صوت رزع مع الحفر علي السرعات سيراتو ٢٠١٤

**mzaki** · 16-06-2015 12:21 AM

السلام عليكم
معايا سيراتو ٢٠١٤ جنط ١٧" ، من اول ماجبت العربية ملاحظ اني لو دست علي حفر (زي الاثنين اللي كانوا موجودين في نفق الدائري عند التجمع الاول في اتجاه المعادي )بسمع صوت رزع جامد ، في المطبات العادية العربية الحمد لله سلسة جدا.

مش عارف دا طبيعي و لا لاء ، كنت راكب النترا ٢٠٠٨ قبل كدة و الخبط دا كان اخف كتير جدا
يا ريت لو حد عندة نفس العربية و الجنط يقولي حاس بكدة و لا لاء

**M.Radwan** · 16-06-2015 10:36 AM

هو الجنط أصلا كبير جدا الـ 17 على الطرق الجميلة اللى عندنا .. حاول تخف ضغط الكاوتش شوية وتحط نيتروجين وتشوف الدنيا فيها ايه..

**mzaki** · 16-06-2015 02:24 PM

تخفيف الضغط عن 32 غلط لان مع المطبات اماكنية انضغاط الكاوتش هتكون اكبر و البتالي البالالين الجميلة فرصة ظهورها هتكون اكبر ، انا فعلا حاطط نيتروجين

العربية فى المطبات العادية و كويسة الحمد لله ، بس المطبات اللى بتكون علي شكل حفر و بتخلي العجلة تنزل و ترجع تطلع تانى بسرعة هيا اللي بتسبب الصوت دا!

**M.Radwan** · 16-06-2015 04:07 PM

المشاركة الأصلية كتبت بواسطة mzaki

تخفيف الضغط عن 32 غلط لان مع المطبات اماكنية انضغاط الكاوتش هتكون اكبر و البتالي البالالين الجميلة فرصة ظهورها هتكون اكبر ، انا فعلا حاطط نيتروجين

العربية فى المطبات العادية و كويسة الحمد لله ، بس المطبات اللى بتكون علي شكل حفر و بتخلي العجلة تنزل و ترجع تطلع تانى بسرعة هيا اللي بتسبب الصوت دا!

انا الجنط بتاع عربيتي 16 ومبتفرقش معاه في حوار الضغط ده خالص ولا في أي بلالين بتظهر.
المفروض أمامي عندي يبقى 32 ومع ذلك بعمل الأربع فرد على 30 ونيتروجين
لما الفرد بتتخرم بكسل بقى أرجع أعملها نيتروجين تاني وبحط فيها هواء عادي، بحس بفرق شاسع مع الحفر!

**HishamShafai** · 16-06-2015 06:05 PM

المشاركة الأصلية كتبت بواسطة m.radwan

انا الجنط بتاع عربيتي 16 ومبتفرقش معاه في حوار الضغط ده خالص ولا في أي بلالين بتظهر.
المفروض أمامي عندي يبقى 32 ومع ذلك بعمل الأربع فرد على 30 ونيتروجين
لما الفرد بتتخرم بكسل بقى أرجع أعملها نيتروجين تاني وبحط فيها هواء عادي، بحس بفرق شاسع مع الحفر!

الكلام إن النيتروجين بيبقى لين و كويس فى المطبات به شك كبير و أعتقد الموضوع نفسى بحت , لأن نسبة النيتروجين فى الهواء العادى حوالى 80% و الباقى أكسجين و ثانى أكسيد الكربون و بخار ماء, الفائدة الوحيدة لإستعمال النيتروجين صافى إنه لا يتمدد بالحرارة بالتالى يحافظ على نفس الضغط بالليل مثل النهار و الصيف مثل الشتاء.

**mzaki** · 16-06-2015 11:26 PM

طيب محدش عندة فكرة ابص علي اية ؟
يعني دا ممكن يكون بطاحات و لا مساعدين و لا اية ؟؟
مع العلم ان الصوت اشبهة بالرزع في جسم العربية

ان شاء الله هحجز في التوكيل بس لغاية لما يجي المعاد اكون كونت فكرة

**soltanfriend** · 21-06-2015 11:59 AM

الرزع دا يا باشا بيكون فى الاسكترا اللى هى علبة الدركسيون ولانها فى الانترا والسيراتو وبعض العربيات الاخراى على جلب بلاستيك فبتعمل الصوت دا وبتبقى عرضه للتلف بسرعة
الحل هو انك تعمل حساب للحفر دى وماتاحولش تجرب وتاخدها لانها كدا كدا هاتعمل معاك صوت وكدا كدا هاتبوظ بسرعة

**virus2007** · 01-07-2015 02:14 AM

اولا نصيحتى دايما اظبط الكاوتش على 32 زى الكاتلوج لان اقل من كدة حتضر الكاوتش والجنط

تانى حاجة دى مشكله فى كل السيراتو بالجنط ال 17 وانا بردوا بسمع نفس الرزع دا مع الحفر الجامده

النيتروجين فرق معايا حاجة بسيطه مش اوى.

اعتقد لو مش عايز الرزع دا خالص يبقى غير الجنط ل 16 بسمع ان الناس الى معاهم العربيه بالجنط ال 16 مش بيحصل معاهم القصه دي . بس فى راى حتفقد ميزه الشكل وثبات اقل

**mzaki** · 01-07-2015 05:01 PM

المشاركة الأصلية كتبت بواسطة virus2007

اولا نصيحتى دايما اظبط الكاوتش على 32 زى الكاتلوج لان اقل من كدة حتضر الكاوتش والجنط

تانى حاجة دى مشكله فى كل السيراتو بالجنط ال 17 وانا بردوا بسمع نفس الرزع دا مع الحفر الجامده

النيتروجين فرق معايا حاجة بسيطه مش اوى.

اعتقد لو مش عايز الرزع دا خالص يبقى غير الجنط ل 16 بسمع ان الناس الى معاهم العربيه بالجنط ال 16 مش بيحصل معاهم القصه دي . بس فى راى حتفقد ميزه الشكل وثبات اقل

طب الرزع دا بيأثر على حاجة تانية غير الكوتش ؟