الموضوع: ارجوا الرد العاجل عن اجراءات موتور استيراد

الاخوة الكرام
كل عام وانتم بخير
وجدت عربية للبيع وصاحبها عاوز يسافر الى اوروبا للهجرة فبيبع كل ممتلكاته بجمهورية مصر العربية
المهم عنده عربية شاريها بتوكيل منذ 8 شهور والرخصة بها عام ونصف وهو حاطط فيها موتور استيراد بس لم يثبته على الرخصة لان الرخصة لايزال بها عام ونصف على الانتهاء

فهو بيقول هيجيب فاتورة بيع الموتور مختومة من التاجر (بيقول التاجر صاحبة وبيجبلة قطع غيار من اوروبا كلما بيسافر كل سته اشهر)
ومش مكتوب فيها الاسم عشان لما يجى ميعاد الترخيص اكتب الاسم فى الفاتورة وهيعرفنى على التاجر اللى اشترى منه عشان يبقى يرسل الافراج الجمركى

هل الكلام ده مظبوط كده ودى طريقة متبعة للبيع والشراء للسيارات التى بها مواتير استيراد؟ ام ان الموضوع شكلة فيه مشكلة ولازم اخذ احتياطات اكثر؟

برجاء النصيحة

فعلا كلامكم مقنع جدا
ايه اللى يخلي الشخص يلف ويتعب فى مشاوير المرور الرخمة والروتين والطوابير الحكومية
دة الواحد يوم الترخيص كل 3 سنين بيبقى مخنوق وقرفان - اومال لو الموضوع على الوضع ده لو هيقعد شهور ده يبقى مقرف جدا ومحدش بيبقى فاضى لوجع القلب وخاصة انه ممكن يطلع الورق فعلا مضروب

وصاحب السيارة يبقى مستريح ويرمى المشكلة على اللى بيشترى
وخاصة ان السيارة صاحبها معاه توكيل والرخصة مش باسمه
وعلى حسب كلامة بيقول انه بيجهز نفسة للهجرة الى ايطاليا
يعنى لو حصل اى تاتش مش هعرف اتصرف

- الف شكر ليكم على النصيحة والدعم بالراى والخبرة