حتاج عربيه زيرو ومش عارف اجيب ايه ارجو المساعده

**khaled M saleh** · 26-04-2015 11:59 AM

السلام عليكم
انا معايا حاليا لادا 2107 موديل 2006 وكانت مقضيه معايا الغرض لغايت مالظروف اتغيرت.
انا من الأسكندريه و شغلى اتنقل دمياط و بقيت بسافر على الطريق الدولى لدمياط(طريق سيئ جداً و خطير ) بشكل اسبوعى(حوالى 600 كيلو رايح جاى) الصراحه اللادا مقلتش بأصلها معايا بس باجى من السفر متدغدغ و هلكان فمحتاج عربيه سفر مريحه وأمان ليا و للأسره و أعتماديه بتوكيل محترم و مراكز صيانه كويسه فى دمياط أو الأسكندريه لأنى ححرق كيلوات كتير بيها و تكون فى حدود 145000 جنيه انا محتااار بين (و لو فى اقتراحات افيدونى):
تويوتا ياريس سيدان
لانسر شارك تانى فئه
سوزوكى سياز
بيجو 301 هاى لاين

وِشكراً

**abo kenzy** · 26-04-2015 12:20 PM

من وجهة نظري
شارك اعتمادية اكتر
سياز جديدة وشكلها جميل ولسه مفيش كلام عليها بس اللي بيتقال عنها انها تقفيل هندي
بيجو 301 سمعت عنها كلام مش كويس وفيه صفحة ع الفيس بتقول ان توكيلها سيء جدااا
التويوتا ياريس .. معرفش عنها حاجه
بالتوفيق

**scientist9508** · 26-04-2015 12:57 PM

بسم الله الرحمن الرحيم

اخى الفاضل

من كل السيارات التى ذكرتها ارشح لك سيارتين:

1 - الشارك

2 - السياز

الشارك فيها كل ما تتمناه ماعدا التابلوه الجميل و الرفاهيات و الشكل الجمالى بصفه عامه فهى جميله من الخارج فقط اما داخلياً فهى فقيره

السياز فيها كل ما تتمناه بلا نواقص و لكن يعيبها الوكيل الفاشل وهو عيب خطير لان الصيانات فى الورش خارج الوكيل مرهقه جداً. . . يقول بعض الاخوه موخراً ان مودرن موتورز قد تغيرت سياساته للافضل يمكنك التاكد من هذا قبل الشروع فى الشرا ممن يتعاملون معه حديثاً لاننى اوقفت التعامل معهم منذ سنوات بسبب فشلهم و غباوة سياساتهم.

هداك الله لارشد امرك و اقومه

السلام عليكم و رحمة الله و بركاته