الموضوع: محتاج نصيحة فى شراء فلوانس

حد يعرف ايه هوه اللون الشامبين اللى فى الفلوانس ؟؟ يعنى هوه هوه الشامبين بتاع النيسان صنى مثلا ولا يقصدوا بيه الموكا الفاتح ولا ايه ؟؟ علشان انا ماشفتش شامبين خالص فى الفلوانس

باشمهندس هانى ,, أستاذ ياسر والله انا مش عارف اقول ايه على الذوق والأحترام والأخلاق والنصيحة المفيدة وربنا يديكوا الصحة وانا مش عارف اشكركوا ازاى بجد بس اعملوا حسابكوا انى هاوجع دماغكوا كده فترة حتى بعد ما اجيب العربية
عموما انا بأمر الله خلاص رايح بكره الطارق ومعايا الفلوس ومش عايز اقولكوا انى لحد دلوقتى مااخدتش قرار هاى لاين ولا e3 ومستنى اخد قرارى بكره على الطبيعة علشان انا كان نفسى فى اللون الأوف وايت او الأبيض العاجى علشان شايفه جديد وشيك جداا وده موجود فى ال e3 بس والهاى لاين لأ ,, موجود فيها بس النبيتى والفضى والشامبين اللى غالبا وبعد ما شفت صوره انا مش بفضله لأنه اكتر لون منتشر فى الفلوانس حتى لو جديد فى الفايس ليفت بس ده اكتر لون بشوفه على الفلوانس
المهم حد عايز يقولى حاجة قبل ما اروح بكره ؟؟
1- ادفع واستلم ولا استنى ادفع بس واسيب العربية عندهم واخدها من هناك على الترخيص على طول اول ما ورقها يجهز؟
2- ايه اللى باستلمه من العربية او ابص عليه او اخد بالى منه؟
3- ازاى اثبت الستائر على الرخصة او الستائر والزينون وفتحة السقف ؟؟ يعنى ايه اللى باخده من المعرض علشان اثبت الحاجات دى على الرخصة
وزى ماقلت استحملونى هههههههههه ده لسه لما استلم واسوقها فيه مليون سؤال

الف مبروك مقدما
مع اني لست من ملاك فلوانس ..... الا اني انصححك وبشده بالهاي لاين ...... حتحس بها بعد كده وفى اعادة البيع

بالنسبة لفتحة السقف والامان:
كان عند والدي سياره byd الصينيه كامله فتحة السقف..... والحمد لله عمل حادث علي الدائري واتقلبت بيه السياره وزحفت علي السقف الي ان اصطدمت بجوانب الكوبري , والمفاجئه اني بعد ماعاينتها وجدت ان فتحة السقف سلييييييمه ولم يحدث بها اي شئ ...... فما بالك بالامان الاوروبي فى الفلوانس

عيوب الهاي لاين ............ انك مش حتعرف تركب عربيه اقل كماليات منها بعد البيع للتجديد وحتفكر فى فولفو مثلا او بي ام x1 او اي حاجه تماثل كماليات وراحة الفلوانس الهاي لاين

اما بالنسبة للزيت ........... الموضوع مش نوع شركة (توتال-موبيل-سل-فالفولين.......الخ) كل الفكره انك تشتري زيت له نفس درجة اللزوجه ومستوي الخدمه .... وبيكون مكتوب بالخط العريض بس احنا مش بنحب نقرأ
درجة اللزوجه المطلوبه : 5w-30
مستوي الخدمه المطلوب: Sn
واختار النوع اللي انت تستريحله

انا كنت بستعمل شل وغيرت لفالفولين لنفس درجة اللزوجه الخاصه بموتورى 5w-40 وحسيت باختلاف واضح جدا في السحب والنعومه

بالتوفيق ان شاء الله
في امان الله

المشاركة الأصلية كتبت بواسطة heeshooheeshoo

الأخ الفاضل roland
كان الله فى عونك .. مررت بحيرتك من قبل وزهقت مندوب البيع معى من كثرة زياراتى للمعرض وحيرتى فى الإختيار والتى بدأت بـ e3 ثم إرتفع سقف طموحى لأصل إلى e3s .. وجاء وقت إتخاذالقرار فوجدتنى أتخذ قرارى الذى لم أندم عليه لأحجز e3sl "هاى لاين" لون عاجى .. أكثر أماناً (6 إيرباج) .. أكثر عملية وفخامة (فرش جلد كامل) .. أكثر راحة فى السفر ليلاً (زينون فى الواطى) .

# أنا شخصياً أوصيت المعرض بإنهاء كل الأوراق ثم إخطارى للإستلام .. وقد حدث .. تم إنهاء شهادة البيانات بمعرفتهم وفى اليوم التالى تم إستكمال باقى الثمن والإستلام وفى اليوم التالى قمت بإنهاء إجراءات التأمين الشامل والترخيص . مش باعرف أشترى حاجة وأركنها أتفرج عليها .

# عند الإستلام أوصيت بنزع الفيلم الذى يلصق على الكابوت والشنطة للتأكد من سلامة الصاج والطلاء من تحته .. ثم تفقد السيارة من الخارج للتأكد من عدم وجود خدوش أو كدمات بالصاج أو شروخ بالفوانيس .. ثم التأكد من وجود ملحقات السيارة (الإستبن - الكوريك - مفتاح العجل - حلقة القطر - الإيريال - غطاء تانك البنزين - الولاعة - طفاية السجائر - كتالوجات السيارة والكاسيت وكتيب الضمان - الدواسات الموكيت - عدد 2 كارت تشغيل تحكم عن بعد - كود تفعيل الكاسيت - كود كارت تشغيل السيارة)
بعد ذلك أدرت المحرك وتم تجربة تشغيل كل الأجهزة الكهربائية ( تكييف .. راديو .. Cd .. زجاج الأبواب والسنتر لوك .. ضم وضبط المرايا الجانبية .. الأضواء الموجودة بمرايا الشماسات الأمامية .. المساحات ورشاشات الزجاج ورشاشات الفوانيس الأمامية .. أضواء السيارة من الداخل والخارج .. ستائر الأبواب والستارة الخلفية .. الدواسات الموكيت)

# المستندات التى إستلمتها مع السيارة (صورة إقرار إستلام السيارة - صورة الإفراج الجمركى مدون به بيانات السيارة - شهادة البيانات - فاتورة البيع - مبايعة المصرية العالمية للسيارات للموزع أو المعرض - مبايعة الموزع أو المعرض لى)

# إثبات الستائر فى الرخصة لا يحتاج مجهود ولا واسطة مادامت الستائر مثبتة ومذكورة بالإفراج الجمركى (مكتوبة بخط اليد بالإفراج "السيارات بها شماسات جانبية وخلفية يدوية") كل المطلوب منك تذكرة مهندس الفحص بإثبات الستائر تجنباً للسهو والخطأ .

# بعد الإستلام على خير بإذن الله أول حاجة تعملها تفويل السيارة من أقرب محطة بنزين وكذلك ضبط ضغط الإطارات لأنها تكون مضغوطة بالزيادة لدواعى التخزين .
أرجو المعذرة إذا سقط منى شىء سهواً
ربنا يوفقك لما فيه الخير ومبروك مقدماً

وتقبل تحياتى ،،،

اشكرك حضرتك جداااااااااا على ردك الوافى واسمحى بس أسأل انت قلت اثبات الستائر على الرخصة بس ماقلتش الزينون كمان؟؟ مش المفروض اثبته هوه كمان؟؟ كان نفسى اوى اوى فى اللون العاجى بس للأسف مش لاقى فى الهاى لاين غير الفضى والنبيتى ومرة تانية اشكرك جداا

المشاركة الأصلية كتبت بواسطة alshahba

الف مبروك مقدما
مع اني لست من ملاك فلوانس ..... الا اني انصححك وبشده بالهاي لاين ...... حتحس بها بعد كده وفى اعادة البيع

بالنسبة لفتحة السقف والامان:
كان عند والدي سياره byd الصينيه كامله فتحة السقف..... والحمد لله عمل حادث علي الدائري واتقلبت بيه السياره وزحفت علي السقف الي ان اصطدمت بجوانب الكوبري , والمفاجئه اني بعد ماعاينتها وجدت ان فتحة السقف سلييييييمه ولم يحدث بها اي شئ ...... فما بالك بالامان الاوروبي فى الفلوانس

عيوب الهاي لاين ............ انك مش حتعرف تركب عربيه اقل كماليات منها بعد البيع للتجديد وحتفكر فى فولفو مثلا او بي ام x1 او اي حاجه تماثل كماليات وراحة الفلوانس الهاي لاين

اما بالنسبة للزيت ........... الموضوع مش نوع شركة (توتال-موبيل-سل-فالفولين.......الخ) كل الفكره انك تشتري زيت له نفس درجة اللزوجه ومستوي الخدمه .... وبيكون مكتوب بالخط العريض بس احنا مش بنحب نقرأ
درجة اللزوجه المطلوبه : 5w-30
مستوي الخدمه المطلوب: Sn
واختار النوع اللي انت تستريحله

انا كنت بستعمل شل وغيرت لفالفولين لنفس درجة اللزوجه الخاصه بموتورى 5w-40 وحسيت باختلاف واضح جدا في السحب والنعومه

بالتوفيق ان شاء الله
في امان الله

كلام حضرتك مظبوط وبيأكده هنا الأستاذ ياسر احد ملاك الفلوانس ان مشكلة رينو انها مش بتستخدم غير توتال 5w40 اللى مفروض ان درجة اللزوجة بتاعته غير مناسبة ومافيش عندها غيره والله واعلم بتسمح انك تغير زيت تانى ولا لأ