جيتز 2008 ولا جولف 4 ؟؟؟؟؟

**a_hmed** · 26-10-2015 03:15 AM

أنا معايا هيونداى جيتز 2008 1600cc و الحمد لله حالة ممتازة و فابريكا ..

بس نفسى أركب جولف 4

انا عارف ان الجيتز تتفوق فقط فى السحب و قطع الغيار واستهلاك البنزين
الجولف ثبات و فرامل

الفكرة انى راكب 2008 و حالة ممتازة مريحانى بس انا نفسى اركب الجولف ... هل لما انزل بالموديل مش هحس بفرق ؟؟

ايه الاحسن ادور على عربية مسأطة ماتور ولا ادور على الماتور الفابريكة ؟؟
1600 و لا 1800 ؟؟
نوع الماتور و المواتير الى استبعدها ؟؟
استهلاك البنزين ؟؟
هل الجولف مشاكلها كتير ؟؟

وشكرااا مقدمآ :)

**svneleven** · 26-10-2015 04:56 AM

شوف ال أوروبي كله و خصوصا الألماني هيحسسك انك ما كنتش راكب عربية قبل كده لكن هتفقد مميزات كتير منها الاعتمادية و رخص الاسعار و المصنعيات.

**melouk1** · 26-10-2015 01:16 PM

اعمل كده بس هات عربية فابريكة و حالة تحفة كده بس انصحك طبعا و انسى الكوري معلش دي مش عربية جنب جولف

**mo"men** · 26-10-2015 05:12 PM

انا كان معايا جولف ٤ و كنت مسقطلها ١٨٠٠
بص يا معلم عايز راحة بال و شغل عملي خليك في الجيتز اما لو عايز جري واتزان عالي جدا و متعة سواقة و استهلاك بنزين عالي قطع غيار مش معمرة قوي يبقي جولف وانسي ١٤٠٠ علشان موتور منتن خليك في ١٦٠٠ وانت طالع بس كل متتطلع كل مهتتظبط بس خليك عارف ان ١٨٠٠ اقوي من ال ٢٠٠٠

**a_hmed** · 27-10-2015 03:18 AM

المشاركة الأصلية كتبت بواسطة svneleven

شوف ال أوروبي كله و خصوصا الألماني هيحسسك انك ما كنتش راكب عربية قبل كده لكن هتفقد مميزات كتير منها الاعتمادية و رخص الاسعار و المصنعيات.

تمام معاك بس يعنى ايه الاعتمادية ؟؟ :)

**a_hmed** · 27-10-2015 03:19 AM

المشاركة الأصلية كتبت بواسطة melouk1

اعمل كده بس هات عربية فابريكة و حالة تحفة كده بس انصحك طبعا و انسى الكوري معلش دي مش عربية جنب جولف

المشكلة بس بتبقى فى القلق من الشراء خصوصا ان معايا حالة كويسة

**a_hmed** · 27-10-2015 03:24 AM

المشاركة الأصلية كتبت بواسطة mo"men

انا كان معايا جولف ٤ و كنت مسقطلها ١٨٠٠
بص يا معلم عايز راحة بال و شغل عملي خليك في الجيتز اما لو عايز جري واتزان عالي جدا و متعة سواقة و استهلاك بنزين عالي قطع غيار مش معمرة قوي يبقي جولف وانسي ١٤٠٠ علشان موتور منتن خليك في ١٦٠٠ وانت طالع بس كل متتطلع كل مهتتظبط بس خليك عارف ان ١٨٠٠ اقوي من ال ٢٠٠٠

انا بحب الجرى الصراحة و الجيتز كانت بتطلع من عربيات كتيييير بس الجرى مش ماتور بس لازم ثبات و فرامل علشان كدة فكرت فى الجولف

كدة كدة انا مستبعد ال 1400 و ال 2000

انا بس معرفش الفرق بين ال 1600 و 1800 .. و لو 1800 معرفش استبعد انهى مواتير

و اعرف منين اذا كان متسقط صح ولا غلط و الكنترول و الضفيرة !!؟ و مين فى اسكندرية اكشف عنده ؟

**mo"men** · 27-10-2015 04:29 AM

ال ١٦٠٠ مكنة كويسة جدا و قطع غيارها سهلة هي بتاعت ال اوكتافيا بس لا تقارن ب ال ١٨٠٠ من حيث الجري و التجميع بس في حاجات فيها بتاعت ال١٦٠٠ وف حاجات مش هتلاقيها غير في القاهرة وخود بالك ان الطنابير الامامية كمان مختلفة وعيب ال ١٨٠٠ انها بتوطي العربية جامد يعني لازم تظبط عفشتك علشان انا جابت مني كرتيرة كذا مره لو عايز نصحتي هاتلك واحدة استوك واطلع بيها علي القاهرة وهتلك نص هيكل وشيل وحوط ورجع الصاج للتاجر وده بالاتفاق طبعا
وطبعا اللي اقوي منهم ال ١٨٠٠ تربو بس انصحك بلاش
وبالنسبة للكشف انا كنت بتعامل مع واحد في القاهرة و الصراحة الناس ديه فاهمة قوي
بس انا سمعت ان في واحد عند كوبري الناموس الناس بتشكر فيه
وبالتوفيق

**svneleven** · 27-10-2015 04:58 AM

المشاركة الأصلية كتبت بواسطة a_hmed

تمام معاك بس يعنى ايه الاعتمادية ؟؟ :)

اعتمادية يعني اعطال قليلة و اما تصلح تلاقي الدنيا سهلة و اي ميكانيكي يصلحها و الاعطال واضحة مش معقدة مش كل شوية حساس مين عمل ايه بوظ فين.

**melouk1** · 27-10-2015 06:43 AM

المشاركة الأصلية كتبت بواسطة a_hmed

المشكلة بس بتبقى فى القلق من الشراء خصوصا ان معايا حالة كويسة

إستنضف حاجه كويسة و اكشف كويس قوي

الموضوع: جيتز 2008 ولا جولف 4 ؟؟؟؟؟

LinkBack

أدوات الموضوع

عرض

جيتز 2008 ولا جولف 4 ؟؟؟؟؟ - انشر الموضوع فى :

-

-

-

المواضيع المتشابهه

نصيحة عن صبانة ال 80000 كم جيتز 2008

جيتز 2008 للبيع لدواعى السفر

هيونداى جيتز 2008 للبيع

تسعير جيتز 2008

هيونداى جيتز 2008 حادثة

الكلمات الدلالية لهذا الموضوع

المفضلات

المفضلات

ضوابط المشاركة