الموضوع: ايه هو احسن موديل لفيات نتعلم عليه سواقه

المشاركة الأصلية كتبت بواسطة eng_amg

الإيبيزا ممتازة لكن صعب جدا تلاقي عربية بحالتها لأن كل الشباب بيسقطوا مواتير وعفشة جولف وبيلعبوا في العربية.

الألتو والماروتي كويسين بس الألتو أفضل من حيث التكييف والأوبشنز أعلى حاجة بسيطة لكن طبعا مش بكفائة اللانوس.

طيب لو انا مخيرة بين

-التو 2015 هاف باور داخل الضمان
-التو 2015 فول باور خارج الضمان
-لانوس مستعمل
حضرتك تنصحني بايه, و حضرتك ترشح لانوس موديل سنة كم؟

المشاركة الأصلية كتبت بواسطة eng_amg

أعنقد الرأي إلي قال فيرنا أو لانوس بيتكلم صح.

اللانوس في رأيي أفضل لأن 60000 يجيبو لانوس بحالة ممتازة وموديل قريب ممكن 2012 مثلا.
عمليا اللانوس هي النسخة المعدلة لل 128 ولكن الأحدث . بها تكييف وزجاج كهرباء وباور وشكلها أفضل طبعا وممكن لو أتزنقتي تسافري بيها. عموما أفضل 100 مرة من الثلاجة الأيديال موديل 1970 أو 1980 مثلا ((مع إحترامي طبعا )) لكن أنا بحب أسميها كدا.

اللانوس مش مريحة جدا في الصالون لو حتسوقي ساعتين أو أكثر. يعني فعلا ظهري وجعني لما سافرت بيها إسكندرية.

لكن بصفة عامة حتغنيكي عن العطلة في الطريق وبهدلة الميكانيكي والكهربائي والعفشجي لو عملتي الصيانة الدورية كل 10000 كم.

وأيضا قطع غيارها أصبحت فعليا أرخص من 128

هو بصراحة انا مستحيل اسافر بيها, لكن كل مشاويري داخل القاهرة في الزحمة, طيب انا هتفرج دلوقتي علي اعلانات للانوس, لو عجبتني حاجة و حبيت اكشف عليها, اروح لمين؟ انا كنت بفكر اروح مراكز خدمة معتمدة رغم غلو سعرها, راي حضرتك ايه؟

والله الألتو أنا معرفش عنها حاجة ومجربتش سواقتها قبل كده فلا أفتي فيها.. حاولي تتصفحي جروب سوزوكي وتشوفي رأي ملاكها.

بالنسبة للسفر. مش معقولة طالما أنه مستبعد يبقى يتلغي من الإحتمالات. خصوصا إن لو عملتي مشوار مثلا من مصر الجديدة لأكتوبر فدا يعتبر سفر خصوصا في الزحمة دي :)

بالنسبة للكشف علي العربية طبعا مركز معتمد حيكلفك كتير بس طبعا أضمن كتير. بس الموضوع مش محتاج. ممكن أي بنزينة سمعتها جيدة تفي بالغرض.

من أشهر البنزينات دي بنزينة في الهرم بجانب خزان الهرم في منتصف الشارع تقريبا.
أنا شحصيا كشفت علي عربية فيها طلع حاجات مطلعهاش سمكري شاطر جدا. وكانت مغيرة قوائم بشكل إحترافي محدش عرفها غيرهم.

المشاركة الأصلية كتبت بواسطة eng_amg

والله الألتو أنا معرفش عنها حاجة ومجربتش سواقتها قبل كده فلا أفتي فيها.. حاولي تتصفحي جروب سوزوكي وتشوفي رأي ملاكها.

بالنسبة للسفر. مش معقولة طالما أنه مستبعد يبقى يتلغي من الإحتمالات. خصوصا إن لو عملتي مشوار مثلا من مصر الجديدة لأكتوبر فدا يعتبر سفر خصوصا في الزحمة دي :)

بالنسبة للكشف علي العربية طبعا مركز معتمد حيكلفك كتير بس طبعا أضمن كتير. بس الموضوع مش محتاج. ممكن أي بنزينة سمعتها جيدة تفي بالغرض.

من أشهر البنزينات دي بنزينة في الهرم بجانب خزان الهرم في منتصف الشارع تقريبا.
أنا شحصيا كشفت علي عربية فيها طلع حاجات مطلعهاش سمكري شاطر جدا. وكانت مغيرة قوائم بشكل إحترافي محدش عرفها غيرهم.

تمام متشكره اوي

المشاركة الأصلية كتبت بواسطة abo_mazen

هو فيه التو باور أصلا ؟؟؟!!!!

معلش اللي قال لحضرتك إن فيه التو باور مش صادق في كلامه

ده معرض اوتو سمير الريان قالولي فيه التو خليجي فول باور خارج الضمان

يعنى ايه فول باور او هاف باور
انا عندى التو خليجى بس مش فاهم الفرق
و كمان الخليجى هتبقى 1000 سي سي 16 صمام زجاج امامى كهربا خلفى يدوى تكييف و مسجل--اعتقد الموديل الجديد من غير مؤشر ار بى ام عداد بنزين ديجيتال بعكس عربيتى 2009
انا ارشح ليكى التو
بس مستعمله عشان تبقى رخيصه
و بوجه عام الالتو مستعمله (استعمال محترم) مش هتطلب صيانه كتير و هتقضى معاكى فى نص البلد خصوصا فى الزحمة