طلب نصيحة: شغال في السعودية وعايز عربية انزلها

**eljafari** · 13-04-2015 04:46 PM

انا شغال في السعودية وعايز اجيب عربية انزلها مصر بعد سنة او اتنين

طبعا بدور على عربية تكون عملية وقطع غيارها متوفرة في مصر والسعودية لاني هستعملها في السعودية فترة بعد كده هنزلها مصر

انا بفضل العربيات الصغيرة زي الاكسنت واليارس والريو ودول اللي بفاضل بينهم

انا ميال للريو المكنة ال1400 لكن للاسف قطع الغيار والصيانة للكيا بوجه عام سيئة في السعودية كمان اسمع ان شكلها هيتغير قريب

الاكسنت بتنزل مكنتين في السعودية 1400 و 1600 انا شايفها عربية حلوة لكن برضه اسمع ان شكلها خلاص هيتغير واعتقد ان مصر المكنة 1600 اوتو بس اللي بتنزل

اليارس حلوة ضعيفة شوية لكن عملية ومنتشرة وشكلها مقبول بس ايه ظروف الصيانة في مصر انا معرفش حد يفيدني, وايه المكنة اللي موجودة في مصر هنا موجودة السيدان مكنة 1300 و 1500 والهاتش باك مش موجودة اصلا في التوكيل نادر لما بتيجي والهاتش باك مكنة 1300 بس

في كمان الكورولا والالنترا هما اختيار افضل بس انا مش ميال ليهم بسبب حجم العربية والزحمة والركنة وخاصة ان انا بتنرفز كمان بسرعه وبتقلب معايا النرفزة بغرز علطول وبعدين ممكن نتعور ومش عاوز حاجة تقيله في التصليح

وفي السيراتو والفلونس والبيجو 301 واللانسر الشكل القديم بس الكيا والريو والبيجو والميتسوبيشي خدماتهم وصيانتهم تعبانة جدا في السعودية

ممكن الصني برضه لكن الناس خوفتني منها وبالنسبة للصيانة هنا متوسطة مش حلوة ومش وحشه

الشارك المكنة 1600 مش موجودة موجود في السعودية مكنة 2000 بس عشان كده مستبعدة

رايكم تنصحوني بايه؟

**osa165** · 13-04-2015 05:41 PM

اشتري من مصر احسن لما تنزل يعني ان شاء الله ، السيارات اللي قلت عليها دي 3 سنين استعمال في السعودية وبتجيب اخرها

**eljafari** · 13-04-2015 06:00 PM

المشاركة الأصلية كتبت بواسطة osa165

اشتري من مصر احسن لما تنزل يعني ان شاء الله ، السيارات اللي قلت عليها دي 3 سنين استعمال في السعودية وبتجيب اخرها

صراحة هي كل العربيات بتسيح في السعودية من الحر مش اللي انا قلت عليها بس

لكن العين بصيرة والايد قصيرة اجيب عربية هنا وعربية في مصر كمان بعد 3 سنين صعب

والمستعمل بيكلف كتير في الصيانة انا معايا اكسنت 2008 صراحة انا عايز اجيب جديد لاني لو فتحت فيها صيانة هتعدي العشرة عشان تتظبط وانا صراحة مش عاوز اصرف عليها ومش هتجيبهم في البيع ولامتقبل حالتها مع انها مش بطالة لكن الصيانة غالية جدا وسعر البيع منخفض جدا في السعودية

**م أحمد** · 13-04-2015 10:14 PM

هات اى عربية تعجبك و اركنها لغاية لما تنزل
و اشترى واحدة تانية ب 10 او 15 الاف ريال و ما اكثرهم و افخمهم وقضى بيها مشاويرك

**عبد الكريم** · 13-04-2015 10:21 PM

تويوتا

**eljafari** · 13-04-2015 10:21 PM

المشاركة الأصلية كتبت بواسطة م أحمد

هات اى عربية تعجبك و اركنها لغاية لما تنزل
و اشترى واحدة تانية ب 10 او 15 الاف ريال و ما اكثرهم و افخمهم وقضى بيها مشاويرك

فكرة اجيب عربية واركنها يبقى موديلها هيقدم وهي مركونة

**eljafari** · 13-04-2015 10:22 PM

المشاركة الأصلية كتبت بواسطة عبد الكريم

تويوتا

اول صوت بس هل قطع غيار اليارس والكرولا متوفرة كويس في مصر؟ واسعارها عاملة ايه؟

**fares_311** · 14-04-2015 01:41 AM

اليارس والكورولا طبعا في السعودية ومصر وضعهم كويس.

**eljafari** · 14-04-2015 09:53 AM

المشاركة الأصلية كتبت بواسطة fares_311

اليارس والكورولا طبعا في السعودية ومصر وضعهم كويس.

بس انا كنت حابب اعرف ظروف قطع الغيار متوفرة ولا لا وبعدين اسعارها عاملة ايه

**amr_naser** · 14-04-2015 10:24 AM

شوف يا باشا اركب فى السعودية اللى انت عاوزة لما تنزل مصر اشترى منها وعلى فكرة الموضوع مفيش فيه توفير اطلاقا لان بعد دفع الجمارك وما شابهه حتلاقيها نفس السعر
وفكرة انك تجيب عربية وتركنها دى غلط كبير لان الجو الحر حيخلى اى حاجة كوتش تنشف ولما حتحب تستخدمها حتلاقيها محتاجة صيانة بملغ وقدرة
كمان انا معرفش انت قاعد فين فى السعودية لكن اللى اعرفة ان العربيات الصغيرة دى سيئة ومش بتاعة جرى
وانصحك انك تشترى حاجة من اول حجم الكورولا وانت طالع مش اصغر من كدة كمان انصحك تشترى يابانى وبس
اذا انت حتشترى عربية كاش ممكن تشوف لك حتة اكورد ولا كامرى او ممكن تشوف حجات جيب اذا حابب بس اهم شئ الحالة بتاعة العربية واذا تشترى تقسيط هات اللى يناسب مقدرتك
وربنا معاك ويكفيك كل شر
اما اذا انت مصمم على عربية تاخدها من السعودية لمصر عندك ( الكورلا - السيفك - السيتى - الالنترا - السيراتو - الفلورنس - داستر - مازدا 3 - يارس - فلوسيتر )
تحياتى