مشكلة فى فتيس ودبرياج فيرنا..أرجو المساعدة

**مصطفى البنا** · 04-01-2015 04:55 PM

السلام عليكم ورحمة الله وبركاته..
فى البداية انا عربيتى فيرنا 2007 مانيوال لسة جايبها من حوالى شهرين ودى أول عربية ليا واول ما جبتها كانت زى الفل معايا دلوقتى فيها مشكلة مجننانى وعايز افهم المشكلة ممكن تبقى من إيه قبل ما أوديها للميكانيكى علشان أبقى فاهم الزيتونة

العربية دلوقتى اول ما بدوس على الدبرياج حتى لو هى دايرة و واقفة وقبل ما أتحرك بسمع فيها صوت عالى زي الصريخ وكل ما بدوس على الدبرياج وانا ماشى لو عايز انقل بسمع نفس الصوت.

ولو فى طريق زحمة ودايس دبرياج وفرامل وجايب الأول العربية بتترج جاااااااامد جداااااااااااا لازم ايدها مور او أمشى علشان الرجة.

و كمان ببقى دايس دبرياج للأخر وأجى أنقل الفتيس بيبقى تقيل جداً لدرجة أنه مرة علق وضغطت عليه جامد جداً بإيديا الأتنين لغابة ما نقل من الاول للتانى.

فياريت تفيدونى دى ممكن تبقى مشكلة إيه وشاكر مقدماً للجميع

**Mecha** · 04-01-2015 04:59 PM

اسطوانة

**مصطفى البنا** · 04-01-2015 05:12 PM

المشاركة الأصلية كتبت بواسطة mecha

اسطوانة

ألف شكر على إهتمامك بالرد ومعلش سؤال تانى الإسطوانة بتتغير بحوالى كام وإيه اللى ممكن يبقى بوظها

**Mecha** · 04-01-2015 05:59 PM

الاسعار مقدرش افيدك ,
في الحاله اللي حكيت عنها فيه مشكلة pressure plate الصوابع انتنت من التحميل الدايم او الضغط بقوه
الدبرياج عمره حوالي 100,000 كم مع سواق عادي والتيل هيبتدي يحرق

**مصطفى البنا** · 04-01-2015 09:02 PM

المشاركة الأصلية كتبت بواسطة mecha

الاسعار مقدرش افيدك ,
في الحاله اللي حكيت عنها فيه مشكلة pressure plate الصوابع انتنت من التحميل الدايم او الضغط بقوه
الدبرياج عمره حوالي 100,000 كم مع سواق عادي والتيل هيبتدي يحرق

انا العربية عاملة 130 ألف بس بصراحة مش عارف الدبرياج إتغير قبل كدة ولا لا
بس انا فعلا لانى لسة متعلم سواقة جديد كنت أغلب الوقت وانا بهدى بتبقى رجلى على الدبرياج وألف مليون شكر

**samihanwar** · 23-01-2015 04:05 PM

بليه الدبرياج عندك جابت أخرها وهى كده عماله تاكل فى الديسك وشكلها كده بردو نهت على الديسك وكده التقل اللى حصل عندك ده من بليه الدبرياج بقت تقيله خالص على الفورش اللى بيدوس على الديسك عشان يفصل الحركه.
الحق نفسك وغير طقم الدبرياج وهو مش هيعدى ال 550 جنيه على حسب المكان اللى بتشترى منو واحسن مكان التوفيقيه من عند جورج او البنا ماركه فاليو ماركه محترمه جدا ومصنعيه التغيير مش هتعدى ال 150 جند
وتقبل مرورى

**مصطفى البنا** · 25-01-2015 08:21 PM

المشاركة الأصلية كتبت بواسطة samihanwar

بليه الدبرياج عندك جابت أخرها وهى كده عماله تاكل فى الديسك وشكلها كده بردو نهت على الديسك وكده التقل اللى حصل عندك ده من بليه الدبرياج بقت تقيله خالص على الفورش اللى بيدوس على الديسك عشان يفصل الحركه.
الحق نفسك وغير طقم الدبرياج وهو مش هيعدى ال 550 جنيه على حسب المكان اللى بتشترى منو واحسن مكان التوفيقيه من عند جورج او البنا ماركه فاليو ماركه محترمه جدا ومصنعيه التغيير مش هتعدى ال 150 جند
وتقبل مرورى

بجد ياباشا مش عارف اشكرك ازاى على ردك الرائع ده وفعلا انا روحت لميكانيكى ثقة طلع ان البلية كانت فرطت خالص وعلى حسب ما فهمت مبقاش فيها بلية جوة كله واقع برة حاجة كدة تقريبا :d
وغيرت البلية ب 100 وقالى الديسكوالاسطوانة لسة يشتغلو فترة كدة

**samihanwar** · 28-01-2015 04:27 PM

الحمد الله
وتقبل مرورى

**engmiro_1985** · 13-02-2015 11:24 AM

ده يا باشا طقم دبرياج انا معايا نفس العربية ونفس الموديل ونصيحة اشتريه من التوكيل وركبه عند اى ميكانيكى كويس وبالمرة غير زيت الفتيس(زيت شل مش موبيل) لو اشتريته فاليو من برة مش هيعيش كتير فمدام انت هتفك الفتيس فك مرة واحدة وهات الاصلى من التوكيل و3 لتر زيت فتيس مانيوال شل وخلى الميكانيكى يبصلك على الماسترين ويشوف فى حاجة بتجيب زيت ولا لاه بالتوفيق ان شاء الله

**ahmed_moeaz** · 16-02-2015 06:20 AM

المشاركة الأصلية كتبت بواسطة engmiro_1985

ده يا باشا طقم دبرياج انا معايا نفس العربية ونفس الموديل ونصيحة اشتريه من التوكيل وركبه عند اى ميكانيكى كويس وبالمرة غير زيت الفتيس(زيت شل مش موبيل) لو اشتريته فاليو من برة مش هيعيش كتير فمدام انت هتفك الفتيس فك مرة واحدة وهات الاصلى من التوكيل و3 لتر زيت فتيس مانيوال شل وخلى الميكانيكى يبصلك على الماسترين ويشوف فى حاجة بتجيب زيت ولا لاه بالتوفيق ان شاء الله

انا كنت مع الرأى ده اعمل صيانة شاملة لطقم الدبرياج بس عامة مدام الميكانيكى بص على الديسك والاسطوانة وقال انهم يعيشوا خليك ماشى عليهم فترة واعمل صيانتك الشاملة بعد فترة وخلى حد يبصلك على زيت الفتيس