استشارق قانونية عاجلة

**egyptawy2010** · 31-07-2015 08:57 PM

ياجماعة دلوقتى انا معروض على شقة صاحبها اشتراها من شركة

كان دافع فيها مثلا 100 الف وانا هاشتريها ب 300 الف

دلوقتى هاروح اكتب عقد التنازل فى الشركة والعقد هيكتب فى 100 الف بس

صاحبها مش عايز يكتبلى عقد ب 300 بيقولى ما ينفعش يبقى فيه عقدين تقريبا خايف من الضرايب

كل الى هيعمله انه هيجى معاى الشركة ويتنازل عن الشقة والشركة تكتب معاى عقد جديد فيه تمن الشقة وهو التمن القديم؟

انا رفضت لكن صاحب الشقة بيقولى اقصى حاجة ممكن تجيبلى شيك بتمن الشقة واكتبلك عليه ان استلمته الشيك نظير قيمة الشقة

ايه رايكم ؟

**مُصْطٓفٓى** · 31-07-2015 09:09 PM

http://www.nilemotors.net/Nile/447748-a.html

او ابعت رسالة خاصة للأستاذ يوسف صاحب الموضوع

**medo_31** · 31-07-2015 09:31 PM

ممكن تكتب ورقة منفصلة عن العقد بينك وبين صاحب الشقة توضح فيها ان التمن الحقيقي مبلغ كذا وتخليه يوقع عليها ولو فيه شهود يبقى افضل وتوضح في الورقة تفاصيل الشقة وانك اشترتها منه بمبلغ 300 الف ويوقعلك على صورة الشيك كمان باستلام المبلغ

**Yousef Fadl** · 02-08-2015 12:41 AM

المشاركة الأصلية كتبت بواسطة مُصْطٓفٓى

http://www.nilemotors.net/nile/447748-a.html

او ابعت رسالة خاصة للأستاذ يوسف صاحب الموضوع

هناك ما يسمي في القانون المدني بورقه الضد وهي عباره عن اقرار من صاحب الشقه بان الثمن الحقيقي هو ٣٠٠ الف وليس ١٠٠ الف وان العقد الوارد به المبلغ هو عقد صحيح ماعدا الثمن وهذا حمايه لحضرتك لانه اذا رغب في العوده في وقعه البيع او ظهر عيب من العيوب التي تفيد البيع يجوز لحضرتك فسخ العقد مع استرداد المبلغ الحقيقي وشكرا لسيادتكم علي هذه الثقه

**حسني منصور** · 02-08-2015 01:40 AM

شوف الشركة ليس لها أي دور في شرائك للشقة كل ما عليك انك تكتب عقد بينك وبين صاحب الشقة وتوضح فيه تسلسل الملكية وانه اشتراها بالتقسيط من الشركة وما تم دفعه هو مبلغ 100000 جنيه وستكون انت محله في تنفيذ العقد الأصلي للشقة .
لكن ما تقوله انه سيتنازل لك امام الشركة المالكة هذا كلام لا يجوز ما سيحدث أنه لابد ان يتم في عقد منفصل بالسعر الأصلي من ثلاث أطراف طرف الشركة وطرف البائع وطرف المشتري
غير كدة يبقي نصب ........ وبالتوفيق