مشكلة في عداد ال rbm

**fouad mekkey** · 24-01-2015 02:59 AM

السلام عليكم ورحمة الله وبركاته

انا معايا نيسان صني 2004 اوتوماتك من شهرين كدا روحت عشان اغير زيت الموتور لقيت الميكانيكي بيقولي انت عندك البوابة عاوزة تتنضف عشان مليانه كربون وبتاع قولتله طيب نضفها فجاب انبوبة رش مخصصة لغسيل البوابة ونضف البوابة وفعلاً حسيت ان سحب العربية ظبط لكن بعد ماوصل البيت جبت العربية علي ال p لقيت صوت الموتور علي وال rbm معدي ال 1000 رجعت له تاني قالي دا عشان البوابة لسا متنضفة شوية مع المشي وهتظبط وبقالي علي الحال دا حوالي شهرين وشوية وانا متوسط المشي عندي في اليوم 60 كيلو
فمش عارف بقي المشكلة دي منين ال rbm مش بينزل عن 1000 أبداً

**moataz.bahrawy** · 26-01-2015 09:28 AM

من الوضح انك عاوز ضبط كهرباء العربيه ومن المفروض كان يضبطهالك ويفضل تروح لحد متخصص افضل او ميكانيكي مضمون

**hotmail** · 27-01-2015 06:09 PM

انصحك انك تذهب لمركز الصفا في جسر السويس وبيشتغل في الكاربراتير و نظام خقن الوقود انا لسه مجربه من اسبوع عندي صني 98 وكنت قد نظفت الكاربراتير في مركز نيسان المعتمد (ياسين) الا ان استهلاك البنزين قد زاد بشكل كبير 150 كيلو لكل 20 لتر بدلا من 240 و وقررت اخيرا الذهاب لمركز الصفا و عمل صيانه فقط للكاربراتير و عاد الاستهلاك الي الوضع القديم وتكلفت الصيانه 135 جنيه

**fouad mekkey** · 27-01-2015 11:49 PM

انا روحت عند مركز صيانة بيضبط العربية بالكمبيوتر والحمد لله تم حل المشكلة كانت في حساس ال tps وحساس ال idle كانت القيم بتاعهم مش مظبوطة والحمد لله ظبطت