السلام عليكم ورحمة الله وبركاته
انا اشتريت فيات اونو موديل 93 من حوالى 8 شهور انا اولا معرفش حاجة فى العربيات خالص بس وانا بشتريها كان معايا اللى بيفهم وكنت كل ما الاقى حاجة فيها مش عجبانى كان الرد ان اللى بتكلم فيه ده اسمه كماليات او مكياج لكن العربية اساسها سليم
المهم اشترتها ب29 الف
وكنت حاسس انها غالية لكن عرضتها للبيع اول ما اشتريتها اكثر من مرة وكانت بتجيب من 28 الى 29 يعنى ما اضحكش عليا بس انا لاحظت فيها شوية حاجات حابب اذكرها اولا انا من ساعة ما جبتها معملتش فيها حاجة غير غيار الزيت وتربيط عفشة وغيار مشت كهربا مع العلم انى اتعلمت عليها السواقه
1-هى رشة بره بالكامل لكن جوه على الكلام اللى سمعته فبريكا
2-جميع الكاوتش الخارجى (اللى فى الابواب من جوه وبرة واللى فى السقف والكاوتش اللى على الزجاج الخلفى اللى واخد شكل مثلث كله مش بتاعها)
3-يوجد جزء فى التابلوه فى النصف اللى فيه التسجيل معوج سنه عن مكانة هى ممكن متكونش ملحوظه اوى بس انا شايفها ولما ركزت فيها اوى لاقيت ان التابلوه نفسه كان مفكوك ومتركب تانى بس مش راكب كويس وفى التابلوه من قدام الجزء اللى قبل الزجاج الامامى اجزاء مخرمه فى التابلوه (هى طبيعته كده)بس الاجزاء دى ما بين كل جزء والاخر مسافة لكن فى عربيتى كلهم مفتوحين على بعض او ممكن تقول انها متاكله
4-الفرش الخاص بالسقف ماسك فيه زى كلبسات فى منها مش موجود ومكانه فاضى
5-فرش الارضية من الواضح انه اتركب واتشال كتير لان مكان تثبيته واسع ومستعوض عنه بمسامير شك بورده
6-الارضية من الكنبة الخلفية غير مستوية يوجد فيها اجزاء عالية وواطيه انا مش عارف ده طبيعى ولا واخده خبطات من تحت
7-الشنطة الخلفية لما بفتها مش بتترفع لازم امسكها بايدى عشان ما تقوعش
8-البابين الخلفيين بيعاكسوا فى الفتح
9-الشكل الخارجى من برة لما اشتريتها كانت بتلمع لكن مع الوقت لوحدها بقيت الاقى فيها حتت مجرحة لوحدها وحتت تانية المعجون فيها مفرقع
فهل فعلا كل اللى بقوله ده مكياج زى ما سمعت ولا ايه
خصوصا ان الفرش اللى فيها هو وفرش الارضية والصالون والسقف الاصلى بتاعها
10-الفتيس بيرشح زيت ومحدش عارف يصلحه العلاج انى من وقت لاخر بزود زيت فتيس
11-فى صوت طقطقة فى الجننب اليمين اول ما بطلع بالعربية بس بيروح لما بتمشى على طول
وعلى فكرة انا عرضتها للبيع فى معرض جابت27 وهى مكيفه بس التكييف مش بيجيب هو ا ساقع على الرغم من انى شحنت الفريون بس اتسرب مع العلم ان ليا واحد زمية معاه اونو97 فبريكة بره وجوه انا من وجهه نظرى شايفها احسن من بتاعتى مفيها ش كل الملاحظات اللى ذكرتها دى وعاوزر يبيعها جابت له نفس سعر بتاعتى ولما سالت اللى بيفهموا قالولى بتاعتك حالتها احسن وطبعا الكلام ده هيجننى احسن ازاى بعد كل اللى قولته ده
ارجو من الاخوه الرد على استفساراتى بعد ازنكم
المفضلات