مساعدة يا جماعه انا حاسس ان اضحك عليا

**becatcho** · 05-09-2012 05:33 AM

اول حاجه انا من دمنهور روحت عشان اشتري سماعات وكاسيت جديد كنت شايف كل الناس هنا في المنتدى بتقول ان من احسن الكاسيتات الموجودة السوني ال 500 المهم لما روحت عند الراجل لقيت الكاسيت ب 680 جنيه وطبعا ده سعر غير الي بيتقال هنا في المنتدى تماما ولقيت عنده سماعات بيونير 300 وات فيتنامي ب 490 جنيه انا اشتريت فعلا السماعات خلاص والمفروض الكاسيت يجيلي بكره بس انا حاسس لما دخلت النهارده وراجعت المواضيع الي في المنتدى ان الاسعار دي مبالغ فيها جدا حد يقدر يفيديني بس يا جماعه محدش يقولي بعد اذنكوا ده في التوفيقية بكذا وكذا لان انا بيني وبينها سفر هاصرف فيه فرق السعر فا لو حد من اسكندرية او من دمنهور نفسها يقدر يفيدني اكتر وشكرا جدا ليكوا ولهذا المنتدى المميز

**mOuStaFa_ERTU** · 05-09-2012 07:56 AM

المشاركة الأصلية كتبت بواسطة becatcho

اول حاجه انا من دمنهور روحت عشان اشتري سماعات وكاسيت جديد كنت شايف كل الناس هنا في المنتدى بتقول ان من احسن الكاسيتات الموجودة السوني ال 500 المهم لما روحت عند الراجل لقيت الكاسيت ب 680 جنيه وطبعا ده سعر غير الي بيتقال هنا في المنتدى تماما ولقيت عنده سماعات بيونير 300 وات فيتنامي ب 490 جنيه انا اشتريت فعلا السماعات خلاص والمفروض الكاسيت يجيلي بكره بس انا حاسس لما دخلت النهارده وراجعت المواضيع الي في المنتدى ان الاسعار دي مبالغ فيها جدا حد يقدر يفيديني بس يا جماعه محدش يقولي بعد اذنكوا ده في التوفيقية بكذا وكذا لان انا بيني وبينها سفر هاصرف فيه فرق السعر فا لو حد من اسكندرية او من دمنهور نفسها يقدر يفيدني اكتر وشكرا جدا ليكوا ولهذا المنتدى المميز

الكاسيت باى حال من الاحوال
لو تايلاندى ب 570 من غير تركيب من التوفيقية من محل ارخصهم او الارخص
التركيب ب 25 جنية ولو هتجيبة من بى تيك ب 620 والتركيب مجانا
وللعلم هو هو يعنى هاته ب 570 + 25 تركيب = 595 بالتمام والكمال
وبالنسبة للسماعات ممكن تجيب ال jbl 300w دى بتعمل بالظبط 275 جنية
والانفينتى ب 350 جية ودول من الاخر افجر سماعتين فى الحدود دى

وربنا معاك

**akmm** · 05-09-2012 10:24 AM

لو فيه حد تعرفه نازل القاهره اومقيم فيها تقدر تكلمه ويبعتهم ليك .. وفعلا التوفيقيه ارخص بكتير .

**HAITHAM1985** · 05-09-2012 10:37 AM

نصب .......... وش ........... أنا جبته من عند أرخصهم بــ 580 جنيه وركبته بره والله بــ 15 جنية بس

**mhoreya** · 05-09-2012 11:28 AM

المشاركة الأصلية كتبت بواسطة becatcho

ولقيت عنده سماعات بيونير 300 وات فيتنامي ب 490 جنيه انا اشتريت فعلا السماعات خلاص

الراجل ده نصااااااااااااب و حراااااااااااااامى و كل اللى عاوز تقولو عليه قوله
بايونير 300 وات ب 490 جنيه يا مؤمن !!!!!!!
ياباشا سعر السماعات دى لا يتعدى 220 جنيه
لان سعر السماعات ال 500 وات ب 260 جنيه
و سعر السماعات ال 600 وات ب 450 جنيه
و سعر السماعات ال 550 وات ب 340 جنيه
و الصناعة كلها فيتنامى اى كلام يعنى .. يعنى متخليهوش يضحك عليك و يقولك دى فيتنامى يا باشا يعنى عشرة على عشرة .. بص انا لو مكانك ارجع السماعات دى و ارميهالو فى وشو بصراحة
لانه نصاب و حرامى

**lolita** · 05-09-2012 11:56 AM

باشا انا جايب الكاسيت عندنافى بنى سويف ب 680 بالتركيب هو دى اسعار الاقاليم او بعدين حد هايركبة و ممكن يطلع فية حاجة و ارجعلة تانى انا كنت عارف انة غالى بس اشتريت دماغى من المشوار للقاهرة بس سيبك انت دة كاسيت جبااااااااار و حكاية اوبشن عالى عالى

**becatcho** · 05-09-2012 04:03 PM

منا حسيت برضه ان دي اسعار الاقاليم بس بالنسبة للسماعات يا جماعة حد عنده اي معلومه انا اخدتها فعلا خلاص وركبت في العربية وتمنها 490 جنيه وهنا انتوا بتتكلموا على انها متجيبش 300 جنيه اساسا

**madaxman** · 05-09-2012 06:37 PM

300 وات ب 490 جنيه
لله الأمر من قبل ومن بعد
انا معايا محل ياباشا وببيع ال 500 وات فيتنامي ب 300 جنيه

**magedkahla** · 05-09-2012 09:11 PM

بص هو السعر غالي بس لو حسبتها المشوار لحد القاهرة والبنزين والفة والعطلة والكلام ده انت كدة اشتريت دماغك إلا لو ليك حد في القاهرة يبعتهولك

**yaserbasha2000** · 06-09-2012 08:51 AM

معلش محدش بيتعلم ببلاش

السؤال عن الاسعار و الانواع بيكون قبل الشراء مش بعده

المنتدي موجود علشان لما تكون عايز تعمل حاجه تسأل و تعرف الانواع و اسعارها فلما تتعامل مع بياع او صنايعي تبقي عارف حدود السعر ايه

اما موضوع اسعار الاقاليم فده مش مظبوط الاسعار بتختلف حسب جشع اللي بيبيع او ضميره لان الحجات دي مبتكلفش حاجه للوصول للاقاليم في شركات الشحن