الموضوع: هل يوجد علاج مؤقت للدخان الابيض من المكنة الخفيفة؟

يجيب زيت ليكوي مولي 15 50 mos2 وده زيت موتور لزوجة عالية بيمشي 10000 كم بس طبعا ممكن ينزل منه علي 5000 كم ويكون جاب اخره بس مع كل غيار المفروض مدي الكيلومتر يزيد وهو يتابع علي فترات متقاربة مستوي الزيت ،والزيت ده فيه اضافة ترميم شمبر الزيت....ويجيب معاه سيراتك من ليكوي مولي..وميضغطش عالمكنة في المشي يعني ميعليش ال rpm عن 2.5 ويشيك علي جلد الصباب يكون محتاج يتغير....ويركب بوجيهات كويسة للمكنة وتكون بتاعته الموتور بتاعها ويقدر يعرفها عن طريق موقع ngk للبوجيهات

طبعا يهتم بمستوي زيت الموتور ميعلاش معاه يعني العربية لو بتاخد 3 لتر يحط 2.5 لتر والسيراتك 500 مللي يبقي كده ٣ لتر الزيت ده مش عند كل الموزعين ،فيه صفحة عالفيس اسمها xpress shop liqui moly عندهم الزيت ده

الف شكر علي النصائح الغالية
و هل السيراتك ينفع مع الماتور دة ولا حيكون تاثيره ضعيف ؟
وهل لو استخدم السيراتك مع زيت شل (تقيل)
يادي الغرض ولا ليكوي مولي فيه ميزة

ويا ريت لو فيه اقتراحات او تجارب اخري وجزاكم الله خير

هو المفروض هو يتابع ويقيس الزيت كل غيار والمفروض لو فيه تحسن بدل مالزيت يتحرق وينقص عند 5000 كم ينقص الغيار الجديد عند 6000 كم مثلا...بص هو ممكن يحط الزيت من غير اضافة لانه جواه اضافة mos2 بس انا قلت يجرب واكيد مش كل موتور ينفع معاه انا نفع مع مكنتي وكانت استيراد...بص هو انت بتحاول تلصم المكنة ممكن يكون فيه تصليح خفيف والموتور يظبط معاك 3 سنين كمان كويس مش وحش...اهم شيء يشوف المكنة محتاجة ايه ويعمله يعني متكونش بتسخن مثلا هتبوظ كل اللي بنعمله ويا سلام لو بيحط مياه ملونة تخلي المكنة متسخنش خالص طال(درجة غليانها 120 عكس مياه الحنفية + مممفيهاش املاح وبتشحم طرمبة المياه)ا مبتنقصش المياه يبقي ده استثمار في محله