المحضر ده مش شرط الجمعية التعاونية إنما ده قانون التأمين، و مسألة الدفع للتوكيل دى التوكيلات هى اللى مش بتتعامل مع شركات التأمين فى دفع المبالغ المستحقة لإنهم بيتأخرو أوى فى إصدار الشيكات....
أتمنى من السادة إللى ليهم تجارب سابقة يفيدونا و شكرا للجميع

**Ahmed Selim** · 02-11-2008 03:46 PM

بصوا يا شباب......كونتاكت وسافتى بلس بيطلبوا محضر فى 3 حالات
1- السرقة
2- الحريق
3- الخسارة الكلية أو ال Total Loss

غير كده أنت بتعمل تليفون تطلب حد من الشركة يعاين العربية وتوديها التوكيل وهما يحاسبوا التوكيل.....أنت بس بتودى العربية و بتستلمها.....مش أكتر من كده

و كونتاكت حسب تجارب بعض أصدقائى ممتازين جداً و أسمع أن سافتى بلس زيهم بس بالنسبة للرينو سافتى بلس بتتعامل مع الميكانيكيون العرب نفسهم مش التوكيل ( EIM ) عشان هى بتاعت صاحب الميكانيكيون.

باقى شركات التأمين بيوافقو على المقايسة اللى بتتعمل فى التوكيل وبعد كده أنت بتدفع الفلوس وهما بيطلعولك شيك فى خلال شهر من ساعة ما يستلموا منك الفاتورة.....و عادة الشيك بيطلع أقل من الفاتورة بمبلغ المفروض أنه ميتعداش 10% من قيمة الفاتورة نظير مصاريف أهلاك.

المفروض برضه أن كونتاكت مبتخدش مصاريف أهلاك خالص بس مش عارف سافتى بتعمل كده ولا لأ