بيجو 508 أم أوبل إنسيجنيا

**Internalspirit** · 12-10-2015 05:49 PM

بعد ارتفاع الاسعار الهلامي لمعظم العربيات في مصر ومن ضمنهم الاوكتافيا a7
قررت بعد ما استعملتها سنة اني ابيع الاوكتافيا a7 ثاني فئة واجيب حاجة من الاثنين:
بيجو 508 أو اوبل انسيجنيا
بصراحة انا شوفت الاثنين من جوة واتوهمت من الاثنين ومش فاهم علي اساس ايه ومن الاهبل اللي فكر الفكر ده انه يغلي الاوكتافيا ويدخلها مع فئة اكبر منها ومش بس كده لأ ده وصل سعرها لعربيات لو نفخت جنبها هطيرها زي البي أم دبليو والمرسيدس
المهم ده مش موضوعنا
دلوقتي انا محتار بين البيجو والإنسيجنيا ومسوقتش الاثنين بس في ناس كتير بتشكر في الانسيجنيا وناس اكتر بتشكر البيجو، بس اللي معظم الناس متفقين عليه ان توكيل اوبل اوحش من توكيل بيجو ودي أول نقطة تخصم من اوبل وتضاف لصالح بيجو
انا طبعاً بتكلم عن ثاني فئة في الاثنين ياعني 275،000
افيدوني ارجوكم
شكراً

**ali ashraf** · 12-10-2015 07:34 PM

انا عملت تقرير عن اول 1000 كم بالبيجو 508 من حوالى اسبوعين .. . ما شاء الله حقيقى تحفة ممتازة موتور ب 168 حصان و سحب و تسارع جبار و استعملت مود السبورت مرة واحدة لانى مكنتش ملاحق سرعة و سحب العربية (عاوزة شباب) صالون واسع و انيق ... المشكلة انى شارى الفئة الاولى من غير سينسور لكن الحمدلله بيركب فى التوكيل ب2200 ج بالنسبة لخدمة ما بعد البيع لحد دلوقت كويسة جدا لانى للاسف عندى مراية شمال اتكسرت و العربية مركونة وزعلت و قلت اكيد مفيش مراية لسه موديل 2016 فيس لفت اكيد غير متوفرة و اتصلت بخدمة العملاء بيجو وطلب الفين نمبر و بعد ساعة تقريبا ردوا على المراية موجودة فى فرع غمرة و ابورواش و... وجهزين يركبوها العيب الوحيد ( واعتقد مش عيب قوى) المراية بتبقى شفافة و تدهن حسب لون العربية و تستلمها تانى يوم ... اخيرا ماشية ببنزين 92 زى الفل , اتوكل على الله وهات الاسد بيجو 508 ومش هتندم ان شاء الله