الموضوع: معمـــار المرشدى بمدينة نصر (دى الشقة فى مشمشك)

السلام عليكم ورحمة الله وبركاتة

عودت اليكــــــم بموضوع شائك ومن خلال متابعتى لمواضيع الشقق شعرت ان وقت الحســـــم قد حان ..

كلكوا تابعتوا الفترة اللى فاتت اعلانــات _(معمارالمرشدي – دجلة بالم او تاورز بمدينة نصر)_ !!




قاعد مع الحاج حمزاوى (والدى ربنا يديلة الصحة) فى امانة الله وبنتفرج ع تليفزيون وفجـــــــــــــــــأة يجى الاعلان اللعين بتاع الشاب الفرفور اللى عايش حياتة ومقضيها فشخرة قدام اصحابة بعربيتة ومعتمد ع دادى يجبلة الشقة (مع أن مش كلة كدة وفى نـــاس بتسعي وبتحفر فى الصخر) ويقاطعة صوووت يقولة بثمن عربيتك دي ممكن تدفعها مقدمــة و بباكوو (1000جونية) تدفعهم قسط شهري لشقتك والحق فرصتك يامؤمــــن ! ** يابـــــــلاش **

خلــــــــــــص الاعلان ...

ولقيت الحاج بيبصلى شذرًا .

أى ياحاج هتأكولنى ولا اى !

خلى عندك دم وروح اسئــل .

مش عايز ادوز دلوقتــى وبعدين دى اعلانــات ضحك ع دقوون .

أنت مفتــح وعارف (تريقة) مش هتخســر حاجة .





فقوولت اروح اسئل ويمكن يصدقووا مع أنى عارف أنة هيطلع (اقساط تمن وارباع واسداس واخماس) سنوي دة غير رسوم مسح السلم ومصاريف عم حشمت السيكورتي وصيانة مش عارف أى وافلام سودة بس قوولت مش هخسر حاجة وتوكلت ع الله .















الاسبــوع اللى فات , توكلت ع مكتب معمار المرشدي فوق بن شاهين فى شارع عباس العقـــاد مدينة نصــر ..

وكانت المفاجـــــــــــــــــــ ـــــــــــــــــــــأة كالأتى :

تــــااااان تأأأأأأأأأأأأأأأأأأأأأن .

حصل حوار مطوول ومفيش حاجة جاهزة (ع أرض الواقع يعنى) وكلة صور ثري دي ع كومبوتر وكلام فى العســل والزبدة وايشي جناين وايشى حمام سباحــة ومش عارف اى وجينا وقت الجد بقى (لحظتــــــى) ..





** الوحدات المتاحة محدودة وادوار اخيرة كمان (ماشاء الله) شغل مبيعات عشان يصربعوا الزبون عشان يلحق يخلص ويدبس .

** مساحات الوحدات كالأتى :

تقسيماتهم ::















113 م والصــافى 95 م (مش عارف الباقى نسيوة ولا اضرب علية بس اغلب الظن دخل مناور) ماعلينــا عديها الناس لبعديها .

115 م

154 م

162 م

165 م



هناخد شقة مساحتـــــها 113 م ( صافي 95 م ) ,,

وهنقسط ع 5 سنوات وهيكون الأجراءات كالأتي :

تقسيمها :







1 # دفعة تعاقد 120322 جنية مصري .

2 # هتدفع زيهم 120322 جنية مصري بعد سنتين ونصف .

3 # وهتدفع 3598 جنية شهريــا * 60 شهر .

4 # وكل اخر سنة هتدفع 28877 جنيــة * 5 سنوات .

بحسبـــة بسيطة هيكون الناتج الاجمالى للوحدة وبسلاطات هتكون 600909 جنيها مصريا فقط لاغير دة غير مصاريف الصيانــة والحشتبكانات اللى هيطلعوهالك فى النـــــص ودة وارد جدا دة غير الاستلام بعد سنتين ونصف ..







أنا راضي ذمتكوا بقي فين الـــقسط ابو 1000 جنيــة دة ؟! وبعدين شاب أى اللى هيدفع 600909 فى 5 سنين دة ؟!

طبعا بيقولك وموضحين ع التصميمات ان موقع الكومبوند ع طريق الدائري الرئيسي وقصادهم الناحية التانيــة علطووول كايرو فيستفيال يعنى لو من فوق هتلاقي موقع الكومبوند وبعدية الدائري وبعديهم الفيستفيال بالتوازى مع ان الحقيقى غير كدة الموقع فى قلب الصحراء ودخلتها الوحيدة من شارع المدارس اللى بيودى ع عمائر مدينة نصر وهما بعديهم جواا .

لأ أنا احوووش شوية واسافر برة او مش لازم ادووز ..



محتاج منكوووا دعوتين (تدعولى مش تدعى عليا) من القـــــــلب .



فى رعــــــــــــــــــاية الله ..