فلوانس 2011 ام جيتا 2009 ام مازدا 3 2010

**atuarus** · 15-06-2015 07:15 PM

السلام عليكم . انا حاليا معايا فلوانس 2011 الفءة E3 وكنت عاوز اغير ل mazda 3 2010 highline اوhighline jetta 2008.2009.
هل هحس بفرق ؟؟؟
سبب.التغير حاسس ان الفلوانس كبيرة عليا شوية وانا شباب بس هي كعربيه مفيهاس غلطه ثبات فخامه هدوء بس عاوز حاجه شبابي اقدر العب فيها براحتي طبعا كلو عارف كهربة الفرنساوي
بالنسبة لفتيس الجيتا الي الواحد سمع عنو بلاوي ممكن توضيح؟؟

**ENG.MaRk** · 15-06-2015 08:28 PM

بيع الفلوانس و هات ميجان 3 أو خلي الفلوانس معاك لأنها عربية محترمة ... الناس اللي معاها عربية مريحاها مش بتدور علي مستعمل و كمان موديلات قديمة لأن المستعمل في مصر كله "فابريقة يا بيه" أو راشش نظافة و هي بتبقي عربيات متهانة و نادراً لو لقيت حالة كويسة "لقطة" ... لو مصمم علي رأيك يبقي هات مازدا 3 مع العلم إني مش حابب فكرة شراء المستعمل

**atuarus** · 15-06-2015 09:11 PM

أنا شاريها أصلا مستعملة كانت عاملة 89 دلوقت 97 و أكيد هكشف على العربية في التوكيل لو صاحبها مرضيش يكشف مش هبصلها .الفلوانس هي هي الميجان بلاي

**ENG.MaRk** · 15-06-2015 09:18 PM

المشاركة الأصلية كتبت بواسطة atuarus

أنا شاريها أصلا مستعملة كانت عاملة 89 دلوقت 97 و أكيد هكشف على العربية في التوكيل لو صاحبها مرضيش يكشف مش هبصلها .الفلوانس هي هي الميجان بلاي

أنا عارف إن الفلوانس هي هي الميجان بلاي بس اقترحتها عليك لأنك حاسس إن الفلوانس كبيرة عليك كشاب ف قولت الhatchback أحسن من السيدان بالنسبة للشباب علشان ماتحشس بفرق كبير :)

**atuarus** · 15-06-2015 10:03 PM

المشاركة الأصلية كتبت بواسطة ENG.MaRk

أنا عارف إن الفلوانس هي هي الميجان بلاي بس اقترحتها عليك لأنك حاسس إن الفلوانس كبيرة عليك كشاب ف قولت الhatchback أحسن من السيدان بالنسبة للشباب علشان ماتحشس بفرق كبير :)

أها تمام . أنا عاوز أغير بس خايف أنزل في المستوى يعني أندم بس أنا عاجباني الجيتا خالص بس الفتيس
المازدا الزوم 2010 الكاملة جميلة برضو

**ENG.MaRk** · 15-06-2015 11:06 PM

فلوانس أجددهم و أحسنهم و في الآخر القرار قرارك لأن أنا كان معايا فلوانس و بعتها عاملة 147000 كم و كانت مريحاني جداً في مصر و نصيحة مادام عربيتك مريحاك ماتبيعهاش و تدور علي حاجة تانية ممكن تتعبك

**ENG.MaRk** · 15-06-2015 11:10 PM

و عموماً لو مصمم تغير و مش عايز ميجان يبقي هات مازدا لأنك بتقول إنك عايز حاجة تظبط فيها براحتك

**atuarus** · 15-06-2015 11:32 PM

المشاركة الأصلية كتبت بواسطة eng.mark

و عموماً لو مصمم تغير و مش عايز ميجان يبقي هات مازدا لأنك بتقول إنك عايز حاجة تظبط فيها براحتك

تمام مشكلة الفلوانس كبيره لعيله وانا في الكلية وعلى طول بركبها لوحدي
المازذا الزوم جميلة عيبها الوحيد الارتفاع بس 2 الجيتا داخلة دماغي خالص بس مشاكل الفتيس مخوفاني

من اسباب برضو ان الفلونس بتهلك شويه بنزين حضرتك لو عندك معلومات عن الجيتا وشكرا ليك

**ENG.MaRk** · 15-06-2015 11:46 PM

الجيتا هاتها 2008 توب لاين بعيداً عن مشاكل الDSG لأنه مش واخد حظه في مصر ف ريح دماغك أحسن علشان لو جبت 2009 و ظهرت معاك مشاكل الDSG و الgearbox error هتكره اليوم اللي اشتريت فيه العربية