سكودا فيفوريت مشكلة فى عداد rpm و عداد الكيلو متر

**tamer0101** · 24-12-2013 02:01 PM

انا عندى عداد rpm مش شغال الكهربائى قالى ده العداد نفسه فيه مشكلة وعندى عداد الكيلوات واقف مش بيعد ... ده يتصلح ولا اشوف طقم عدادات استيراد احسن .

وفيه سؤال تانى باغة الفوانيس بتاعة الفيفوريت متوفرة .. لانى سالت على االفنوس الامامى كامل استعمال كان عامل 200 جنيه

**saddam** · 24-12-2013 03:14 PM

صديقي المواطن
طبعا يتصلح أحسن ويتفك ويتلمع بالبولش ويتعاير كل حاجة فيها وأنظف بتاع عدادات في الجمهورية والوحيد اللي متوقفش في وشه مشكلة في أي عربية هو الراجل اللي تحت كوبري الدقي في الحارة السد اللي على ناصيتها بنزينة مصر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Ahmed_Ramadan** · 24-12-2013 09:03 PM

المشاركة الأصلية كتبت بواسطة saddam

صديقي المواطن
طبعا يتصلح أحسن ويتفك ويتلمع بالبولش ويتعاير كل حاجة فيها وأنظف بتاع عدادات في الجمهورية والوحيد اللي متوقفش في وشه مشكلة في أي عربية هو الراجل اللي تحت كوبري الدقي في الحارة السد اللي على ناصيتها بنزينة مصر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ده كلام زى الفل

**samehabc1** · 27-12-2013 07:43 PM

صدقنا فى المنتدى بالنسبة لموضوع الفوانيس طبعا بيتباع ليها باغات و اوشاش سواء الخلفية او الامامية

**المنسي** · 30-12-2013 01:22 PM

المشاركة الأصلية كتبت بواسطة tamer0101

انا عندى عداد rpm مش شغال الكهربائى قالى ده العداد نفسه فيه مشكلة وعندى عداد الكيلوات واقف مش بيعد ... ده يتصلح ولا اشوف طقم عدادات استيراد احسن .

وفيه سؤال تانى باغة الفوانيس بتاعة الفيفوريت متوفرة .. لانى سالت على االفنوس الامامى كامل استعمال كان عامل 200 جنيه

عداد rpm ممكن يكون الكابل بتاعه مشدود او مفصول من الطابلوه وبالنسبة لعداد الكيلوات ممكن يكون الكابل بتاع واير السرعة الترس بتاعه فيه مشكلة

**MARWAN.T** · 08-01-2014 01:44 AM

المشاركة الأصلية كتبت بواسطة tamer0101

عاوز حد بيصلح العدادات في اسكندرية

فيه واحد فى فكتوريا اول ملك حفنى شمال

**elandlos** · 12-01-2014 01:26 PM

كان عندى نفس مشكلتك مع فارق موديل العربيه وانا كان عندى الـ rpm كان شغال
والـ كم (السرعه) شغال وعداد المسافه فقط (الرقمى) هو اللى عاطل
روحت لبتاع عدادات مشهور وقديم فى وش فتح الله جاردنيا فى الساعه طرق الراس السوداء
متمكن بس خليك قليل الكلام معاه ومتعملش شاطر علشان بيزرجن
اخد فى تشغيل عداد المسافه مصنعيه 80 جنيه
وقاللى لو عايز مجموعة عدادات استعمال بتعمل 300 جنيه
على فكره مشكلتك ممكن تكون فى الترس اللى فى الجيربكس او الكابل
ان شاء الله تكون بسيطه

**tamer0101** · 13-01-2014 12:41 PM

عداد الكيلوات كان فيه مشكلة كان معلق وصلحه بس قالى لو وقف معاك تانى حنحتاج مجموعة تروس .... اما لموضوع ار بى ام كانت مفصلولة من جوة لما جربنا نشغله لقينا فيه قفله فقالى العداد كده انتهى المهم قالى ممكن نجيب عداد تانى استعمال قولتله ماشى دور عنده ملقاش روحنا عند واحد تانى بتاع عدادات زميلة فتح المخزن لقيت عدادات مصر كلها موجودة المهم طلع تابلو زى بتاعى واخد الماكنة بتاعة ار بى ام وركبة وكان فيه لحمات فى البوردة ظبتها وغير لمبة كان محروقة وقفل التابلوة والحساب كان 125 جنيه العداد والمصنعية ......

بس فيه مشكلة بعد ماقفل اكتشف ان العداد والعربية واقفة المؤشر مش على الصفر وطبعا قالى ما تقلقش يا هندسة حيريح (على اساس انها جزمة حتريح لما تمشى بيها ) المهم قالى لو ما ظبتش تبقى عدى عليا فى اى وقت (زحلقة على شان يشتغل فى العربيات التانية)

المهم هو الطبيعى المؤشر لما العربية بتكون دايرة بيكون على الكام (ده على افتراض ان المؤشر مظبوط)

**sakr_skoda** · 13-01-2014 12:48 PM

فى الصباح بيكون على 500 او 600 لاكن بعد ماتسخن بيكون على 1000 بعدين انا مش عاوز ارد فى الموضوع لن الوملاء جزاهم الله خيرا قامو بالواجب معاك***

لاكن وجب ان ارد على حضرتك الآن بالنسبة لعدم وقوع المؤشر عند سنتر البداية دى حاجة عادية مش مهمة قوى بعدين ممكن انتا تعملها بنفسك شوف حتشيل ابرة المؤشر بحذر وتسنترعا وتركبه هو عامل زى عقرب الساعة فاكر لما كان بيقع منك ههههههههههههه **

http://www.nilemotors.net/Nile/327965-a.html