هل الجزم السيفتي تصلح للاستخدام اليومي

**abokoko** · 29-03-2015 10:29 AM

ابني قدمه بتكبر بسرعه
وبتهلك الاحذيه بصوره كبيره
وبتطلع ريحه

وعنده فلات فوت. وسط تقريبا

لو اشتريت له جزمه سيفتي
للاستخدام اليومي
هل ستكون مضره له
?

انا اتفرجت علي انواع
ولقيت اسعار تبدٱ من 175 الي فوق الالف
واشكال برقبه ونص رقبه وشكل جزمه اللي ي الامريكي وشكل الكوتش

ارجو الافاده

**HeMa_LanCeR** · 29-03-2015 11:06 AM

ممكن تجيبلة اللي شبه الكوتشي بتبقي خفيفة شويه
وسعرها بيبداء من 90 جنية

**abokoko** · 29-03-2015 11:15 AM

اللي شبه الكوتشي
صيني
تقريبا اسمها تيني او حاجه قريبه من الاسم
ب 230 جنيه
وده اقل سعر ليها

انا مش في القاهره

اللي عايز اتاكد منه الاول
انها مش مؤذيه للقدم في حاله الاستخدام اليومي كانها جزمه عاديه
??

**pepo2011** · 29-03-2015 11:24 AM

لا مش مؤذية طبعا

**mr_green** · 29-03-2015 11:29 AM

مش مؤذية
المهم يكون نوع نضيف و مريح أنا عايز أقولك إن الخامات حتى فى الماركات المحترمة بقت تتقطع بسرعه أنا شخصيا أديداس مباقش يستحمل معايا سنة على بعضها لسه رامى واحده والله شاريها ب 1040 جنية إتقطع بعد 10 شهور بالتمام و أوريجنال من أديداس ستورز نفسه مش من رع سبورت كمان

السيفتى أنضف حاجة فيه red wing بس غالى مش أقل من 600 جنيه لو جبته من شارع الجمهورية من عند بتوع الأمن الصناعى و يكون الأمريكى الأصلى مش التقليد المضروب و الفرق باين فى الخامات و الشكل العام
ال CAT مش وحش بس مجربتوش شخصيا

**h_shahin** · 29-03-2015 11:48 AM

العمال في الشركات المحترمة بتستخدم السيفتى بصفة يومية بدون أي أضرار
هي مشكلتها إنها ثقيلة شوية نوعا ما و الحركة بيها بتبقى أصعب شوية
لكن مع التعود المشكلة دى بتزول
و الأفضل عدم ارتدائها طول اليوم و تهوية القدم كلما امكن

**adamz_13** · 29-03-2015 11:58 AM

بسم الله ونبدأ هذه أول مشاركة لي في المنتدى.
انصحك تشتري لولدك هذه الماركة مريحة وعملية ومقاومة جدآ مع الإستخدام اليومي ومع الغسيل في الغسالة كل فترة اشتريت جوز استخدمتها سنتين رميتها بعد مامللت من شكلها وكانت في حالة مقبولة لمواصلة الطريق.
هذا رابط الماركة ممكن تأخذ فكرة https://www.merrell.com/FR/fr_FR/hom...ve=45309478303

بالنسبة لجزمة السيكورتي ماانصحك فيها للاستخدام اليومي والمشي عليها لأنني استخدمها يوميا في مجال عملي علما اني مااتحرك كثير بيها لاكنها متعبة واحس بثقلها فما بالك بشاب صغير زي ابنك

**abdulkhaleq** · 29-03-2015 12:16 PM

سيدي الفاضل بعد التحيه
هي مش مضره
لكن ابنك لسه بيكبر
الأفضل تكون احذيته مريحه, رياضيه وأوريجينال كمان, وخصوصا موضوع الفلات فوت ده اسمع انه ممكن يأثر على الضهر لا قدر الله.

بالنسبه لرائحة القدم
غسل القدم اول مايدخل البيت من بره
شرابات قطن رياضيه مش صناعيه تتلبس مره واحده وتتغسل
لسه موجوده اعتقد يشوف طبيب جلديه
ربنا يخلليهولك ويحفظه

**a7medsh3rawi** · 29-03-2015 12:36 PM

انا بستخدم سيفتى ماركه walklander هى صناعه صينى وسعرها 200ج
تقريبا طول اليوم لابسها من الفجر للمغرب وتستحمل وشبه الكوتشى العادى
هى تقيله شويه بس مش اتقل من البياده اللى كنت بلبسها ايام الجيش
ويحط بودره قدم على الشراب ويلبسها عادى من غير ريحه ولا تعب

**abokoko** · 29-03-2015 12:52 PM

المشاركة الأصلية كتبت بواسطة adamz_13

بسم الله ونبدأ هذه أول مشاركة لي في المنتدى.
انصحك تشتري لولدك هذه الماركة مريحة وعملية ومقاومة جدآ مع الإستخدام اليومي ومع الغسيل في الغسالة كل فترة اشتريت جوز استخدمتها سنتين رميتها بعد مامللت من شكلها وكانت في حالة مقبولة لمواصلة الطريق.
هذا رابط الماركة ممكن تأخذ فكرة https://www.merrell.com/fr/fr_fr/hom...ve=45309478303

بالنسبة لجزمة السيكورتي ماانصحك فيها للاستخدام اليومي والمشي عليها لأنني استخدمها يوميا في مجال عملي علما اني مااتحرك كثير بيها لاكنها متعبة واحس بثقلها فما بالك بشاب صغير زي ابنك

عقبال المشاركه المليون
وربنا يكرمك معانا في المنتدي وفي حياتك كلها بالخير والمعافاه

للاسف بتبقي الاختيارات محدوده خارج القاهره

كمان الشكل اللي في الصوره برقبه
وانا عايز الشكل المقارب للجزمه العاديه
علشان ميكنش منتقد او ملفت للنظر وسط زمايله
وكل ما الشكل شيك يبقي احسن

الموضوع: هل الجزم السيفتي تصلح للاستخدام اليومي

LinkBack

أدوات الموضوع

عرض

هل الجزم السيفتي تصلح للاستخدام اليومي - انشر الموضوع فى :

-

-

-

-

-

-

المواضيع المتشابهه

طريقة حلوة لتوسيع الجزم الجديدة :)

◣◥ استفسار بخصوص الجزم !

محلات السيفتي في بورسعيد

حادث بشع.................أهمية ملابس السيفتي

الكلمات الدلالية لهذا الموضوع

المفضلات

المفضلات

ضوابط المشاركة