الموضوع: الحيرة هتقتلنى من شركة سونى

طالما انت سمعت الصوت وعجبك اتكل على الله واشتري السوني . اما عن رأيي وملاحظاتي الشخصية في موضوع الساوند سيستم كالاتي :
1- المنتدى فيه هجوم غير مبرر على السوني وده ناتج على ما اعتقد عن عضو اساء في السوني و باقي المنتدى بيردد كلامه بدون تجربة ومفيش حد حيقولك كلام مفيد عشان مفيش حد جرب .
2 - انا بحترم السوني جدا عن تجربة شخصية وعمري ما افكر اشتري غير سوني في السماعات او الصب .
3- شركة سوني الوحيدة اللي بتديك افضل سعر مقابل الامكانيات .
4 - انا عندي سماعات سوني بقالهم سنة ونص شغالين تمام وزي الفل وهما تقفيل صناعة الصين .
5- بالنسبة للكاسيت ده اهم اهم اهم حاجة في الساوند سيستم والكاسيت غالبا ارشح البايونير فيه عشان ده اللي انا مجربه وماجربتش السوني عشان احكم عليه بس كأداء للكاسيت البايونير اعتقد ان انا مش محتاج اكتر من كدة .
كفاية ان انا افضل ساوند سيستم عن 2 من اصحابي بفارق ملحوظ وده بفضل الكاسيت فقط وحقولك الساوند سيستم بتاع كل واحد فينا بس ياريت تصدق كلامي عشان محدش بيصدق غير لما يشوف بنفسه
1- (انا ) كاسيت بايونير بامكانيات وخرج صوت قوي جدا على سماعتين سوني 400 وات فقط !!!!!!!!!!!!!!!!! .
2- كاسيت كلاريون على 4 سماعات بيونير موصلين ب جي ام + سماعتين في الابواب + 2 تويتر .
3- كاسيت سوني اكسبلود مع 2 سماعات بيونير + بازوكا مش فاكر نوعها الصراحة + سماعتين في التابلوه قدام وطبعا عليهم الجي ام والكلام ده .

طبعا انت مش مصدق ان ممكن سماعتين ينافسوا بازوكا
لو الكاسيت نضيف اوي ممكن تنافس صب صغير واي عدد سماعات على كاسيت متوسط .
انا كفاية عندي ان مفيش حد يعرفني بيرضى يركب ورا في العربية بيتهيألى انا مش محتاج اكتر من كدة وفي مرة حبقى اصور شنطة العربية شكلها ايه والكاسيت شغال على 30 وهو اخره 60 .

دي نصيحة مني مافيش حد مقتنع بيها من المنتدى معرفش ليه وحتلاقي كلامهم عكسي تماما .
انا حبيت اقول تجربتي بس مش اكتر .

كاسيت ليونيير جي ام بيونيير او كينوود وسيمفوني لو صب او بازوكا سمعات بيونيير لو عرفت تجيب جي بي ال يبقي تمام لو عرفت تجيب كاسيت بيونيير 4250 ده فلاشه و ميموري وكل حاجه والاهم صوته خراااااافي

انا سمعت كاسيت بايونير على يماعات سونى كان الصراحة صوتة مش حلو ولما بعلى على الاخر الصوت بيبقى وحش و سمعت كاسيت سونى على سماعات سونى كان انقى بكتير فى الصوت و الخارج بتاعت الكاسيت السونى 52 و البايونير تقريبا 46 او 48

و بالنسبة لتوزيع الصوت يعنى لو انا مركب فى الخلف سماعتين زى م اكون مركب 4 سماعات ؟؟؟؟
ولا يتركب سماعتين فى الخلف و سماعتين قدام او فى الابواب ؟؟

فعلا انا عندى السماعات الى فى العربية 4 موجودين فى الابواب و موزعين الصوت 10/10 و فى واحد صاحبى مركب سماعتين فى الخلف بايونير لاكن لو قاعد قدام لازم تعلى شوية عشان تسمع و الى قاعد ورا بيطرش هههههههه

طيب انا عايز اركب كاسيت سونى
4 سماعات double bass 440 w
2 GM 800 w
بازوكا sony xpload 1100
sub sony 1000 w
انتى ايه رايك يا معلم ولا اركب 2 بازوكا و بلاش الصب و السماعات اركبها فى الابواب و لا فى الخلف ؟؟؟؟