الموضوع: محتاج نصيحة فى شراء فلوانس

كل دى مشاهدة ومافيش حد فكر يرد ؟؟ هوه انا حاطط صور ؟؟ والله يا جماعة محتار جدااا وخصوصا بعد ماقريت مشاركات كتير كلها بتتكلم عن مشكلة زيت توتال واللزوجة بتاعته وانه بيخللى صوت الموتور عالى وفيه واحد تانى قال ان فيه مشكلة فى ال أر بى إم وبيطلع وينزل لوحده ده غير مشكلة الزيت طبعا ,, بجد انا خفت من الكلام ده كله وياريت حد معاه فلوانس يفيدنى

العربية اكتر من ممتازة انا معايا العربية من سنة وعامل بيها 19000 الفئة الهاى لاين اللى عاجباك :) ,العربية هايلة الحمدلله والتوكيل كويس لو تقدر تزنق نفسك وتجيبها مش محتاج كلام انا شخصيا عملت كدة واضعف الايمان هات الفئة اللى قبلها اللى فيها بردو فتحة سقف وباركينج سنسور لاكن الفئة التانية هتلاقى نفسك عايز تركب باركينج سنسور وتعمل حاجات فيها هتصرف فلوس كتير ومش اورجينال

المشاركة الأصلية كتبت بواسطة m.radwan

أنا اخويا اشترى الفلوانس الهاي لاين..مفيش أي مشكلة فيها نهائي...الفرش الجلد بتاع الهاي لاين طبعا حلو وكذلك الزينون اللي بيخلي الطريق قدامك كأنك الظهر..العفشة ناعمة جدا وكذلك الباور..العربية متعة بصراحة.
بالنسبة للفتيس، مش عارف هو المسمى بتاعه يفرق معاك ايه؟ هو الفتيس cvt وفيه مانيوال (ستبترونيك يعني) شركة نيسان قالت عليه "إكسترونيك" عادي يعني. الفتيس وهمي بصراحة وناعم جدا.
بالنسبة للزيت..صدقني الزيت مش هيفرق معاك في أي حاجة بشكل واضح أوي يعني، والموتور كده كده صوته عالي سنة عشان الكاتينة بتاعته جنزير.
مشكلة نقص الزيت: لو افترضنا انها حصلت عندك التوكيل بيغير فالف معين بتاع الزيت والمشكلة بتتحل وخلاص
فأنا شايف مفيش أي قلق نهائي من العربية..
انت بقى لو مش فارق معاك الفلوس هات الهاي لاين، لو الميزانية متسمحش هات الفئة اللى قبلها.

ألف شكر ياباشا على ردك

المشاركة الأصلية كتبت بواسطة Hany Saad

موديل الفتيس: CVT XTRONIC و هو الأصدار الأخير و المعدل من نيسان لهذا النوع من الفتيس و هى رائدة فى هذا النوع، التطوير اللى شمله الموديل ده هو تسريع زمن النقلات بحوالى 25% عن الموديل السابق اللى هو CVT
مندوب البيع بيقصد بكلمة Steptronic أن الفتيس ده تقدر تسوق بيه أتوماتيك أو semi manual عن طريق التحكم فى النقلات و زيادة زمن النقلة (الشد أو القيادة الرياضية).

أنا معايا العربية من سنة و شهرين عامل بيها 18 ألف كم و الحمد لله العربية جميلة و إعتمادية إلى أقصى درجة.
زى ما الأفاضل أفادوا، لو الميزانية تسمح يبقى متع نفسك بكماليات أصلية أكتر و هتحس أن العربية مش ناقصها حاجة و مش هتزهق منها بسرعة، أنما لو الميزانية ما تسمحش يبقى ما تزنقش نفسك و هات تانى فئة أتوماتيك و ديه أحسن قيمة مقابل المال.
مفيش مشكلة أنك تجيب من موزع، الطارق شغال و فاصل معاه كمان....العربية كان عليها 5 ألاف جنيه خصم من شهر علشان كده هما بينزلوا فى تمنها

بالتوفيق أن شاء الله

تحياتى

متشكر جدا ليك على ذوقك وردك بس معلش استحملنى فى سؤالى اللى قد يبدو غبى شوية ,, فتحة السقف مالهاش اى تأثير على ال safety او ال security بتاعة العربية ؟؟ يعنى بمفهومى المحدود فعلا ان السقف الكامل اكثر امانا وان فتحة السقف ممكن تقلل من صلابة وتماسك السقف وممكن تكون سهلة الفتح او الكسر؟؟ معلش استحمل غبائى بس انا بسأل بجد

المشاركة الأصلية كتبت بواسطة mohamedaghali

العربية اكتر من ممتازة انا معايا العربية من سنة وعامل بيها 19000 الفئة الهاى لاين اللى عاجباك :) ,العربية هايلة الحمدلله والتوكيل كويس لو تقدر تزنق نفسك وتجيبها مش محتاج كلام انا شخصيا عملت كدة واضعف الايمان هات الفئة اللى قبلها اللى فيها بردو فتحة سقف وباركينج سنسور لاكن الفئة التانية هتلاقى نفسك عايز تركب باركينج سنسور وتعمل حاجات فيها هتصرف فلوس كتير ومش اورجينال

طب لو سألت حضرتك ووبمنتهى الأمانة لو حبيت تقولى ايه عيوبها بالنسبة لك او ايه اللى مش عاجبك فيها تقولى ايه ؟ واكون شاكر ليك جدااا لو قلتى لى رأيك فى موضوع السحب والثبات وتسارع العربية بصفة عامة ومعدل استهلاك البنزين