استفسار محيرنى عن اكسنت 1500 cc والسحب

**Ahmed_Hegazy66** · 13-09-2015 09:41 PM

السلام عليكم و حمة الله وبركاته
انا معايا هيوندى اكسنت 99 خليجى 1500 cc كنت عايز استفسر من حضرتكم عن سحب العربيه و ال RPM لأن فى ميكانيكى بيقولى ان العربيه عايزة اسطوانه و ديسك وميكانيكى تانى يقولى مش عايزة بس انا ساعات بحس ان العربيه مخنوق وسحبها بطئ و ساعات احس انها بتجرى مش عارف ايه السبب وهى على سرعة 100 ال RPM بيبقا معدى 3000 بحاجه بسيطه هل دا طبيعى ولا ايه يا ريت تفيدونى ضرورى بدل ماغرم تمن اسوانه و ديسك على الفاضى يعنى يا ريت حضرتكم تفيدونى علما ان العربيه بتوصل سرعتها 140 كم على الطرق السريعه لكن السحب من 100 كيلو ل 140 بياخد وقت شويه يمكن دقيقتين عايز اعرف كدا طبيعى ولا ايه و سبب خنقة العربيه ايه ؟؟ارجو الرد من حضرتكم ونأسف على التطويل و علما بانى وقفت مره على كبرى عالى و اديت للعربيه الاول ومشيت عادى

**A7medelfe2y** · 13-09-2015 10:29 PM

انا مجربتش 1500 بس جربت 1300 لوحدي بدون تكييف وكان السحب بتاعها مرضي لحد كبير ومحستش انها اقل من الافيو الي معايا

**Ahmed_Hegazy66** · 14-09-2015 02:10 AM

شكرا لأهتمام حضرتك لكن وانا لوحدى فى العربيه بيبقا سحبها افصل لكن هى بحالات ممكن ساعات شويه الاقي العربيه زى المجنونه لما بدوس على الدواسه بتجرى وساعات الاقى سحبها اقل شويه مش عارف دى ممكن تكون من البوجيهات ولا ايه !!

**A7medelfe2y** · 14-09-2015 03:43 AM

كدا حضرتك محتاج تراجع علي كل حاجه من فلاتر وشمعات احتراق ودوره بنزين بالكامل وتتامد من الديسك والاسطوانه وميكانيكي شاطر وامين هو الي يحددلك اذا كانت محتاجه ولا لاءودي بتحس بيها في المطالع والكباري او لما تكون العربيه بتتحرك من الصفر او لو محمله وان شاء الله توصل للسبب وتعالجه