مشكلة حساس الكرنك

**mhopa2440** · 08-08-2015 12:02 PM

عارف ان عربيتي مش دايو بس كلهم زي بعض والتفاعل بصراحة هنا اكتر بنسبة كبير

المشكلة
عربيتي كيا سبكترا اوتو

جت اشغلها مرة مشتغلتش الموتور يلف ومتشتغلش
دورت ف الفيوزات وبعض فيش الحساسات اشتغلت لما فيك فيشة حساس الكرنك وركبتها تاني

اتكرر الموضوع كتير كل يومين تلاتة ومرات مرتين ف اليوم ولازم افك الفيشة او افك الحساس واركبه تشتغل من اول مرة

طبعا الحل تغيير الحساس تم بالفعل المفأجأة ان الحساس الجدي بعد شهر او شهر ونص عمل زي اللي فات

لازم افك الحساس وامسحه بمنديل او ارش Wd40 على طمبورة الحديد ويتشغل بعدها من اول مرة وساعات يفضل يومين تلاتة تمام وساعات يفصل فاليوم مرتين

السبب مجنني مش عارف ايه العيب حساس ولا كهرباء ولا تراب بيدخل ارجو الافادة واسف على الإطالة

**hilal** · 08-08-2015 12:32 PM

احتمال يكون الحساس سليم ولكن الفيشة بتعلق
كذلك لابد من تنظيف مكان تركيب الحساس ، لأن المسافة بين طرف الحساس وأسنان ترس الـ (flyweel) تقاس بأقل من المليمتر (حوالي 0.7 من المليمتر تقريبا) ، وبالتالي أي رواسب في مكان تركيب الحساس قد تجعل هذه المسافة أكبر من اللازم مما يؤدي إلى عدم الانتظام في عمل الحساس ، مرة يشتغل ومرة لا
تحياتي

**mhopa2440** · 08-08-2015 01:15 PM

شكرا جدا على الرد والاهتمام

اولا الفيشة بنسبة كبيرة سليمة نظفتها اكتر من مرة وراجعت عليها وحتى لو بتعلق مجرد ماحركها يتشغل بس الموضوع لأ

اما بالنسبة للمسافة احل الحوار دا ازاي وازاي اعرف انه في فرق ف المسافة لو تقدر تساعدني

**hilal** · 08-08-2015 01:55 PM

المشاركة الأصلية كتبت بواسطة mhopa2440

شكرا جدا على الرد والاهتمام

اولا الفيشة بنسبة كبيرة سليمة نظفتها اكتر من مرة وراجعت عليها وحتى لو بتعلق مجرد ماحركها يتشغل بس الموضوع لأ

اما بالنسبة للمسافة احل الحوار دا ازاي وازاي اعرف انه في فرق ف المسافة لو تقدر تساعدني

الحل بسيط جدا إن شاء الله بشرط أن يكون الحساس أصلي
بعد تنظيف الحساس وتنظيف مكانه جيدا ، قم بصنفرة خفيفة مكان ربط الحساس في جسم الموتور
ثم صنفرة ذراع (أو ذراعي) الحساس نفسه لإزالة أي رواسب أو صدأ
وإن شاء الله ستجد الحساس القديم والجديد شغالين
تحياتي

**mhopa2440** · 09-08-2015 02:39 AM

شكرا جدا على ردك واهتمامك

انا فعلا عملت كدا فكيت الحساس وسنفرة مكانة كويس وسنفرة بادي الحساس الفيبر نفسه بحيث قللت المسافة يمكني ملي او اتنين

وربنا يسهل ويكون هو دا السبب

وشكرا تاني على فكرة المسافة بين الحساس والترس

**eisaa100** · 10-08-2015 11:29 AM

اتأكد من الضفيره ممكن السلك اللى خارج من الفيشه يكون متخمر
كان عند طلمبه البنزين بتفصل وصلتها كابل مباشر من البطاريه كله بقى تمام لان المشكله كانت ف الضفيره
لاحظ انك بمجرد الفك والتركيب يزول العطل أو لو هزيت الفيشة دا عيب وصلات مش حساسات

**makarther** · 18-08-2015 03:48 AM

المشاركة الأصلية كتبت بواسطة mhopa2440

عارف ان عربيتي مش دايو بس كلهم زي بعض والتفاعل بصراحة هنا اكتر بنسبة كبير

المشكلة
عربيتي كيا سبكترا اوتو

جت اشغلها مرة مشتغلتش الموتور يلف ومتشتغلش
دورت ف الفيوزات وبعض فيش الحساسات اشتغلت لما فيك فيشة حساس الكرنك وركبتها تاني

اتكرر الموضوع كتير كل يومين تلاتة ومرات مرتين ف اليوم ولازم افك الفيشة او افك الحساس واركبه تشتغل من اول مرة

طبعا الحل تغيير الحساس تم بالفعل المفأجأة ان الحساس الجدي بعد شهر او شهر ونص عمل زي اللي فات

لازم افك الحساس وامسحه بمنديل او ارش wd40 على طمبورة الحديد ويتشغل بعدها من اول مرة وساعات يفضل يومين تلاتة تمام وساعات يفصل فاليوم مرتين

السبب مجنني مش عارف ايه العيب حساس ولا كهرباء ولا تراب بيدخل ارجو الافادة واسف على الإطالة

روح الصيانة فى التوكيل أو حد عنده كمبيوتر خاص بعربيتك يتم ضبط البراميترز و الستيبر موتورز بيتم توصيل كمبيوتر العربية بكمبيوتر مركز الخدمة بيضبط الكمبيوتر تانى بتاع عربيتك زى ريسيت لكمبيوتر المنزل أنا لفيت بعربيتى لفة كبيرة و غيرت حساس الكامة و حساس الكرنك و رجعتهم و بعد لف و دوران وصلت للموضوع ده أخدت منى كذا شهر خد بالك الموضوع ضبط كمبيوتر و ابقى طمنى عربيتى بيجو 405 إنجكشن:b4_556:

**rana30** · 17-10-2018 01:14 AM

لو.سمحت فين أماكن بيع الحساس بتاع الكرنك بتاع الكيا سبكترا

الموضوع: مشكلة حساس الكرنك

LinkBack

أدوات الموضوع

عرض

مشكلة حساس الكرنك - انشر الموضوع فى :

-

-

-

-

المواضيع المتشابهه

حساس الكرنك

مشكلة في حساس الكرنك كليو 2001

مشكلة مع حساس الكرنك وجوان غطاء التاكيهات

حساس الكرنك؟؟؟؟

انا عندى مشكلة مع حساس الهواء و حساس الكرنك

الكلمات الدلالية لهذا الموضوع

المفضلات

المفضلات

ضوابط المشاركة