اهم الانباء:اشتريت ميجان 2005 و اليكم الانباء بالتفصيل....

**youssefmegane** · 27-10-2009 01:25 PM

ربنا وفقنى و اشتريت ميجان 2005 لأن بجد كان نفسى فى العربية دى من زمان.فقلت اجى و احكيلكم تفاصيل عملية الشراء
فى البداية انا اسمى يوسف من الاسكندرية و اول عربية جبتها من 5 سنين كانت سوزوكى سويفت موديل 97 و كانت عربية كويسة متعبتنيش بصراحة و بعدين قلت بقى الواحد بقى عايز كماليات و خصوصا التكييف و كمان عربية تكون 1600 و تكون زيرو.
المهم فكرت و عجبتنى النوبيرا و جبتها من المصرية فى جرين بلازا موديل 2007 كاملة مانيوال.التوكيل بتاعها اسمه الصفوة فى القبارى زبالة الزبالة الزبالة.بجد حاجة مقرفة جدا كان عندى عيب فى الفرامل و الجاكمان و قالولى ان فيها عيب فى الفرامل فعلا اما صوت الجاكمان فكل النوبيرا كده.المهم العربية قعدت معايا سنتين و بعتها بنفس العيبين علشان البهوات معرفوش يعملوا حاجة حتى فى العيب اللى هما قالولى عليه فى الفرامل.و عايز اقولكم انى رحتلهم اكتر من عشرين مرة و دخلت للمدير و كل مرة يخدوها جوة بالتلات و الاربع ساعات و يقولولى خلاص كله بقى تمام و طبعا مفيش اى حاجة حصلت.
معلش طولت عليكم,المهم بعد سنتين و اربع شهور قررت اغير و اجيب حاجة تانية,طلعت موضوع الزيرو من دماغى و قلت اجيب حاجة حالتها نضيفة.و كانت الميجان اول اختياراتى.....
طبعا شفت عربيات كتير جدا اولها كانت تويوتا 2005 بس بمجرد مركبتها و سوقتها محبتهاش خالص.قالولى فيه اوكتافيا a4 2004 يعنى كانت حالتها مش قد كده.و قلت خلاص مش عايز غير ميجان.
طبعا انا كنت مكلم ناس كتير على الميجان بس كان لسه مفيش حاجة.المهم فى يوم من حوالى تلات اسابيع كده واحد معرفة كلمنى و قاللى فيه ميجان 2005 موجودة مع واحد اعرفه تعالى اتفرج عليها.
رحت طبعا و اول ماشفت العربية حسيت انها بتاعتى و اقفة كده بتنادينى.قلت لنفسى لأ مش عايز اتسرع.العربية فضى اوتوماتيك جنوط سبور 16 و اكر نيكل الراجل قاللى دى الفئة التانية اوتوماتيك.
قولتله نروح بكرة التوكيل و اعمل فحص شامل, قاللى تمام.تانى يوم الساعة 9 بالظبط كنا فى التوكيل اللى فى العامرية.توكيل نضيف جدا و ناس محترمة جدا.قلتله عايز اعمل فحص على العربية.خدوا العربية و دخلنا احنا فى الاستراحة و بعد حوالى تلات ساعات طلعت و روحت علشان اشوف الريبورت بتاعها و كان فيه
1- العربية فابريكة بالكامل ماعدا الاكصدام واخد وش نضافة فى التوكيل.
2-العربية منتظمة فى الصيانات(هى ماشية 87000)
3- تحتاج علبة جاكمان وسط
طبعا انا مكنتش متوقع ان العربية تبقى بالنضافة دى.فسألت على المهندس اللى كشف عليها و طلبت انى اتكلم معاه و فعلا جالى المهندس و اول مسألته عليها قاللى اتوكل على الله العربية مفيهاش حاجة خالص و هتكسبها بجد لو اخدتها.
فتوكلت على الله و اول مرجعنا قلت للراجل هاجيب الفلوس و اجيلك بالليل و خلصت على طول.الراجل اصلا مكنش فارق معاه يبيعها بس هو كان عايز يجيب بى ام معروضة عليها و هو مبسوط جدا ماديا.
طبعا لما ركبتها فرق السما من الارض بينها و بين النوبيرا بالنسبة لى يعنى.بجد صدقونى حسيت ان الميجان هى اللى اخدتها زيرو مش النوبيرا برضه بالنسبة لى.عربية فعلا رهيبة فى كل حاجة و مبقتش عايز انزل منها.الاسبوع اللى فات سافرت بيها الغردقة حاجة فظيعة على الطريق و ثبات ولا احلى و عزل للصوت و لا اروع و صالون ولا اوسع.

و اخيرا بقى معايا الميجان.........................

**abou_sama** · 27-10-2009 01:35 PM

الف مبروك و ربنا يديك خيرها ويكفيك شرها
وقولنا جبتها بكام

**CryptonX** · 27-10-2009 01:36 PM

المشاركة الأصلية كتبت بواسطة youssefmegane

ربنا وفقنى و اشتريت ميجان 2005 لأن بجد كان نفسى فى العربية دى من زمان.فقلت اجى و احكيلكم تفاصيل عملية الشراء
فى البداية انا اسمى يوسف من الاسكندرية و اول عربية جبتها من 5 سنين كانت سوزوكى سويفت موديل 97 و كانت عربية كويسة متعبتنيش بصراحة و بعدين قلت بقى الواحد بقى عايز كماليات و خصوصا التكييف و كمان عربية تكون 1600 و تكون زيرو.
المهم فكرت و عجبتنى النوبيرا و جبتها من المصرية فى جرين بلازا موديل 2007 كاملة مانيوال.التوكيل بتاعها اسمه الصفوة فى القبارى زبالة الزبالة الزبالة.بجد حاجة مقرفة جدا كان عندى عيب فى الفرامل و الجاكمان و قالولى ان فيها عيب فى الفرامل فعلا اما صوت الجاكمان فكل النوبيرا كده.المهم العربية قعدت معايا سنتين و بعتها بنفس العيبين علشان البهوات معرفوش يعملوا حاجة حتى فى العيب اللى هما قالولى عليه فى الفرامل.و عايز اقولكم انى رحتلهم اكتر من عشرين مرة و دخلت للمدير و كل مرة يخدوها جوة بالتلات و الاربع ساعات و يقولولى خلاص كله بقى تمام و طبعا مفيش اى حاجة حصلت.
معلش طولت عليكم,المهم بعد سنتين و اربع شهور قررت اغير و اجيب حاجة تانية,طلعت موضوع الزيرو من دماغى و قلت اجيب حاجة حالتها نضيفة.و كانت الميجان اول اختياراتى.....
طبعا شفت عربيات كتير جدا اولها كانت تويوتا 2005 بس بمجرد مركبتها و سوقتها محبتهاش خالص.قالولى فيه اوكتافيا a4 2004 يعنى كانت حالتها مش قد كده.و قلت خلاص مش عايز غير ميجان.
طبعا انا كنت مكلم ناس كتير على الميجان بس كان لسه مفيش حاجة.المهم فى يوم من حوالى تلات اسابيع كده واحد معرفة كلمنى و قاللى فيه ميجان 2005 موجودة مع واحد اعرفه تعالى اتفرج عليها.
رحت طبعا و اول ماشفت العربية حسيت انها بتاعتى و اقفة كده بتنادينى.قلت لنفسى لأ مش عايز اتسرع.العربية فضى اوتوماتيك جنوط سبور 16 و اكر نيكل الراجل قاللى دى الفئة التانية اوتوماتيك.
قولتله نروح بكرة التوكيل و اعمل فحص شامل, قاللى تمام.تانى يوم الساعة 9 بالظبط كنا فى التوكيل اللى فى العامرية.توكيل نضيف جدا و ناس محترمة جدا.قلتله عايز اعمل فحص على العربية.خدوا العربية و دخلنا احنا فى الاستراحة و بعد حوالى تلات ساعات طلعت و روحت علشان اشوف الريبورت بتاعها و كان فيه
1- العربية فابريكة بالكامل ماعدا الاكصدام واخد وش نضافة فى التوكيل.
2-العربية منتظمة فى الصيانات(هى ماشية 87000)
3- تحتاج علبة جاكمان وسط
طبعا انا مكنتش متوقع ان العربية تبقى بالنضافة دى.فسألت على المهندس اللى كشف عليها و طلبت انى اتكلم معاه و فعلا جالى المهندس و اول مسألته عليها قاللى اتوكل على الله العربية مفيهاش حاجة خالص و هتكسبها بجد لو اخدتها.
فتوكلت على الله و اول مرجعنا قلت للراجل هاجيب الفلوس و اجيلك بالليل و خلصت على طول.الراجل اصلا مكنش فارق معاه يبيعها بس هو كان عايز يجيب بى ام معروضة عليها و هو مبسوط جدا ماديا.
طبعا لما ركبتها فرق السما من الارض بينها و بين النوبيرا بالنسبة لى يعنى.بجد صدقونى حسيت ان الميجان هى اللى اخدتها زيرو مش النوبيرا برضه بالنسبة لى.عربية فعلا رهيبة فى كل حاجة و مبقتش عايز انزل منها.الاسبوع اللى فات سافرت بيها الغردقة حاجة فظيعة على الطريق و ثبات ولا احلى و عزل للصوت و لا اروع و صالون ولا اوسع.

و اخيرا بقى معايا الميجان.........................

الف مبروك يا باشا :)

نوبيرا مين يا عم .. الاوروبي ... اوروبي :)

**Col. Eng. Khaled** · 27-10-2009 01:48 PM

ألف مبروك يا أ / يوسف ربنا إن شاء الله يبارك لحضرتك فيها و تتمتع بيها في الخير

التوكيل فعلا محترم جدا ، الحمد لله شغلهم نضيف (فرع إسكندرية هاديء جدا مقارنة بالكثافة في المقطم)

فرع إسكندرية أقرب ما يكون لفرع العبور في الهدوء النسبي و إستراحة أفضل من المقطم .

العمالة في فرع إسكندرية أكفأ من فرع العبور .