ايه هو احسن موديل لفيات نتعلم عليه سواقه

**مامت دودو** · 26-06-2015 11:09 PM

السلام عليكم و رحمة الله و بركاته,

انا محتاجة مشورتكم جدا,

انا لسه متعلمة السواقه جديد. و حيرانه جدا جدا, و بعد تفكير طويل, قررت اني اجيب عربية فيات اتعلم فيها السواقه, لمدة سنة و لا اتنين و بعدين اجيب حاجة حديثة.

هل رايكم لازالت 128 صالحة للغرض ده, و لو لا ايه العربية اللي تصلح لكدا

**eng_amg** · 26-06-2015 11:39 PM

ليه فيات تحديدا؟
فيات كل الجيل بتاعي اتعلم عليه السواقة بس مكنش في اختيارات كتير في الثمانينيات.
الوقتي الاختيارات كتير.
فيات 128 ومتيلاتها حتقابلك فيها مشاكل ميكانيكية وكهربائية مستمرة. ومهما كانت حالة السيارة حتحتاج صيانة باستمرار.. هيا كدا. وانتي حتتعقدي من السواقة من كثرة الاعطال.
سواق 128 لازم يبقي ودنه مع اصوات العربية واي صوت يحلله ويعرف السبب ويحدد ممكن يمشي بيه ولا لازم يقف ويصين العربية الان.
عموما الميزانية كام الي معتمداها ؟

**مامت دودو** · 26-06-2015 11:40 PM

يا رب حد يرد عليا

**مامت دودو** · 26-06-2015 11:41 PM

منتظرة ردودكم

**مامت دودو** · 26-06-2015 11:43 PM

لا اله الا الله

**مامت دودو** · 26-06-2015 11:45 PM

الله اكبر

**مامت دودو** · 26-06-2015 11:52 PM

المشاركة الأصلية كتبت بواسطة eng_amg

ليه فيات تحديدا؟
فيات كل الجيل بتاعي اتعلم عليه السواقة بس مكنش في اختيارات كتير في الثمانينيات.
الوقتي الاختيارات كتير.
فيات 128 ومتيلاتها حتقابلك فيها مشاكل ميكانيكية وكهربائية مستمرة. ومهما كانت حالة السيارة حتحتاج صيانة باستمرار.. هيا كدا. وانتي حتتعقدي من السواقة من كثرة الاعطال.
سواق 128 لازم يبقي ودنه مع اصوات العربية واي صوت يحلله ويعرف السبب ويحدد ممكن يمشي بيه ولا لازم يقف ويصين العربية الان.
عموما الميزانية كام الي معتمداها ؟

لا مش لازم فيات, انا كنت دايما اسمع ان اللي عايز يجرب يجرب علي فيات 128 لحد ميحترف \السواقه و بعدين يجيب حاجة جديدي,

بالنسبه للميزانيه, انا كنت محددة 60000, بعدين ناس نصحوني احيب حاجة ب30000, لمدة سنة مثلا و اشوف اخباري ايه مع السواقه, و بعدين ازود و اجيب حاجة احدث.

اولا حضرتك رايك انهي تفكير احسن؟

ثانيا ايه العربيه اللي تنصحني بيها؟

**Karim_Monir** · 27-06-2015 12:00 AM

لا هاتي عربيه فيها تكييف وباور
ال ١٢٨ هاتعلمك القعده عند الميكانيكيه
صوني نفسك وهاتي فيرنا او لانوس او عربيه جديده وقطع غيارهم مش غاليه

**eng_amg** · 27-06-2015 12:24 AM

أعنقد الرأي إلي قال فيرنا أو لانوس بيتكلم صح.

اللانوس في رأيي أفضل لأن 60000 يجيبو لانوس بحالة ممتازة وموديل قريب ممكن 2012 مثلا.
عمليا اللانوس هي النسخة المعدلة لل 128 ولكن الأحدث . بها تكييف وزجاج كهرباء وباور وشكلها أفضل طبعا وممكن لو أتزنقتي تسافري بيها. عموما أفضل 100 مرة من الثلاجة الأيديال موديل 1970 أو 1980 مثلا ((مع إحترامي طبعا )) لكن أنا بحب أسميها كدا.

اللانوس مش مريحة جدا في الصالون لو حتسوقي ساعتين أو أكثر. يعني فعلا ظهري وجعني لما سافرت بيها إسكندرية.

لكن بصفة عامة حتغنيكي عن العطلة في الطريق وبهدلة الميكانيكي والكهربائي والعفشجي لو عملتي الصيانة الدورية كل 10000 كم.

وأيضا قطع غيارها أصبحت فعليا أرخص من 128