ايوا بقا.. الله يطمنك.. اخبار كويسة جدا جدا.. بالتوفيق و ان شاءالله مايقابلكوش مشاكل تاني من اي نوع
و فعلا حتي الاسترا من 2015 مبقاش فيها الشكاوى المعتادة القديمه و مع صديق ليا و ماشي ب 92 و الدنيا لطيفه..
رقم العضوية : 151768
تاريخ التسجيل : 16Nov2013
المشاركات : 432
النوع : ذكر
الاقامة : Ismailia
السيارة: Picanto وراحت لصاحب نصيبها
السيارة[2]: Opel Insignia TL
الحالة :
السلام عليكم أهل وسكان منتدى نايل موتورز عامة.....وحبايبى من رواد قسم الأوبل خاصة
بقالى فتره طويييييييله غايب ومنقطع عن المنتدى وافتقدت كل الناس المحترمه اللى اتعرفت عليها هنا واللى كانت سبب كبير فى تكوين قرارى لإنضمامى لعائله الأوبلاويه واللى تم بشرائى لأوبل إنسيجنيا توب لاين 2014
وبصفتى أحد ملاك هذه العربيه المثيره للجدل لأقصى الحدود ولمده لا تعتبر بالقليله...حابب أوصلكم رساله مهمه منها لكل متابعى ومحبى الاوبل والانسيجنيا تحديدا ....
********* ************* ***************
جمهور الأوبل الحبيب
تحيه طيبه وبعد..
لا أخفيكم سرا كم من الحسره والحزن والنكد والصدمه أخفيهم داخل موتورى من رد فعل السوق المصرى وحالته قبل نزولى وتشريفى لأرض الوطن تزامنا مع اعلان وصولى ولأول مره لأنضم للأسطول الأوبلاوى بمصر....ومع بدايه انتشار اول عربيه من سلالتى تمشى فى شوارعكم وتبدأ عيونكم فى الانبهار لرؤيتى انطلق وسط باقى العربيات اللى اعتادتم عليها وعلى رؤيتها....!!!
خلونا نتفق فى البدايه ان كتر الكلام سواء بالايجاب او بالسلب وتعدد واختلاف وجهات النظر والاراء حول اى شيء...هو نجاح فعلى وحقيقى للشيء ده..لأن مفيش شيء فاشل حيكثر الكلام حواليه..
تانى نقطه...انا زيي زى أى عربيه على كوكب الارض اللى صنعها بشر مش إله ولا ملاك والبشر بيغلطوا يبقى بالتالى انا مش عربيه كامله لأن الكمال لله حال كل العربيات التانيه
تالت نقطه وأهم نقطه... عجيب أمركم أيها المصريون...
أى كلام يتقال بدون حتى التأكد كالبغبغانات ترددون.....وحتى بدون التفكير فى منطقيته من وقتكم لا تضيعون
أفلا تعقلون !!!! مهو يا انتوا اللى صح يا أنا اللى مجنون
ندخل فى المهم... بدايه نزولى السوق المصرى كان ديسمبر 2013 وبدأ الناس تتعافت على رؤيتى والاستفسار عن امكانياتى ومواصفاتى واسعارى...
وكان واجب التوضيح للناس المقبله على الشراء انهم يعرفوا الانسيجنيا تصنف فى اى فئه ومين هما منافسينها....
تصنف الانسيجنيا على انها Large Family Car .... ومعاها فى نفس الفئه بيجو 508....اسكودا سوبيرب....باسات....فولفو S60 وال BMW 320
من حيث السعر الانسيجنيا اقلهم سعرا واعلاهم مواصفات وتجهيزات
مع بدأ انتشار العربيه بدأ يظهر بعض المشاكل مع ملاك الدفعات الاولى وهى
1- مشكله الموتور
وهو انه مع استخدام بنزين 92 كانت العربيه بترجرج وتظهر علامه الصيانه فى التابلوه ولما كانت العربيه بتروح التوكيل كان بيتم تشخيص الحاله على انه بنزين مخلوط بمواد اخرى أدى لتكسير فى البوجيهات واللى كانت بتسبب عطل فى الموتور يستدعى تغييره...
تكررت الحاله مره و 2 و 3 وبدأ الملاك فى القلق والشكوى ...
بدأ التوكيل ياخد خطوات من ناحيته لحل المشكله بعمل Recall لتحديث السوفتوير وتركيب بوجيهات معدله champion وبالتالى بدأت نسبه المشاكل تقل تدريجى وأن لم تختفى...وبعد فتره تم تركيب بوجيهات اقوى واحسن من نوع NJK واللى قللت نسبه حدوث ال Engine failer بنسبه كبيره جدا وان لم يكن برده اقدر اقول قضت عليها تماما.....
ومن ناحيه اخرى بدأت جروبات الفيسبوك عملها بالضغط نوعا ما على التوكيل لحل المشكله بشكل اكبر...وبمنتهى الحياديه والواقعيه بدأ التوكيل بتعويض المتضررين بتغيير العربيات من ناحيه..او بتعويضهم ماديا باسترداد مبالغهم...او بتغيير الموتور....وده كان فى نفس الوقت بالظبط اللى كان ملاك المرسيدس والفولفو بيصوتوا ويلطموا لان كان عندهم نفس المشكله والتوكيل قالهم كان على عينى يا لمبى !!!
عدد كبير جدا من ملاك الغول 2014 وانا اولهم ماشيين ببنزين 92 بس من بنزينات مضمونه والعربيه فى منتهى القوه والاحترام ومفيش ادنى مشكله الحمدلله
تم تدارك الموقف تماما فى موديلات 2015 بتعديل فى ال Hardware & Software للموتور الجديد بتقليل نسبه انضغاطه لتصبح 9:5:1 بدلا من 10:5:1 وبالتالى بقت تمشى ببنزين 92 دون ذره قلق ولم تسجل اى حاله حتى الان فيها مشكله
2- مشكله صفاره التيل الخلفى
عدد كبير من الملاك كان بيشتكى من صوت صفاره مزعج فى التيل الخلفى وبعد مراجعه التوكيل تم اكتشاف السبب وهو سوسته فى التيل الخلفى بتؤدى للصفاره وتم تغيير التيل لكل الملاك على حساب الضمان وتم القضاء نهائى على المشكله دى..
3- مشكله الطنابير
اشتكى عدد مش قليل من الملاك من وجود ريجه بالطنابير واللى سببها رداءة التيل الامامى وعلى الرغم من ان الطنابير قطعه استهلاكيه لا يشملها الضمان..تم تغيير كل الطنابير اللى فيها مشكله لكل الملاك وفيه ناس اتغيرتلهم مرتين كمان على حساب الضمان مع تأكيد من مهندسى التوكيل انه قريبا جدا حيتم حل المشكله دى بشكل جذرى
4- مشكله ظهور بعض الاصوات الخفيفه فى الجانب الايمن الخلفى
كانت حالات فرديه من الملاك بوجود صوت دبدبه بسيط اوى فى العربيه من ورا وبعد صولات وجولات تم حل المشكله دى نهائى...
ال 4 مشاكل دول هما اللى الناس كانت بتنام وتصحى تحكى وتتحاكى فيها وبدأوا فى حملات تقطيع وتشويه سمعه العربيه وكعاده المصريين اللى بيحبوا الزيطه كله بدأ يردد ان الانسيجنيا عربيه فاشله وبتجيب مواتير وفيها العبر...عشان تتباع بسعر بخس ويركبوا عربيه مكنوش يحلموا بيها بالسعر ده
** عربيه خدت Car of the year 2009 فى اوروبا متفوقه على عربيات عتيده ...هنا فى مصر يقولك عربيه فاشله !!!
**عربيه دخلت منافسات ومقارنات عديده مع البى ام والمرسيدس وتفوقت فى بعض الاحيان وفى بعض النقاط ويقولك عربيه فاشله !!!
**عربيه حزمه المواصفات والامكانيات والرفاهيات اللى فيها عشان تركبها فى اى موديل تانى مش اقل من 450000 متوفره ومتاحه فى عربيه 100*100 تقفيل المانى ويقولك عربيه فاشله !!
**عربيه عامله اكبر نسبه مبيعات فى فئتها فى فتره محدوده جدا مقارنتا باسماء عريقه بقالها 3 و 4 سنين قبلها ويقولك عربيه فاشله !!
اقولك....كلمه فاشله بتضايقك !! طب افتخر انك راكب عربيه فاشله بالشكل ده
بعض الحقائق المهمه جدا !!
من خلال تقييمى للعربيه والتوكيل على مدار السنه وربع اللى تعاملت مع العربيه والتوكيل
استلام مارس 2014....22000 كم
توكيل منصور تطور جدا وتحسن فى اسلوب معاملته عن ذى قبل..انا بتكلم عن تجربتى الشخصيه معاهم...ناس فى منتهى الاحترام والاحترافيه واخص بالذكر كبير مهندسى الفرع الرئيسى مهندس حازم فكرى المحترم والخدوم لطوب الارض وفريقه المعاون...احمد شحاته...عمرو الشيمى
وفرع رابعه العدويه اللى بدأ يظهر على التراك بوجود مهندس سعد
وضح جليا دور جروبات الفيس بوك القوى والمؤثر جدا فى تحديد كيفيه سياسه التوكيل فى التعامل مع الملاك...لان زى مكان فيه جروبات ساعدت على انتشار العربيه وخدمه وافاده المقبلين على الشراء..وتقديم معلومات بشكل امين وواضح....كان فيه جروبات تانيه كل هدفها ودورها هو الهجوم الكاسح والتقطيع فى التوكيل والعربيه عمال على بطال لاسباب مغرضه وتفرغوا فقط للمصالح الشخصيه
قدرنا كجروب لملاك الاوبل اننا نعقد اجتماع مع السيد لطفى منصور احد ملاك التوكيل والمهندس احمد طه ممثل جى ام فى مصر...والسيد الفرماوى مدير خدمه العملاء بمنصور وكبير مهندسى الفرع الرئيسى حازم فكرى ليتواصلوا معانا ويشوفوا طلباتنا ويقدموا الدعم للملاك ودى خطوه تحسب لهم وكان ليهم السبق فيها عن اى توكيل تانى...
خلاصه الرساله عشان انا رغيت كتير وطولت عليكم....
انا كعربيه كان عندى مشاكل..اه عندى...
المشاكل لقت رد فعل من التوكيل...اه لقت..
المشاكل اتحلت...بنسبه كبيره جدا اتحلت...
بعيد عن المشاكل بقى...بص على كم المنتقدين والمهاجمين على طول الخط للانسيجينا وانت تعرف قيمتك فين وقد ايه العربيه حققت نجاح.....
الانسيجينا عربيه تجبرك على احترامها بمجرد تجربتها ولو لمره واحده فقط
إمضاء
الغول الألمانى
Keep away......From my way...
رقم العضوية : 19375
تاريخ التسجيل : 18Sep2008
المشاركات : 1,842
النوع : ذكر
الاقامة : Nasr City
السيارة: كده رضا :)
السيارة[2]: Opel Vectra 97 1.6 M/T
دراجة بخارية: nope
الحالة :
ايوا بقا.. الله يطمنك.. اخبار كويسة جدا جدا.. بالتوفيق و ان شاءالله مايقابلكوش مشاكل تاني من اي نوع
و فعلا حتي الاسترا من 2015 مبقاش فيها الشكاوى المعتادة القديمه و مع صديق ليا و ماشي ب 92 و الدنيا لطيفه..
[caps]Mohamed Badr[/caps]
رقم العضوية : 143755
تاريخ التسجيل : 16May2013
المشاركات : 76
النوع : ذكر
الاقامة : Egypt
السيارة: Nothing
السيارة[2]: Nothing
الحالة :
سلمت يمينك
موضوع كامل ويستخق التثبيت لاستفادت منه
مرحبا باوبل الالماني بتحفتها الانسينجا
رقم العضوية : 89096
تاريخ التسجيل : 21Feb2011
المشاركات : 588
النوع : ذكر
الاقامة : الاسكندرية
السيارة: استرا كوزمو 2012 + IX35 2015
السيارة[2]: سيات 133 + ماتريكس 2008
دراجة بخارية: SYM150, 200, 300 & 400 - CB600F- 919- F4i - Shadow 400 & 750 - Magna - R1
الحالة :
انت جامد فحت
التقرير والرساله اجمد من بعض
تسلم ايدك
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
ممتااااااز
اللى حيضيع بلدنا : الفهلوة و كلمة باشا و معلش و أصل
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
براحة علينا يا غول بس :)
تسلم ايدك عالتقرير المتكامل واللى بيضم المشكلات اللى ظهرت و ازاى تم التعامل معاها
وان شاء الله ميبقاش فيه مشاكل تانية
فين بقا المميزات :)
رقم العضوية : 61865
تاريخ التسجيل : 13Feb2010
المشاركات : 216
النوع : ذكر
الاقامة : Alexandria
السيارة: Opel Insignia
السيارة[2]: Honda Civic
دراجة بخارية: Quadro 350D
الحالة :
روح يابني الله يكرمك على الكلمتين دول، أنضف موضوع قاريته على المنتدى من فتره كبيره!
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
رائع .... موضوع رائع
رقم العضوية : 162614
تاريخ التسجيل : 13Jul2014
المشاركات : 1,144
النوع : ذكر
الاقامة : القاهرة
السيارة: نيسان صنى
السيارة[2]: بيجو 508
الحالة :
شكرا للتقرير الجيد الممتلئ بالتفاؤل و الحماس ولا جدال ان السيارة ممتازة ولكن....المشكلة فى الغول المصرى ...ذلك الغول الذى يطيح بكفاءة السيارات بالذات الحديثة ذات المحركات التربو و معامل انضغاط عالى , و الغول المصرى متعدد الازرع يبطش بها هناك و هناك لكل من تسول له نفسه شراء عربية"محترمة" و كفا ما حدث فى المرسيدس و الفولفو و الغول الالمانى و ربما القشقاى ايضا.....الغول المصرى موجود فى اصحاب محطات البنزين معدومى الضمير يلعب فى نقاء البنزين و درجة الاوكتين ضاربا بعرض الحائط مقدار الضرر الحادث للمحركات ( السبب الرئيس لخروج مرسيدس من مصر و غالبا سيتبع بشركات اخرى) و ذراع آخر للغول متمثل فى شوارع لا يصح ان يطلق عليها لقب شارع و ربما لقب مدق تكريم لها, و غول الاستهتار بالعميل اللى اشترى السيارة و بعد كده يخبط راسه فى الحائط ( مع الاعتذار للحائط) , و ذراع التسيب فى اجهزة الرقابة على حماية المستهلك " ربما لنقص الامكانيات و ربما لقوة رجال الاعمال و ربما لعدم و جود ارادة فاعلة لحماية المستهلك وربما...هنعد لبكرة) , الحقيقة ان استخدام التكونولوجيا المتطورة يحتاج دعم موازى فى مناحى كثيرة ترفع مستوى كفاءة هذه التكونولوجيا و المتمثلة هنا بالسيارات الحديثة و من هنا كان الفارق بين تقارير نجاح تلك السيارات بالخارج حتى دول الخليج و المشاكل الكثيرة و المتعددة فى مصر المحروسة , بصراحة انا بشكل راى من جديد فى نوع العربية "المناسبة" للشوارع المصرية و للبنزين المصرى و لنظام الصيانة المصرى و يمكن لو عشت فى المانيا هفكر بشكل ايجابى اكثر فى الغول الالمانى......انما فى مصر ربنا بقى يقدرنى على الغول المصرى.
رقم العضوية : 104928
تاريخ التسجيل : 23Jun2011
المشاركات : 6
النوع : ذكر
الاقامة : Cairo
السيارة: ×Opel, Insignia TL 2015
السيارة[2]: Kia, Cerato 2008
الحالة :
الله ينور
تقرير ممتاز زي صاحبه
المفضلات