برجاء كل ملاك الليجانزا

**do0om** · 06-10-2015 07:43 PM

انا عندي دايو ليجانزا 2002 عادي مش اوتو
بصراحه العربيه عجباني جدا لدرجه انه الي فيها مكسب ومردتش ابيعها لاني احترت في اللي هشتريه مكانها ايه استهلاك البنزين متهيألي مش بطال هي كانت اعلي مره 700 كيلو بنزين 91 داخل وخارج المدينه والمكيف بتاعها جميل لو العربيه نظيفه مش هتفرق معاك لما تشغل المكيف حتي في صوت العربيه قطع غيارها مقدرش افيدك فيها لاني في السعوديه والقطع هنا زفت الزفت خصوصا للدايو بوجه عام واي موديلات اقدم من 2010 ومن باب العلم بالشيء السياره اللي معايا دي اقصي سرعه مشيت بيها 210 وكانت راسية لو في حاجه تحب تسأل عنها انا تحت امرك راسلني بس نسيت اقولك كماليتها من جوه ارخم حاجه فيها مفيش اماكن كتير للاكواب هو 2مكان للاكواب بس والباب مفيش فيه مجال انك تحط فيه ازازه مياه او عصير وشكرا

**tarek zedan** · 15-11-2015 04:27 AM

من اجمل ما انتجت دايو فعلا وبدور على واحدة

**mohnsar** · 25-11-2015 12:31 AM

انا امتلاكها من 7 سنين أوتو هتحس انك راكب حاجه محترمه في كل شئ المشكله الوحيده فيها الفتيس غيرت 4 لحد دلوقتي والخامس بغيره انهارده عند الميكانيكي وطلع بايظ وهرجعوا قطع الغيار متوفره بالكامل بس عند ناس ناس نصيحتي أما مانيوال سواء هي أو النوبيرا أو بلاش وللعلم في نوبيرا أوتو فتيس كهربا انصحك بيها

**AHMED REFAT** · 29-11-2015 02:03 AM

انا كنت محتار حيرتك وعقدت العزم وتوكلت علي الله وجبتها.. وربنا رزقني بعربية فابريكة بره وجوه بالكامل حتي الاكصدامات وكيلو متر مش عالي وكل حاجة فيها تمام.. انا اخدتها غالية بس بصراحة العربية نظيفة وما استخسرتش فيها..
بعد ركوبي لها.. اقدر اقولك
عربية محترمة بكل المقاييس.. اتزان وتسارع ووسع صالون وراحة ونعومة عفشه.. تابلوه حلو وشيك.. العربية في المجمل ممتازة وقيمتها لا تساوي سعرها ابدا واللي ظالمها انها 2000 سي سي.. قطع غيار موجودة ومتوفرة ومافيش حاجة ناقصة واسعارها حلوة كمان بس ناس معينة اللي بتشتغل فيها.. لكنها موجودة.. زيرو واستيراد في الحرفيين.. طقم تيل امامي وخلفي كوري 200 ج.. قاعدة الموتور الزيت ١٦٠ ج وقواعد القنطرة الواحدة ب ٨٠ ج فلتر بنزين ب ٣٠ ج بارات علبة الدريكسيون ب ٢٥٠ ج الطقم.. جلب مقصات ب ١٦٠ ج.. وموجود في ش زكي عند كذا واحد واشهرهم ابراهيم البنا واسعاره حلوة.. لو ربنا اكرمك بحالة حلوة وباكد بحالة حلوة وهاتلاقي منها لان اللي راكبها ناس كبار مش شباب وبيحافظوا عليها.. خدها وبدون تردد واكيد هاتعجبك قوي ان شاء الله

**cayman69300** · 17-12-2015 02:12 AM

بسم الله الرحمن الرحيم
الليجانزا
مشتريها من سنة و نص و لكن مركبتهاش كتير لان معايا عربية تانية لوسط البلد و لما باسافر بسافر بالقطارات
كانت عاملة 89000 كم و دلوقتى 94000 تقريبا يعنى 5000 كم فى سنة و نص
موديل 1999 راشة جنبين فقط و اللون ابيض
ندخل بقة على العربية
روعه بسم الله ما شاء الله - حسيت بقيمتها بعد الاوبل اللى كانت معايا و اللى قعدت ست سنين و مكنتش شايف زى الاوبل
الليجانزا
تكييف روعة بمعنى الكلمة - كماليات ملهاش حل من سنتر و بور خفيف جدا جدا جدا و صالون و شياكة
معدل البنزين 200 فى الصفيحة على الطوالى - فى الملفات كويسة جدا جدا جدا لغاية 150 او 160 كمان
مبتحسش بمطبات الهواء خالص - كاوتش الاستوك اللى بتنزل بية جنط 15 و عرض 205
قطع غيارها ممكن اقل من النوبيرا او اللانوس - لكن اسعارها عادى جدا
مثلا
قربة مية بتاع النوبيرا بتركب عليها بتعمل 85 جنية
السيور ركب بتاعة الاوبل حتى بلى الكاتينة
تيل الفرامل الامامى بتاع الدايو بـ 90 جنية Hi Q
جوز فوانيس امامى استيراد 400:500 و الفوانيس فيها عدسات
مفتاح النور استيراد 120 جنية
فلتر التكيف 85 جديد
جنبين ( المساعدين كاملين بالبطاحات بالليات كاملين على التركيب و نمرة واحد ) 800 جنية اول كلمة
جوز فوانيس ورا استيراد فى بورسعيد زميلى كان هيشتريهم ليا حالتهم زيرو بـ 150 جنية
جوز فوانيس شبورة جديد بس صينى بـ 110 جنية
جوان غطا التاكيهات 45 جنية
الفلاتر عادى السعر المتداول الزيت 25 جنية و البنزين 45 جنية
الخلاصة توكل على الله
هتعجبك جدا
اه قبل ما انسى الموتور استيراد على تجربة 3500 جنية و الفتيس 1500 جنية و وش السلندر بـ 700 جنية
انا باحب اسال على كل التفاصيل
و الله الموفق

**رامي مصطفى** · 20-01-2016 10:01 PM

نفسي في واحده والله بس رأيكوم هيا احسن ولا ذي الاخ ما قال الاسبرانزا 620 احسن انا شايف ميزة الاسبرانزا
1-احدث ع الاقل 7 سنين
2-تابلوه اشيك ولونه البيج جميل
3-فتيس استبترونك
4-صالون مركب
5-فتحة سقف
افيدوني ربنا يباركلم ناوي ع واحده من الاثنين وهل فيه حاجه ثانيه نفس الفئه؟

**tasaka** · 20-01-2016 11:41 PM

المشاركة الأصلية كتبت بواسطة رامي مصطفى

نفسي في واحده والله بس رأيكوم هيا احسن ولا ذي الاخ ما قال الاسبرانزا 620 احسن انا شايف ميزة الاسبرانزا
1-احدث ع الاقل 7 سنين
2-تابلوه اشيك ولونه البيج جميل
3-فتيس استبترونك
4-صالون مركب
5-فتحة سقف
افيدوني ربنا يباركلم ناوي ع واحده من الاثنين وهل فيه حاجه ثانيه نفس الفئه؟

فيه .. بريليانس جالينا .. احذر منها .. و اقرأ ردى فى رابط الموضوع ده .. علشان تعرف السبب " القاتل "

مطلوب بريليانس جالينا

دايو ليجانزا هى نسخه سابقه ( V 1 ) .. تلتها نسخه اسمها دايو ماجنوس ( V 2 ) اعتقد بتباع فى اوروبا

الدايو ماجنوس هى تقريبا ال 620 .. تطابق كامل من الداخل .. بالنسبه للموتور موش متأكد بس اعتقد انه موتور جالنت برضه زى ال 620

انا لسه جديد فى الصينى .. و علشان كده كان اساس عندى الكيلومتر القليل هو شرط شراء سياره صينى

و بالتالى موش حاقدر افيدك فى اعطالها على الكيلو متر العالى

لو انت عايز تعرف اكثر عن ال 620 .. اذهب لهذا الرابط

كل شئ عن 620