صدمة عند زيارتي لتوكيل غمرة " ورشة غمرة "

**ahmed.mohy** · 09-07-2015 05:00 AM

طبعا في شوارع مصر الجميلة النضيفة بعد لما خدت لي كم مطب علي نقرة حلوة خاصة اخر نقرة اللي موجودة بعد كوبري الجيش في الكيلو ٤.٥ في طريقي للتجمع بعدها لقيت في صوت حكة في المروحة الامامية عالي بعد ما رجعت من مشواري .. بصيت من خلال الشبكة الامامية للعربية ٣٠٠٨ موديل ٢٠١٥ لقيت زي فبرة داخلية مفكوكة ساندة علي المروحة وبتحك فيها لما المروحة بتشتغل خاصة مع تدوير التكييف

استغربت.. هو دا طبيعي رحت وانا ايدي علي قلبي من مصر الجديدة لمركز غمرة قولت ان شاد الله سهلة تتركب الفبرة واخلص بعد ما وصلت له بعد طلوع العين
وكانت ... الصدمة ما صدقتش ان دا التوكيل الرئيسي اللي هيعملي صيانة لعربيتي البيجو اللي معتقده انه براند عريق ومحترم في مصر انا لا اقلل من شأن شئ بس دا بالنسبة لي
"ورشة"
دا انا كنت بتريق علي توكيل ستروين " عز العرب " وكنت بقول علي السبع انه مجرد مركز خدمة علي اده لا لا لا دوول بالنسبة له ٥ نجوم هههههه
بعد لما اتلطعت شوية في الشمس في الشارع لغاية ما المهندس استلم مني العربية وشاف المشكلة وهي بسيطة مش حاجة بس ماينفعش امشي بيها كدة قالو لي استنا لما نجيب الصنيعي يشوف لها حل .. اتفجات الصنايعي هو اللي جاي يحل لي المشكلة .. طبعا ما عنديش مشكلة اني اكلمه دا بالنسبة لي اكيد يفهم اكتر من مهندس الاستقبال بس ،،مش صح ...طب ما روح للسمكري بتاعي عدم احترافية مطلقا .. وخاصة لما عرفت ان في تكلفة ٤٠٠ جنيه عشان مجرد يركب الفبرة مكانها .. عارف ان الاكصدام الامامي لازم يتفك عشان تتركب
بس هو ذنبي ...هو طبيعي ان العربية كل ما هاخد بيها نقرة ولا مطب هيحصل كدة اومال كروس اوفر ايه وعالية ايه .. طب هي في الضمان طبيعي التوكيل ياخد مني فلوس عشان يركب فبرة مفكوكة .. ما علينا خدتها ولغيت امر الشغل لاني كان لازم اسيبها واخدها باليل .. قولت اعملها جنبي في اي مركز معتمد والسلام وزي ما تكلف
صراحة اتصدمت من منظر دا توكيل ومعاملة .. معلش لو طولت عليكم بس عايز رأيكم وشكرا

**khaled_yehya** · 09-07-2015 09:50 AM

فعلا توكيل بيجو فى مصر اسوء توكيل فى مصر وعن تجربة

**hany63** · 09-07-2015 10:13 AM

بص يا استاذ احمد
التوكيل ليه سلبياته محدش ينكرها و الصدمه اللي انت خدنها انت خدت اكتر منها بكتير لما رحت غمره لاول مره و معملوش عيب صوت الفرامل و كمان العربيه و هيا لسه زيرو اتردمت تراب من جوه بسبب انهم سايبنها مفتوحه لمده 4 ساعات و عمالين ينفضوا في العربيات جنبها و بقع زيت مكان ايدهم الكريمه على الصالون تخيل احساسك ايه ساعتها !
بس العيب بتاع حضرتك ملوش دعوه بالضمان عشان اولا مش شكوى عامه ثانيا سببها انك اكلت مطب محترم و انا نفسي اكلت نفس المطب و عارفه كويس
نرجع تاني لموضوع التوكيل حضرتك لو بتتابع معانا على الفيس هتعرف ان 90 في الميه من مالكي ال 508 و ال 3008 بيتعاملوا مع مراكز الخدمه المعتمده لسرعة الانجاز عندهم و ان العربيه بتبقى تحت عينك طول الوقت و خصوصا ان العربيات بلا مشاكل جوهريه و انا عن نفسي بعمل كده و مبسوط جدا و عايز اقولك ان الموضوع ده مخلي موضوع الصيانه اسهل بكتير من ايام الهوندا
تحياتي

**hany63** · 09-07-2015 10:15 AM

بص يا استاذ احمد
التوكيل ليه سلبياته محدش ينكرها و الصدمه اللي انت خدنها انت خدت اكتر منها بكتير لما رحت غمره لاول مره و معملوش عيب صوت الفرامل و كمان العربيه و هيا لسه زيرو اتردمت تراب من جوه بسبب انهم سايبنها مفتوحه لمده 4 ساعات و عمالين ينفضوا في العربيات جنبها و بقع زيت مكان ايدهم الكريمه على الصالون تخيل احساسك ايه ساعتها !
بس العيب بتاع حضرتك ملوش دعوه بالضمان عشان اولا مش شكوى عامه ثانيا سببها انك اكلت مطب محترم و انا نفسي اكلت نفس المطب و عارفه كويس
نرجع تاني لموضوع التوكيل حضرتك لو بتتابع معانا على الفيس هتعرف ان 90 في الميه من مالكي ال 508 و ال 3008 بيتعاملوا مع مراكز الخدمه المعتمده لسرعة الانجاز عندهم و ان العربيه بتبقى تحت عينك طول الوقت و خصوصا ان العربيات بلا مشاكل جوهريه و انا عن نفسي بعمل كده و مبسوط جدا و عايز اقولك ان الموضوع ده مخلي موضوع الصيانه اسهل بكتير من ايام الهوندا
تحياتي

**Ahmed Omara** · 09-07-2015 02:35 PM

يمكن لحضرتك زيارتنا فى مركز (احمد عمارة) مصر ال قديمة )لتقديم كل الخدمة و الدعم

**Anaslbda** · 10-07-2015 12:06 AM

ماتروحش احمد عمارة.

**hany63** · 10-07-2015 12:35 AM

المشاركة الأصلية كتبت بواسطة anaslbda

ماتروحش احمد عمارة.

ليه يا باشا ما يروحش ؟

**Ahmed Omara** · 10-07-2015 02:42 PM

نرجو من حضرتك توضيح لماذا لا تفضل احمد عمارة ؟!!

**hany63** · 10-07-2015 06:39 PM

المشاركة الأصلية كتبت بواسطة ahmed omara

نرجو من حضرتك توضيح لماذا لا تفضل احمد عمارة ؟!!

سؤال فني يا باشمهندس
دلوقتي فيه شاشات اندروريد نازله مخصوص لل 508 الشكل القديم و بتركب مكان الكاسيت القديم بنفس الفيش و انا اعرف 4 عربيات مركباها بدون مشاكل
المشكله ان كل ما نكلم حد ليه علاقه بالتوكيل يقعد يفتي و يقول العربيه هتطلع من الضمان رغم ان مفيش تقشير في الضفيره نهائي
طب ما ممكن اي حد يوصل حاجه بولاعة العربيه مثلا و تعمل مشكله
يا ترى ايه رأيك الفني في الموضوع ده ؟
عشان كل ملاك ال 508 متضايقين جدا لدرجة ان فيه ناس مش فارق معاها الضمان و الوكيل بصراحه عامل مش واخد باله

**ALshahba** · 11-07-2015 12:32 AM

توكيلات اغلب السيارات تقريبا سيئه جدا
يستثني منهم تزكيل eimبناع رينو........يعتبر احسن توكيل في مصر

الموضوع: صدمة عند زيارتي لتوكيل غمرة " ورشة غمرة "

LinkBack

أدوات الموضوع

عرض