كورولا ولا كيا ceed هاي لاين

**Hfawzy** · 15-09-2015 08:52 PM

سلامو عليكم
حيرة مابعدها حيرة بقالي فيها اكتر من شهرين ...
بعد 7 سنين مع هيونداي ومعاناة العفشة الناشفة محتار بين الكورولا والكيا ceed
طبعا كله هيقول مفيش وجه مقارنة بس الكيا ceed على ماسمعت عربية محترمة جدا والموتور 130 هورس باور والاوبشنز ممتازة وانا من زمان مفسي في عربية هاتش باك
ولا الكورولا تاني فئة
افيدونا يا اهل الخبرة ؟!!!!!!!

**mohaismail** · 15-09-2015 09:05 PM

معلش بس لازم اقولك مفيش وجه مقارنة
اكيد كورولا
لو عاوز هاتشباك في نيسان تيدا او رينو ميجان بلاى او سيتروين سى4 او سيات ليون او اوبل استرا هاتشباك

**devil_storm** · 15-09-2015 09:29 PM

مفيش وجه مقارنه اذاي يعني! انا جربت الكرولا و السيراتو الهاي لاين و بامانه السيراتو سواقتها ممتعه اكتر و انتريور و تصميم اشيك، و بصراحه الكرولا قفلت منها بعد ما جربتها مفهاش اي متعه خالص، ممكن الكرولا تتفوق في الاعتماديه و انها ياباني و فعلا مازال جوده الياباني اعلي من الكوري حقيقه لا يمكن انكارها، و الدليل اصوات الالنترا اللي معايا و المشاكل اللي قابلتني بالرغم انها مكملتش ٤٠ الف كم

**midostarmody** · 15-09-2015 11:32 PM

يا اخى انا ممكن اقولك نصيحة انزل بنفسك التوكيل او المعرض وانت هتشوف احسن عربية ليك لو انا مكانك اكيييييييييييييد سييييييييييييييد معلش بدون ما افكر واعمل تست درايف لان الكورولا الجديدة تقرف بصراحة من حيث الشكل والداخلية ومعلش هيا ازواق بالنسبة للثبات والامان انا عايز اقولك ان الدول الاوربية مش هتنزل اي عربية فى بلادها تعرف لية عشان هما بيخافو على الامان والسلامة جدا والعربية دى ثابتة بشكل وهمى على 180 وعلى السرعة برحتك بس مش قوى ههههههههههههه ومعلومة تانية كيا سيراتو بتنزل بره مصر ب 6 اير باج وانظمة امن اعلى كتير من الموجودة فى مصر ونظام اوتو باركينج بس انا اول مرة اشوف عربية كورية بالمواصفات الاوربية ودى حاجة ثقة متخوفش وبالمناسبة ااى مفيش مقارنة ااى يعنى كل العالم بيقارن السيراتو بالكورولا وناس كتيييييييير قالت سيراتو احسن اعمل تست درايف للسيد وخد سيارة الكورولا اى حد من الزملاء لديك وجرب متخليش حد يقولك يابانى والمانى وكورى انا زهقت من الكلام ده اركب الممتع ليك والى شايف فيه نفسك العربية بتعكس شخصيتك والتكنولوجيا والصناعة متعرفش حاجة اسمها انتى صناعتك اية اسمها انا اعلى منك فى حاجات كتييير بس محدش عايز يقتنع وشكرا

**hesham fawzy h** · 16-09-2015 05:10 AM

عفشة الكيا ناشفة .. بعكس التويوتا ناعمة جدا

و بعدين اسمع ان السيد واطية ومش مصفحة من تحت

**devil_storm** · 16-09-2015 06:12 AM

المشاركة الأصلية كتبت بواسطة hesham fawzy h

عفشة الكيا ناشفة .. بعكس التويوتا ناعمة جدا

و بعدين اسمع ان السيد واطية ومش مصفحة من تحت

مختلف معاك، عفشه الكيا سيراتو الجديده انعم من عفشه الكرولا الجديده و مش بس العفشه كمان الباور و الفتيس اجمل و انعم في السيراتو انا مجرب الاتنين كويس جدا

**4fun14** · 16-09-2015 09:29 AM

السيد جذابة جدا بس فعلا انها مش مصفحه من تحت مع العلو الضعيف مشكله جامده
كونك اشتكيت من الالنترا 2012 يباه خلاص باه بلاش كورى..كورولا يا باشا

**hesham fawzy h** · 16-09-2015 02:55 PM

المشاركة الأصلية كتبت بواسطة devil_storm

مختلف معاك، عفشه الكيا سيراتو الجديده انعم من عفشه الكرولا الجديده و مش بس العفشه كمان الباور و الفتيس اجمل و انعم في السيراتو انا مجرب الاتنين كويس جدا

شكرا على المعلومة

طيب و بالنسبة لعفشة السييد و الكارنز ؟

**devil_storm** · 16-09-2015 04:32 PM

المشاركة الأصلية كتبت بواسطة hesham fawzy h

شكرا على المعلومة

طيب و بالنسبة لعفشة السييد و الكارنز ؟

للاسف مجربتهمش و معرفش عنهم حاجه و معرفش عفشه السييد ذي السيراتو ولا مختلفه
و للامانه الكرولا اللي جربتها كانت خليجي لما كنت في زياره لقطر و هي مختلفه شويه عن المصري و كنت ساعتها ماجر السيفك ٢٠١٥ و بدلتها بالكرولا ٢٠١٥ علشان ارخص ١٠ ريال في اليوم بامانه مقدرتش استحملها اكتر من ٣ ايام و روحت رجعتها للمعرض و خدت السيفك تاني، و من ساعتها قفلت من الكرولا ... بعكس تجربتي مع السيراتو كانت ايجابيه و استمتعت بيها، الفتيس نقلاته ناعمه جدا و العفشه مش ناعمه ولا ناشفه بس افضل من عفشه الكرولا و الباور الفليكس ستير فيها ممتع جدا و غير الاوبشن و الدلع اللي كان فيها

بس برده حفكرك ان الياباني افضل من الكوري في الاعتماديه و القرار الاخير ليك