الصيانات والاحتياجات الدورية للتيدا

**gha** · 22-04-2016 01:30 AM

السادة الافاضل ملاك العربية النيسان تيدا المحترمة جدا ..ربنا يبارك للجميع فيها يارب ...انا عندى تيدا موديل 2013 عايزة اعرف ايه الحاجات اللى بتتغير بشكل دورى ومدة كل حاجة..زى الزيت والفلتر ومياه الرادياتير وفلتر التكييف وكل اد ايه مثلا بيحتاج صيانة ..بإختصار محتاجة اعرف اغير ايه او اعمل صيانه لإيه كل مدة مقدارها قد ايه ..اانا قربت على ال10000 كيلو وخلاص فترة الضمان خلصت من شهر لإن استخدمتها مسافات قليلة خلال ال3 سنوات الماضية...وشكرا مقدما على مساعدتكم لى

**amr011111** · 22-04-2016 02:20 AM

العربيه جاي معاها كتالوج صيانه هتلاقى مكتوب فيه ايه الصيانات المطلوبه. الطبيعى انك تغيرى زيت كل 10 الاف كيلو متر. الا اذا كنتى بتغيرى كل 5000 كم

**Omar_4ever** · 23-04-2016 04:00 AM

البوجيهات بتتغير عال 100 الف ولكن مش دايما بتوصلهم فالأفضل تغييرهم عال 80 الف وللعلم هي بوجيهات بلاتينيوم والطقم الأصلي فوق ال 600 جنيه

مياه التبريد : تتغير كل 40 الف كيلو مع تنضيف دورة التبريد

سير المجموعة : كل 60 الف كيلو

فلتر البنزين : كل 60 الف كيلو او 40

طبعا زيت الموتور والفلتر كل 10 الاف كيلو

فلتر الهواء : مهم جدا جدا تغييره كل 20 الف كيلو عشان ميضرش الحساس

لو انتظمت على كل الكلام ده الموتور هيعيش العمر كله ان شاء الله

انا بايع عربيتي موديل 2006 كانت اول يد وهي ماشية 155 الف كيلو والموتور كانه زيرو لكن طبعا العفشة في الضياع

**amr011111** · 23-04-2016 12:23 PM

المشاركة الأصلية كتبت بواسطة omar_4ever

البوجيهات بتتغير عال 100 الف ولكن مش دايما بتوصلهم فالأفضل تغييرهم عال 80 الف وللعلم هي بوجيهات بلاتينيوم والطقم الأصلي فوق ال 600 جنيه

مياه التبريد : تتغير كل 40 الف كيلو مع تنضيف دورة التبريد

سير المجموعة : كل 60 الف كيلو

فلتر البنزين : كل 60 الف كيلو او 40

طبعا زيت الموتور والفلتر كل 10 الاف كيلو

فلتر الهواء : مهم جدا جدا تغييره كل 20 الف كيلو عشان ميضرش الحساس

لو انتظمت على كل الكلام ده الموتور هيعيش العمر كله ان شاء الله

انا بايع عربيتي موديل 2006 كانت اول يد وهي ماشية 155 الف كيلو والموتور كانه زيرو لكن طبعا العفشة في الضياع

اعتقد فى الكتالوج مكتوب ان سير المجموعه يتغير كل 40 الف كيلو بس الاصلى ممكن فعلا يتغير على 60 الف

سؤال جانبى زيت الموتور كنت بتغيره بانه نوع واسمه
وزيت الفتيس كذلك كنت بتغيره كله ولا بتزوده فقط وباى نوع وشكرا مقدما

**Omar_4ever** · 24-04-2016 06:27 AM

المشاركة الأصلية كتبت بواسطة amr011111

اعتقد فى الكتالوج مكتوب ان سير المجموعه يتغير كل 40 الف كيلو بس الاصلى ممكن فعلا يتغير على 60 الف

سؤال جانبى زيت الموتور كنت بتغيره بانه نوع واسمه
وزيت الفتيس كذلك كنت بتغيره كله ولا بتزوده فقط وباى نوع وشكرا مقدما

كنت بحط ليكوي مولي او كاسترول ايدج

بالنسبة لزيت الفتيس يتغير كل 40 الف او 3 سنوات 4 لتر
موبيل atf-320

**gha** · 25-04-2016 12:07 AM

المشاركة الأصلية كتبت بواسطة omar_4ever

كنت بحط ليكوي مولي او كاسترول ايدج

بالنسبة لزيت الفتيس يتغير كل 40 الف او 3 سنوات 4 لتر
موبيل atf-320

اولا شكرا لحضرتك على الرد

ثانيا بالنسبة لزيت الموتور كنت بتغير الزيت خارج التوكيل طبعا لان التوكيل مش بيستخدم النوع ده ولا إيه؟؟

ثالثا لانى زى ما ذكرت انى ماوصلتش ل 10000 كيلو لسه وفاتت ال3 سنيين ضمان فى التوكيل قاللولى اغير زيت قبل ما اوصل ال10000 عشان الموتور والمدة !!! مع العلم انا بغير كل 5000 ..

رابعا كدة المفروض اغير زيت الفتيس لان فاتت 3 سنوات ؟؟وبرضه اغيره فى التوكيل ولا مش مستاهلة؟

ومعلش انا مش خبيرة فى موضوع العربيات بصفتى سيدة ..وشكرا مرة ثانية لحضرتك

**Omar_4ever** · 25-04-2016 06:56 AM

المشاركة الأصلية كتبت بواسطة gha

اولا شكرا لحضرتك على الرد

ثانيا بالنسبة لزيت الموتور كنت بتغير الزيت خارج التوكيل طبعا لان التوكيل مش بيستخدم النوع ده ولا إيه؟؟

ثالثا لانى زى ما ذكرت انى ماوصلتش ل 10000 كيلو لسه وفاتت ال3 سنيين ضمان فى التوكيل قاللولى اغير زيت قبل ما اوصل ال10000 عشان الموتور والمدة !!! مع العلم انا بغير كل 5000 ..

رابعا كدة المفروض اغير زيت الفتيس لان فاتت 3 سنوات ؟؟وبرضه اغيره فى التوكيل ولا مش مستاهلة؟

ومعلش انا مش خبيرة فى موضوع العربيات بصفتى سيدة ..وشكرا مرة ثانية لحضرتك

في نوعين من زيت المحرك :

نوع بيقعد 10 الاف كيلو او 9 شهور ( ايهما اقرب)

نوع بيقعد 5000 كيلو او 3 شهور

في حالة لو بنستخدم زيت ال 10 الاف فبنغير معاه فلتر زيت
في حالة ال 5000 بنغير الفلتر مرة ومرة

بالنسبة لزيت الفتيس مش لازم يتغير في التوكيل بس يتغير عند بيفهم كويس في النيسان عامة
واهم حاجة رقم الزيت يكون atf320 اي كان نوعه

وطبعا ما دام عدا عليه 3 سنوات لازم يتغير

**meron_mero** · 05-05-2016 03:44 PM

كل المعلومات السابقة صحيحة
بس ليا تعقيب علي حضرتك
طالما مش بتمشي بالعربية كتير يفضل تحطي زيت 1000 و تغيري فلتر الزيت مع كل تغير
لان فلتر الزيت بالذات له صلاحية 3 شهور ف الزيت حتي لو العربية واقفة عشان مسام الفلتر بتتسد مع ركود الزيت فيه
اما لزيت الفتيس لازم تراجعي التوكيل عشان علي ما اظن الفتيس بتاع 2013 غير فتيس 2006 لان مودلات الصني 2012 غيرت الفتيس و اتغير زيت الفتيس من الصني الجديدة و الجيوك و القشقاي و بقي ليهم كل عربية زيت فتيس مختلف عنالموديل التاني