الاسكورت فيها 3 موديلات
1300 و دى روسى كانت نازلة للجيش و قطع غيارها للماتور قليلة جدا و العفشة موجودة و مش مكيفة
1600 كاربراتير و دى قطع غيارها موجودة و كمان ممكن يركب عليها بعض قطع غيار الشير ال a11 و ان كنت افضل الأصلى و العفشة برضه موجودة
1600 انجكشن بمواتير زيتك و دى قطع غيارها موجودة بكثرة فى القاهرة و اسكندرية و الاسماعيلية و بورسعيد لانها نفس مواتير المونديو و ممكن يركب عليها مواتير الفوكس الزيتك السودة لكن هاتغيرى الكنترول و الضفيرة
العفشة واحدة فى التلات موديلات
قطع الغيار مش رخيصة لكن مش غالية و لا مبالغ فيها و معمرة سواء استيراد او جديد
الجديد فى منه تركى و ايطالى و تايوانى و طبعا التوكيل المانى لكن التوكيل مبالغ فيه جدا
مشكلته ال 1600 ان حوضها زحمة و مش اى ميكانيكى بيشتغل فيها لو مش فاهم او متخصص هايخربها
العربية دى ما تحبش الافتكاسات يعنى لو مش سليمة و شغل فابريكة ما تاخديهاش لأنها هاتكرهك فى العربيات
لو سليمة هاتحبيها و مش هاتعرفى تركبى غيرها فى نفس الفئة السعرية هاتلاقيها افضل حاجة و افضل من حاجات تانية اعلى منها كمان فى السعر
ال 1600 مشكلتها تحتاج متابعة للعفشة كل 3 شهور تربيط و تزييت لان الماتور تقيل
اتمنى اكون افدت
مع تحيات احد عاشقى و مالكى الاسكورت من 4 سنوات
منقوووووووووووول من أحد أعضاء نايل موتورز للافادة فقط
المفضلات